Sǝna 17:17 - Maləmce Məfele mala Ɓakuli: Kurcau Məbəshe

¹⁷ À nǝ̀ pa anggo, acemǝnana Ɓakuli tsǝngŋǝna kani male a ɓabumia, kani male mǝnana à nǝ̀ pak nggearǝ gir mǝnana ɓabumi earkiyi ce ka. À nǝ̀ kpapi muria, à nǝ̀ pe nyamɓikea garamurǝm malea. Aɓa pe mǝno anggo ka, cau mǝnana Ɓakuli bang ngga nǝ̀ yia lumsǝo.

Sǝna 17:17 ပူးပေါင်းရင်းမြစ်များ

Luka 22:22

Lú mala Muna mala Ɓwa ka nǝ̀ pa kǝla mǝnana Ɓakuli kani ka, sǝ caukwanban na nǝ ɓwa mǝnana me ka!”

Luka 22:3

Pǝlǝa Shetan kutio arǝ Yahuda mǝnana à tunǝki ama Iskariyoti ka. Yì ka, nda aɓalǝ alaggana mala Yesu mana lum-nong-ɓari ka.

Luka 22:37

Mǝ ndaban bangga wun ama cau mǝnana à gilǝì aɓa Malǝmce ama, ‘À oasǝi ata amǝ'cauɓikea’ ka, nǝ̀ lumsǝo a muram pup. E, gir mǝnana à gilǝì a muram ngga nda kǝ yiu a lumsǝo ka.”

Yohana 10:35

Wu sǝlǝna ama cau mǝnana Malǝmce bang ngga makgir pà a rǝì ɗang, camǝna anggo pà nǝ̀ nggaɗi ɗang. Sǝ ɓǝa aɓwana mǝno à ak cau mǝno, à tunǝia ama “aɓakuli” ka,

Yohana 13:18

Ən pa aban na cau amur wun kat ɗang, acemǝnana ǝn surǝna rǝ aɓwana mǝnana ǝn tarkia ka. Sǝ cau mǝnana Malǝmce mala Ɓakuli bangŋa ama, “Kǝ yì, yì ɓwa mǝnana oasǝ bui atam a kwar ka nda pǝlǝ a rǝam ngga,” dumǝna púp nǝ̀ lumsǝo.

Yohana 13:2

Yesu andǝ alaggana male ka à nda ban lí nǝ pwarikpǝra. Shetan angŋa dǝmbǝa tsǝngŋǝna ɗenyicau mala mak Yesu a ɓabum Yahuda Iskariyoti muna mala Shiman.

Yohana 19:24

Pǝlǝa à nea rǝia ama, “Ɓǝ̀ sǝm ngga na ama sǝm nǝ̀ sanggi daura man ɗang, a kun mani ka ɓǝ̀ sǝm kocàca amuri, ɓwa mǝnana li ka ɓǝ̀ twali.” Mǝnia yì gir ka yi pa anggo ace mǝnana ɓǝ̀ lumsǝ cau mala Ɓakuli mǝnana bangŋa ama, “À gakia rǝia adaura mem sǝ à kocàca ace nggea-daura mem.” Mǝnia ka nda gir mǝnana asoje pe ka.

Yohana 19:28

Yesu sǝlǝna ama ado ka agir mǝnana kat Ɓakuli turi ɓǝ̀ yi pea ka, malǝna pea, sǝ ace mǝnana ɓǝ̀ cau mala Malǝmce mala Ɓakuli ɓǝ̀ lumsǝ ka, bangŋa ama, “Ən nggǝ ok mǝsamur.”

2 Amǝ Korinti 8:16

Ən nggǝ pakki Ɓakuli yàwá, ace pe Titus ɓabum ulang mǝnana mǝ ndanǝi ace wun ngga.

Sǝna 10:7

Ɓǝ̀ tongno-nong-ɓaria mǝturonjar twang njawe male ka, gir mǝnana Ɓakuli kani nǝ̀ pe sǝ à sǝmbǝrǝ ce ka, nǝ̀ yia lumsǝo. Nǝ̀ yia puro kǝla mǝnana bangŋi a banfana aban aguro, amǝ'ɓangna male ka.”

Sǝna 15:1

Anzǝm mǝno ka, ǝn sǝn ɓe gir'lǝmndǝa mǝgule andǝ mǝ'pa ndali, puro a kuli. Amǝturonjar na yia tongno-nong-ɓari, mǝnana à ndanǝ masǝlǝata agir yinǝ tanni twal la, mǝnana à nǝ̀ yia lǝmndǝna masǝlǝata bumlulla mǝgule mala Ɓakuli nǝia ka.

Sǝna 17:13

Yia kat mǝnia lum ngga, kunia mwashat. À nǝ̀ yia nyesǝ rǝcandǝa andǝ garamurǝm malea à nǝ̀ pe nyamɓikea.

Sǝna 19:9

Pǝlǝa mǝturonjar banggam ama, “Gilǝ cau mǝnia ka: ‘Tsǝkbu mala Ɓakuli na amur aɓwana mǝnana à tunǝia aban ká aban li girlina isǝban mala Mǝgam ngga!’ ” Sǝ na ɗǝm ama, “Amǝnia ka, à ndaka cau mǝ'mǝsǝcau nì mala Ɓakuli.”

Sǝna 6:11

Pǝlǝa à pe ko yana atea ka nggea-daura pwasǝa, sǝ à banggia wia ama ɓǝa do, ɓǝa kundǝ kam bǝti, she ɓǝ̀ lakki mala aɓia amǝturo andǝ amǝ'eambǝia mǝnana à nǝ̀ wal-luia, kǝla mǝnana à walia ka, lumsǝna ka.