Sǝna 17:13 - Maləmce Məfele mala Ɓakuli: Kurcau Məbəshe

¹³ Yia kat mǝnia lum ngga, kunia mwashat. À nǝ̀ yia nyesǝ rǝcandǝa andǝ garamurǝm malea à nǝ̀ pe nyamɓikea.

Sǝna 17:13 ပူးပေါင်းရင်းမြစ်များ

Amǝ Mishan 4:28

Sǝ gir mǝnana yia à pak kat ka, nda gir mǝnana we, aɓa rǝcandǝa andǝ kane mo ka, a tsǝa ama anggo sǝ nǝ̀ yia pa.

Amǝ Filipi 1:27

Ado ka, gir mǝnana ɓoaribanì ka, nda mǝnana ama wu do kǝla aɓwana mala Kǝrǝsti, nǝ bwal ɓamur rǝ wun aɓa njar mala Cau Amsǝban. Sǝ ko ɓǝ̀ ǝn yiu ɗǝm a sǝn wun, ko ǝn yiu raka, mǝ nǝ ok ce came ma'wun kàngkàng aɓa Bangŋo andǝ ɓabum mǝ'mwashati andǝ ɓariki a tarǝ wun ace paɓamuru ma'wun arǝ Cau Amsǝban.

Amǝ Filipi 2:2

Ace mani ka wu ciem ɓǝ̀ banɓoarnado mem lumsǝo! Wu earnǝ rǝarǝ wun. Wu lǝmndǝì arǝ wun earcearǝu. Wu do aɓa kpapi ɓamuru aɓa ɗenyicau ma'wun, kǝla wu nda mwashat ɓǝrɓǝr.

Sǝna 17:14

Yia kat ka, à nǝ̀ ká nǝ lwa arǝ Mǝgam, sǝ Mǝgam andǝ amǝte, yia aɓwana male mǝnana tunǝia, sǝ tarkia, andǝ amǝ kpate aɓa mǝsǝcau ka, à nǝ̀ limurǝm amuria. À limurǝm amuria acemǝnana yì Mǝgam ngga, nda Gbani amur amǝtala anzali kat, sǝ nda Murǝm mala amurǝma kat.”

Sǝna 17:17

À nǝ̀ pa anggo, acemǝnana Ɓakuli tsǝngŋǝna kani male a ɓabumia, kani male mǝnana à nǝ̀ pak nggearǝ gir mǝnana ɓabumi earkiyi ce ka. À nǝ̀ kpapi muria, à nǝ̀ pe nyamɓikea garamurǝm malea. Aɓa pe mǝno anggo ka, cau mǝnana Ɓakuli bang ngga nǝ̀ yia lumsǝo.