Sǝna 17:5 - Maləmce Məfele mala Ɓakuli: Kurcau Məbəshe

⁵ Lullǝu na kam à gilǝì a kundǝmbǝi mǝnana ɓālǝi ka girsǝmbǝrǝa na. Lullǝui ama: BABILA, NGGEALA MƏGULE, NGGEAU MALA KOYA KÌƊÌKÌ MALA NONGGINƏ-RƏARƏU ANDƏ KOYA GIR ƁEAMI A ƁANZA.

Sǝna 17:5 ပူးပေါင်းရင်းမြစ်များ

Amǝ Filipi 3:19

Masǝlǝatea ka, kiɗiki na. Ɓakuli malea nda bumia, agir kǝsǝkya à nda ka agir jali malea, sǝ ɓabumia ka nda amur agir ɓanza.

2 Amǝ Tasalonika 2:7

Rǝcandǝa mala ɓealɓikea ka, angŋa dǝmbǝa nǝ̀ nggǝ pak turo aɓa sǝmbǝrǝa, sǝ anggo ka, nǝ̀ ueo aɓa sǝmbǝrǝa she ɓǝa gǝshina ɓwa mǝnana akiyì njar male ka.

Sǝna 1:20

Mǝnia ka nda ɓa cau ɓa-sǝmbǝrǝa amur anlero tongno-nong-ɓari mana a sǝnia aɓa buam-mǝlì, andǝ ɓa cau ɓa-sǝmbǝrǝa amur agir tamsǝ pitǝla zǝnariya tongno-nong-ɓari ka. Anlero mǝnia tongno-nong-ɓari ka, à ndaka amǝturonjar mala a'ikǝlisiya tongno-nong-ɓari, yì akpapi mala amǝkpata Yesu. Sǝ agir tamsǝ pitǝla tongno-nong-ɓari ka, à ndaka yia a'ikǝlisiya tongno-nong-ɓari.

Sǝna 11:8

Luia nǝ̀ nong amur njargula aɓa nggeala mǝnana a kun-ndunocau ka à tunǝi ama Sodom andǝ Masar, sǝ akàm gbal sǝ à gballì Mǝtalea amur nggun-gangndi.

Sǝna 14:8

Pǝlǝa ɓaria mǝturonjar kpata mǝno sǝ kǝ na ama, “Nggeala mǝgule Babila ka kpana, yì mɓwama mǝnana tsǝk aɓwana arǝ anzali ɓanza à nu mùr-anap mala npel mala kìɗìkì nongginǝ rǝarǝu male ka.”

Sǝna 16:19

Nggeala mǝgule Babila ka, gau arǝ abanì tārú, sǝ anggea-là mala anzali ɓanza pas ka, à kpakia, à sukki amur rǝarǝia. Nda sǝ Ɓakuli ɗenyi nǝ Babila Mǝgule, sǝ ci ɓǝ̀ nu aɓa kwar mǝnana à lumsǝì nǝ mùr-anap mala bumlulla mǝgule male aɓa ukkio male ka.

Sǝna 17:1

Mwashat ata amǝturonjar tongno-nong-ɓari mǝnana nǝ atasau tongno-nong-ɓari ka, yiu abanam. Nam cau ama, “Yiu atam, mǝ nǝ lǝmndǝo ɓashi mala Ɓakuli mǝnana nǝ̀ yiu amur man'gyatarǝu mǝgule, yì nggeala mǝnana à ɓè aban anggeasala pas ka.

Sǝna 17:2

Amurǝma mala ɓanza pak cauɓikea nongginǝban andǝi, sǝ aɓwana mǝnana à nda ka amǝɓanza man ngga, à ɓosǝkinia à nuna mùr-anap mala cauɓikea male mala nongginǝ-rǝarǝu kǝrkǝr, gandǝa à wal-wale.”

Sǝna 17:7

Pǝlǝa mǝturonjar nam ama, “Palang sǝ a pak ndali? Mǝ nǝ banggo gir ɓa-sǝmbǝrǝa amur mǝnia yì mɓwama, andǝ mala yì nyamɓikea mǝno nǝ aɓamuru tongno-nong-ɓari andǝ anjawe lum, mǝnana mɓwame dukiyi a nzǝmi ka.

Sǝna 18:2

Loasǝ gi bang-bang na cau ama: “Babila kpana! Mǝno yì nggeala mǝgule ka, kpana! Pǝlǝna ban-do mala akukwar. Pǝlǝna mpu mala koya bangŋo mǝɓane, andǝ ndá mala koya nyal mǝɓane, andǝ ban sǝmbǝrǝa mala koya nyama mǝɓane, andǝ mǝnana à ɓinǝce ka.

Sǝna 18:21

Pǝlǝa ɓe mǝturonjar mǝcande imsǝ nggea tali mǝnana gulo male na kǝla nggea taligo mǝgule ka. Yi turi aɓa nggeamur sǝ na ama, “Kǝla mǝno ka, sǝ à nǝ̀ túr nggeala Babila aɓa nggeamur tsulǝm! Sǝ à pà nǝ̀ nyare à nǝ̀ sǝni ɗǝm ɗang.

Sǝna 19:2

Aɓashi male ka, kǝ pea aɓa mǝsǝcau andǝ kpate a nzongŋi. Pangŋǝ́nì man'gyatarǝu mǝgule ɓashi; yì man'gyatarǝu ka nda kiɗiki ɓanza nǝ ɓealǝu mǝɓane male mala gyatarǝu aban nonggi nǝ aburana ka. Ɓakuli pangŋǝ́nì wi mǝɓane a kunì walo mǝnana wal-lú aguro male ka.”

Sǝna 7:3

“Wu came! Wu kǝa na ama wu nǝ̀ je nzali ko nggeamur ko anggun ama wu nǝ̀ kiɗikia ɗang, she ɓǝ̀ sǝm tsǝngŋǝni aguro mala Ɓakuli ma'sǝm nyoulǝa mala parbu a kundǝmbǝia ka.”