Sǝna 17:16 - Maləmce Məfele mala Ɓakuli: Kurcau Məbəshe

¹⁶ Yì nyamɓikea andǝ anjawe lum mǝnana a sǝnia ka, à nǝ̀ ɓinǝmǝsǝ man'gyatarǝu man. À nǝ̀ swari wi agir-nggurǝi, à nǝ̀ nyi nǝ ɓate, à nǝ̀ shak nyami, sǝ acili abare ka, à nǝ̀ pisǝia a bǝsa.

Sǝna 17:16 ပူးပေါင်းရင်းမြစ်များ

Sǝna 12:3

Nyare ɓe gir'pandali mǝgule pusǝrǝi a kuli. Kaɓa ɓe nggea Dǝragon mǝbangŋe na, ndanǝ aɓamuri tongno-nong-ɓari andǝ anjawe lum, sǝ amur koya ɓamuri ka ndanǝ sukuru-murǝm kam.

Sǝna 16:12

Tongno-nong-mwashatia mǝturonjar solǝ gir ɓa tasau male amur nggeasala mǝgule mǝnana à tunǝki ama Yiufǝretis ka. Sǝ mur mana aɓa mǝnia yì nggeasala ka, twalo ime ace mǝnana amurǝma andǝ amǝ'lwa malea, amǝnana à nǝ̀ yiu nǝ njartakuli ka, ɓǝa kum njar kutio.

Sǝna 17:10

Tongno atea ka à wukina. Mwashat ka nda kam piu amur bunomurǝm. Sǝ ɓe man mwashat ka, malaká yiu ɗang peatu. Ɓǝ̀ yina ka, do yalban male pà nǝ̀ sau ɗang.

Sǝna 18:19

À pwan tú sǝ à soe amuria, sǝ à mak zwalo aban ɓua andǝ keban ama: “ ‘Cau kwanban! Cau kwanban nǝ nggeala mǝgule, ban mǝnana amǝtala awarubǝsa mǝnana à kǝ gya a nggeamur, pǝlǝ amǝkume kam ngga. Aɓa bu-pwari mwashat, kara à kiɗikini.

Sǝna 18:8

Ace mani ka, agirpatanni mǝnana à nǝ̀ yinǝi wi nǝ bumkiɗikea, andǝ nzala, andǝ lú ka, à nǝ̀ yiu amuri aɓa pwari mwashat. Nǝ̀ yia pi aɓa bǝsa kǝring, acemǝnana Mǝtalabangŋo Ɓakuli mǝnana pakkiyi wi ɓashi ka, mǝ rǝcandǝa na.

Sǝna 19:18

Wu yiu wu yì li nyam amurǝma, andǝ aɓwana amǝcande, andǝ akanggǝrang amǝ'lwa. Wu yiu wu yì li nyam apǝ́r andǝ amǝpǝ̀r, nyam aɓwapǝndǝa kat, aguro andǝ aɓwana à dukdo ɓamuria ka, ɓwa mǝkyauwe andǝ ɓwa mǝgule.”