Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Sǝna 17:8 - Maləmce Məfele mala Ɓakuli: Kurcau Məbəshe

8 Mǝno yì nyamɓikea a sǝni ka, ndakam ɗiɗyal nǝ yilǝmu, ado ka pà kàm ɗang, sǝ banì pà nǝ̀ sau ɗang ndo nǝ ngga puro aɓa tuli-tàtǝkǝtè, sǝ nǝ̀ kutio nǝ̀ ká lú mǝnana málá male pà kàm raka. Aɓwana mǝnana à ndanǝ do a ɓanza, amǝnana pur a share ɓanza ka, à gilǝ lullǝia aɓa Malǝmce Yilǝmu raka, à nǝ̀ ndali nǝ nyare-yiu mala man yì nyamɓikea mǝnana wú ɗiɗyal ka.

အခန်းကိုကြည့်ပါ။ ကော်ပီ




Sǝna 17:8
28 ပူးပေါင်းရင်းမြစ်များ  

Sǝ Murǝm nǝ̀ ne aman a bui mǝli ka ama, “Wu yiu, wun aɓwana mana tsǝkbu mala Tárram na mur wun ngga. Wu yi ak Domurǝm mana à gilǝki ace wun pur a tita ɓanza ka.


Sǝ ban ɓǝ̀ kǝa ɓoara wun ama akukwar kǝ oka wun ɗang, wu pak bumpwasǝa ama alullǝ wun ngga à gilǝnia a kuli.”


Akukwar nì camarǝ zǝmbǝi Yesu ama ɓǝ̀ kǝa tasǝia aɓa tuli-tàtǝkǝtè, yì tuli-bǝsa ɗang.


Dâ! Ən nggǝ earce nǝma aɓwana mǝnana a pamia ka, ɓǝa do atam aban mǝnana mǝ nda kam ngga; sǝ ɓǝa sǝn gulo mem mǝnana a pam, acemǝnana a kǝ earcem sǝ a yi pusǝ ɓanza ka.


Mǝnia ka Mǝtalabangŋo nǝ̀ bangŋa, yì ɓwa mana pusǝ amǝnia yì agir a banfana ɗiɗyal ka.”


Kaniama nǝ̀ pak ɓanza ka, Ɓakuli ak tadǝmbǝa tàr sǝm, ɓǝ̀ sǝm duk amale, aɓa kpapi ma'sǝm sǝnǝa Kǝrǝsti, ace mǝnana ɓǝ̀ sǝm tar ɓamur sǝm aceì, ɓe sǝm duk aɓwana amǝ ɗwanyi cau a rǝǔ abani, sǝ ɓǝ̀ sǝm dukdo earcearǝu.


Mǝno yì paɓamuru andǝ sǝlǝe ka, nda mǝnana kǝ pea wia tsǝkɓalǝu ama à nǝ̀ kum yilǝmu mǝnana málá male pà kàm raka, yì yilǝmu mǝnana Ɓakuli mana kǝ na nyir raka, bangŋa a shareta ɓanza ama nǝ̀ pea wia ka.


Kaniama à nǝ̀ kwakita ɓanza ka, Ɓakuli tarrì, ci male ɗang. Sǝ aɓa mǝnia yì masǝlǝata apwari ka, à yì lǝmndǝni a banfana àkǝ̀ ace wun.


Anzǝm mǝnana ɓǝa malǝna nakun malea ka, nyamɓikea mǝnana nǝ̀ pur aɓa tuli-tàtǝkǝtè ka, nǝ̀ yiu nǝ lwa a rǝia, nǝ̀ gandǝia sǝ nǝ̀ wal-luia.


Yì nyamɓikea mǝnana ndakam ɗiɗyal nǝ yilǝmu, sǝ ado ka pà kàm raka, nda tongno-nong-tāruia murǝm. Sǝ yì ka, ndá mwashat ata amǝno yì amurǝma tongno-nong-ɓari ka, sǝ kǝ ká nǝ ká a lú male.


Amurǝma mala ɓanza pak cauɓikea nongginǝban andǝi, sǝ aɓwana mǝnana à nda ka amǝɓanza man ngga, à ɓosǝkinia à nuna mùr-anap mala cauɓikea male mala nongginǝ-rǝarǝu kǝrkǝr, gandǝa à wal-wale.”


Sǝ yì Shetan, mǝnana swarkia ka, à ramte aɓa garang mala bǝsa mǝnana kǝ li nǝ atali ear-bǝsa ka, à kǝ̀ ban mǝnana à ramta nyamɓikea andǝ mǝɓangna mǝ'nyir nì kàm ngga. À nǝ̀ ueo kano aɓa kum kwanban mǝkǝrkǝr nì du andǝ pwari, mǝnana málá male pà kàm raka.


Sǝ Ən sǝn aɓwana mǝnana à wuna ka, ɓwa mǝgule andǝ ɓwa mǝkyauwe, aban came a ɓadǝm bunomurǝm nì. Pǝlǝa à mǝnggi amalǝmce, sǝ à yì mǝn ɓe malǝmce, mǝnia ka nda Malǝmce Yilǝmu. Sǝ aɓwana mǝnana à wuna ka, à pakkia wia ɓashi arǝ agir mǝnana à pak ka, kǝla mǝnana ndakam à gilǝia aɓalǝ amalǝmce mǝno ka.


Sǝ ɓwa mǝnana kat lullǝi pà kàm à gilǝì aɓa Malǝmce Yilǝmu raka, à turi aɓa garang mǝnana kǝ li nǝ bǝsa ka.


Acemǝnana a kpana ta nzongcau mem mala do gandǝrǝu aɓa mǝkwane nǝ munyi ka, mǝ nǝ yallo, a nǝ api pwari mala nggea tanni mǝnana kǝ yiu amur ɓwapǝndǝa kat a ɓanza, ace mwam aɓwana mǝnana a mala ɓanza na ka.


Ɓwa mǝnana limurǝm ngga mǝ nǝ oasǝi wi daura pwasǝa a rǝì kǝla mǝno, sǝ pà mǝ nǝ kasǝ lullǝi ɗang aɓa Malǝmce Yilǝmu. Mǝ nǝ bang ce a ɓadǝm Tárram andǝ amǝturonjar male ama yì ka, mem na.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ