Sǝna 17:14 - Maləmce Məfele mala Ɓakuli: Kurcau Məbəshe

¹⁴ Yia kat ka, à nǝ̀ ká nǝ lwa arǝ Mǝgam, sǝ Mǝgam andǝ amǝte, yia aɓwana male mǝnana tunǝia, sǝ tarkia, andǝ amǝ kpate aɓa mǝsǝcau ka, à nǝ̀ limurǝm amuria. À limurǝm amuria acemǝnana yì Mǝgam ngga, nda Gbani amur amǝtala anzali kat, sǝ nda Murǝm mala amurǝma kat.”

Sǝna 17:14 ပူးပေါင်းရင်းမြစ်များ

Matiu 22:14

Ɓakuli tunǝ aɓwana pas sǝ bǝti na à dum nǝ mǝsǝcau ɓǝ̀ Ɓakuli tària ka.

Matiu 25:40

Pǝlǝa Murǝm nǝ̀ nyesǝia wia ama, “Ɓafo, ǝn nggǝ bangga wun, gir mana kat wu pakki mwashat ata aɓwana mem, ko nggearǝ mǝnana à kǝ sǝni nda ɓwa mǝkyauwe mala aɓi ka, Mǝ nda wu pakkam ngga.”

Matiu 28:18

Yesu pǝlǝa yiu abania sǝ na ama: “Rǝcandǝa mǝnana a kuli andǝ mana a ɓanza kat ka Ɓakuli panami!

Yohana 15:16

Wun nǝ̀ taram ɗang, mǝ nǝ̀ tár wun, sǝ ǝn pa wun turo nǝma wu kya pâ ɓǝla wun, ulang ɓǝle mǝnana pà nǝ̀ kiɗiki raka. Anggo ka sǝ Tárram nǝ̀ pa wun gir mǝnana kat wu zǝmbǝi wi aɓa lullǝam ngga.

Amǝ Roma 1:6

Wun ngga, wu nda aɓalǝ aɓwana mǝnana à tunǝia ɓǝa duk amala Yesu Kǝrǝsti ka.

Amǝ Roma 8:30

Sǝ aɓwana mǝnana Ɓakuli tària ka, à nda ka amǝnana gbal tunǝia ka, sǝ aɓwana mǝnana tunǝia ka, angŋǝnia, à dumǝna aɓwana amǝ'cauɓoarna abani, sǝ aɓwana mǝnana angŋǝnia ka, à nda gbal yinǝia aɓa kum gulo male ka.

Amǝ Roma 8:37

Awo! Aɓalǝ amǝnia yì agir kat ka sǝm kuti amǝ limurǝm, nǝ bu Kǝrǝsti mǝnana earce sǝm ngga!

1 Amǝ Korinti 15:24

Anzǝm mǝno ka, sǝ masǝlǝate nǝ̀ yiu; anggo ka, Kǝrǝsti nyesǝna domurǝm pani Ɓakuli Tarrû, anzǝm mǝnana kiɗikina koya yalmuru, andǝ koya garamurǝm, andǝ koya rǝcandǝa ka.

1 Timoti 6:15

Ɓǝ̀ pwari nì yi karǝna ka, Ɓakuli mana ɓwangsǝban kat abani sǝ pa, sǝ yì nǝmurǝì nda Mǝyalban, yì Murǝm mala amurǝma andǝ Gbani amur amǝ'talanzali ka, nǝ̀ yia lǝmndǝ Kǝrǝsti nǝ kuli.

2 Timoti 2:4

Kǝ soje pâ kàm mǝnana nǝ̀ oasǝ ɓamuri aɓa dukiado mala aɓwana mǝnana asoje na raka ɗang, acemǝnana kǝ earce nǝ̀ pwasǝbum ɓwa mǝnana twali a soje ka.

1 Bitǝrus 2:9

Sǝ wun ngga, wu ndaka ɓwamǝpǝnde mǝnana Ɓakuli tar wun ngga. Wu nda ka amurǝma pǝris, aɓwana ace Ɓakuli, andǝ agirkuma male. Tàr wun ace mǝnana ɓǝ̀ wu hami aɓwana aɓealɓoarna male, yi mǝnana tunǝ wun aɓa pǝndǝa aban yiu aɓa tǎlaban male mǝ pà ndali ka.

Sǝna 1:5

Sǝ ǝn nggǝ shamba wun ɓwamuru andǝ do rǝpwala mǝnana à kǝ pur nǝban Yesu Kǝrǝsti ka. Yì Yesu Kǝrǝsti ka nda mǝ'nakún mala Ɓakuli aɓa mǝsǝcau, mǝdǝmbǝa mala aɓwana mǝnana à kǝ loapi ɓembe anzǝm lú ka. Sǝ yì nda mǝyalban amur amurǝma mala ɓanza. Yì nda mǝnana earmǝsǝ sǝm, sǝ panzǝna sǝm aɓalǝ acauɓikea ma'sǝm nǝ nkila male,

Sǝna 11:7

Anzǝm mǝnana ɓǝa malǝna nakun malea ka, nyamɓikea mǝnana nǝ̀ pur aɓa tuli-tàtǝkǝtè ka, nǝ̀ yiu nǝ lwa a rǝia, nǝ̀ gandǝia sǝ nǝ̀ wal-luia.

Sǝna 16:14

À ndaka abangŋo mala akukwar mǝnana à kǝ pakki agir-ndali ka. À purkio aban o aban amurǝma mala ɓanza kat, à nǝ̀ ngga rambǝia ace lwa arǝ Mǝtalabangŋo, a Pwari Mǝgule mala Ɓakuli mǝnana Karban Kat ka.

Sǝna 2:10

Ɓangciu ɓǝ̀ kǝa pakko arǝ tanni mǝnana ndo nǝ̀ kumo ka ɗang. Sǝni, Shetan no nǝ̀ ngga oasǝ aɓea aɓwana ata wun a ndàkurban ace mwam wun, sǝ ndo wu nǝ̀ kum tanni mǝkwane arǝ anongŋo lum. Wu bwal paɓamuru ma'wun abanam pepe, ko ɓǝ̀ nǝ̀ ká lú ka, sǝ mim ngga mǝ nǝ pa wun tangnakusǝu mala yilǝmu.

Sǝna 2:13

Ən sǝlǝna ama ban mǝnana a ndakam nǝ do ka, bunomurǝm mala Shetan na abanì. Sǝ kat andǝ mǝno ka, a cam kàngkàng aɓa kpatam. A makgir paɓamuru mo abanam ɗang, ko a nggearǝ baku mǝnana à wal lú Antipas, mǝ'nakunam mǝ'mǝsǝcau nì, mǝnana à wal-lui acem, a nggeala ma'wun, àkǝ̀ ban mǝnana Shetan duki kam ngga.

Sǝna 3:21

Ɓwa mǝnana limurǝm ngga mǝ nǝ yinǝi nǝ̀ yia do atam amur bunomurǝm mem, kǝla mǝnana ǝn limurǝm sǝ ǝn yi do ata Tárram amur bunomurǝm male ka.