Sǝna 16:5 - Maləmce Məfele mala Ɓakuli: Kurcau Məbəshe

⁵ Ən ok mǝturonjar mǝnana tsǝkiyikir amúr ka bangŋa ama: “A pangŋǝna pepe aɓa mǝnia yi aɓashi ka, we Mǝfele mǝnana a ndakam ado sǝ a ndakam ɗiɗyal ka!

Sǝna 16:5 ပူးပေါင်းရင်းမြစ်များ

Yohana 17:25

We Dâ Mǝ'cauɓoarna! Ɓanza surǝo ɗang, sǝ mim ngga ǝn surǝo, sǝ amǝnia yì alaggana mem ngga, à sǝlǝna ama a nǝ turam.

Amǝ Roma 2:5

Sǝ acemǝnana we ka a ndanǝ murcandǝa, a ɓinǝ nying buo arǝ cauɓikea ka, a nda rǝ rambǝi ɓamuro candǝna tanni. Acemǝnana pwari mala bumlulla na kǝ yiu ka, mǝnana ɓashi mǝɓafoe mala Ɓakuli nǝ̀ lǝmndǝ rǝì ka.

Amǝ Roma 3:5

Sǝ ɓǝ̀ ɓealɓikea ma'sǝm kǝ lǝmndǝ cauɓoarna mala Ɓakuli ka, aman sǝ sǝm nǝ̀ na? Sǝm nǝ̀ na ama Ɓakuli pangŋǝna kpak, yì mǝnana ɓǝ̀ so bumlulla male amur sǝm ngga le? (Mǝnia ka nê mala ɓwapǝndǝa na.)

Sǝna 1:4

Cautera mǝnia ka pur abanam, Yohana, aban ká aban a'ikǝlisiya tongno-nong-ɓari aɓa nzali Asiya. Ən nggǝ shamba wun ɓwamuru andǝ do rǝpwala mǝnana à kǝ pur nǝban Ɓakuli ka. Yì Ɓakuli ka nda mana ndakam ado, mǝnana ndakam a pwaryan, sǝ nda mǝnana nǝ̀ pàk kàm a dǝmbǝa ka. Ɗǝm ngga ǝn nggǝ shamba wun ɓwamuru andǝ do rǝpwala mǝnana à kǝ pur nǝban abangŋo tongno-nong-ɓari mǝnana à nda a ɓadǝm bunomurǝm mala Ɓakuli ka.

Sǝna 1:8

Ɓakuli Mǝtalabangŋo na ama, “Mǝ nda Alfa, ǝn tita agir kat, sǝ mǝ nda Omega, mǝ nǝ masǝlǝata agir kat. Mǝ nda mǝnana mǝ ndakam ado, andǝ mǝnana a pwaryan, andǝ mǝnana kǝ yiu a dǝmbǝa ka. Mǝ nda mǝnana nǝ Rǝcandǝa ǝn Karmur Gulo kat ka!”

Sǝna 11:17

À na ama, “We Ɓakuli Mǝtalabangŋo mana a Karmur Gulo kat, we mǝnana a nda kam ado, andǝ mǝnana nda kam ɗiɗyal ka, sǝm nggǝ pakko yàwá, acemǝnana a angŋǝna rǝcandǝa mo mǝgule, sǝ a tinata mo yì yalban amur agir.

Sǝna 16:4

Tàruia mǝturonjar solǝ gir ɓa tasau male amur anggeasala andǝ amgbeaɗe mùr, sǝ à pǝlǝ nkila.

Sǝna 16:7

Sǝ ǝn ok giu pur nǝ ban gyangŋan ɗarǝa na ama: E, Mǝtalabangŋo Ɓakuli mǝnana a Karmur Gulo Kat ka, aɓashi mo ka, amǝ'mǝsǝcau nì na, sǝ à nda pepe!

Sǝna 19:2

Aɓashi male ka, kǝ pea aɓa mǝsǝcau andǝ kpate a nzongŋi. Pangŋǝ́nì man'gyatarǝu mǝgule ɓashi; yì man'gyatarǝu ka nda kiɗiki ɓanza nǝ ɓealǝu mǝɓane male mala gyatarǝu aban nonggi nǝ aburana ka. Ɓakuli pangŋǝ́nì wi mǝɓane a kunì walo mǝnana wal-lú aguro male ka.”

Sǝna 4:8

Ko mǝye na ata mǝnia yì agiryilǝmu ka ndanǝ abu-nyal tongno-nong-mwashat. Rǝia kat ka lumsǝ nǝ amǝsǝu a ɓalǝu andǝ nza. Du andǝ pwari à usǝlǝki ɗang, à nda mur tu nggyal ama, “Mǝfele, Mǝfele, Mǝfele nda Mǝtalabangŋo Ɓakuli mana Karmur Gulo kat, mana ndakam ɗiɗyal, ndakam ado, sǝ nda kǝ yiu ka.”

Sǝna 6:10

À loasǝ gia kǝrkǝr à ɓua aban Ɓakuli ama, “She aya fara le, we Mǝtalabangŋo mǝnana a Karban kat ka! We mǝfele andǝ mǝ'mǝsǝcau nì, aya fara sǝ a nǝ pakki ɓanza ɓashi, sǝ a ya pwari sǝ a nǝ mbwea ace nkila ma'sǝm mǝnana à sukki ka?”