Sǝna 17:2 - Maləmce Məfele mala Ɓakuli: Kurcau Məbəshe

² Amurǝma mala ɓanza pak cauɓikea nongginǝban andǝi, sǝ aɓwana mǝnana à nda ka amǝɓanza man ngga, à ɓosǝkinia à nuna mùr-anap mala cauɓikea male mala nongginǝ-rǝarǝu kǝrkǝr, gandǝa à wal-wale.”

Sǝna 17:2 ပူးပေါင်းရင်းမြစ်များ

Yohana 2:10

Sǝ na ama, “Aɓwana pak ka à kǝ yinǝ mùr ɓǝlanggun anap mǝɓoarne a dǝmbǝa, ɓǝ̀ abǝri nuna karǝnia ka, sǝ à kǝ yiu nǝ mǝnana twal te ka; sǝ mo ka a tsǝk mǝɓoarne a nzǝmo!”

Sǝna 14:8

Pǝlǝa ɓaria mǝturonjar kpata mǝno sǝ kǝ na ama, “Nggeala mǝgule Babila ka kpana, yì mɓwama mǝnana tsǝk aɓwana arǝ anzali ɓanza à nu mùr-anap mala npel mala kìɗìkì nongginǝ rǝarǝu male ka.”

Sǝna 17:13

Yia kat mǝnia lum ngga, kunia mwashat. À nǝ̀ yia nyesǝ rǝcandǝa andǝ garamurǝm malea à nǝ̀ pe nyamɓikea.

Sǝna 17:17

À nǝ̀ pa anggo, acemǝnana Ɓakuli tsǝngŋǝna kani male a ɓabumia, kani male mǝnana à nǝ̀ pak nggearǝ gir mǝnana ɓabumi earkiyi ce ka. À nǝ̀ kpapi muria, à nǝ̀ pe nyamɓikea garamurǝm malea. Aɓa pe mǝno anggo ka, cau mǝnana Ɓakuli bang ngga nǝ̀ yia lumsǝo.

Sǝna 17:5

Lullǝu na kam à gilǝì a kundǝmbǝi mǝnana ɓālǝi ka girsǝmbǝrǝa na. Lullǝui ama: BABILA, NGGEALA MƏGULE, NGGEAU MALA KOYA KÌƊÌKÌ MALA NONGGINƏ-RƏARƏU ANDƏ KOYA GIR ƁEAMI A ƁANZA.

Sǝna 17:8

Mǝno yì nyamɓikea a sǝni ka, ndakam ɗiɗyal nǝ yilǝmu, ado ka pà kàm ɗang, sǝ banì pà nǝ̀ sau ɗang ndo nǝ ngga puro aɓa tuli-tàtǝkǝtè, sǝ nǝ̀ kutio nǝ̀ ká lú mǝnana málá male pà kàm raka. Aɓwana mǝnana à ndanǝ do a ɓanza, amǝnana pur a share ɓanza ka, à gilǝ lullǝia aɓa Malǝmce Yilǝmu raka, à nǝ̀ ndali nǝ nyare-yiu mala man yì nyamɓikea mǝnana wú ɗiɗyal ka.

Sǝna 18:23

Tǎ mala pitǝla pa nǝ̀ nyare nǝ̀ ta ɗǝm a ɓalǝo ɗang. À pà nǝ̀ nyare à nǝ̀ ok giu banɓoarnado mala amanfela andǝ aburamanfela ɗǝm a ɓalǝo ɗang. Mǝnia ka pak anggo acemana amǝ nggaliki mo, mǝnana à nda à kutiban kat ɗiɗyal nǝ rǝcandǝa aɓa kurkuro andǝ ram gǝna a ɓanza ka, a ciá pup, nǝ́ agir monzǝo mo, à swarkia aɓwana arǝ anzali kat.

Sǝna 18:3

Aɓwana arǝ anzali kat, à nuna mùr-anap mala nshawari, andǝ kìɗìkì mala nonggi nǝ rǝarǝu male, sǝ walǝnia. Amurǝma mala ɓanza nonggina nǝi. Ace ɓiki earce do male aɓa banɓoarnado mala kume ka, tsǝngŋǝna amǝ nggaliki mala ɓanza à pǝlǝna amǝ gǝna.”

Sǝna 18:9

“Amurǝma mala ɓanza mǝnana à kutio aɓa kìɗìkì mala nonggi nǝ rǝarǝu andǝ yi, sǝ à do aɓa banɓoarnado andǝ li mǝɓoarne ate ka, à nǝ̀ ɓua, sǝ à nǝ̀ keban amuri, ɓǝa sǝnǝna yele mala bǝsa mǝnana kǝ pisǝì ka.

Sǝna 2:22

Ace mǝno ka, mǝ ndo mǝ nǝ turí aɓa rǝkwana mǝɓike mǝnana nǝ̀ nongsǝì a kala aɓa tanni kǝrkǝr ka. Sǝ aɓwana mǝnana à pak cauɓikea nongginǝ rǝarǝu andǝ yì ka, à nǝ̀ tanni gbal ate kǝrkǝr, she ɓǝa pwana'nzali à nyingŋǝna agir ɓealɓikea mǝnana à pa andǝ yì ka.

Sǝna 3:10

Acemǝnana a kpana ta nzongcau mem mala do gandǝrǝu aɓa mǝkwane nǝ munyi ka, mǝ nǝ yallo, a nǝ api pwari mala nggea tanni mǝnana kǝ yiu amur ɓwapǝndǝa kat a ɓanza, ace mwam aɓwana mǝnana a mala ɓanza na ka.

Sǝna 9:21

Sǝ ɗǝm ngga à ginǝ pwanzali à nǝ̀ pǝlǝ nzǝmia arǝ pakkiagir malea mala walki-alú, andǝ kpata agirmonzǝo, andǝ kìɗìkì mala nongginǝ rǝarǝu, andǝ iki'an'i.