Sǝna 16:19 - Maləmce Məfele mala Ɓakuli: Kurcau Məbəshe

¹⁹ Nggeala mǝgule Babila ka, gau arǝ abanì tārú, sǝ anggea-là mala anzali ɓanza pas ka, à kpakia, à sukki amur rǝarǝia. Nda sǝ Ɓakuli ɗenyi nǝ Babila Mǝgule, sǝ ci ɓǝ̀ nu aɓa kwar mǝnana à lumsǝì nǝ mùr-anap mala bumlulla mǝgule male aɓa ukkio male ka.

Sǝna 16:19 ပူးပေါင်းရင်းမြစ်များ

Sǝna 11:8

Luia nǝ̀ nong amur njargula aɓa nggeala mǝnana a kun-ndunocau ka à tunǝi ama Sodom andǝ Masar, sǝ akàm gbal sǝ à gballì Mǝtalea amur nggun-gangndi.

Sǝna 17:1

Mwashat ata amǝturonjar tongno-nong-ɓari mǝnana nǝ atasau tongno-nong-ɓari ka, yiu abanam. Nam cau ama, “Yiu atam, mǝ nǝ lǝmndǝo ɓashi mala Ɓakuli mǝnana nǝ̀ yiu amur man'gyatarǝu mǝgule, yì nggeala mǝnana à ɓè aban anggeasala pas ka.

Sǝna 17:18

Man yì mɓwama a sǝni ka, nda mǝno yì nggeala mǝgule mǝnana nda murǝm amur amurǝma mala ɓanza ka.”

Sǝna 17:5

Lullǝu na kam à gilǝì a kundǝmbǝi mǝnana ɓālǝi ka girsǝmbǝrǝa na. Lullǝui ama: BABILA, NGGEALA MƏGULE, NGGEAU MALA KOYA KÌƊÌKÌ MALA NONGGINƏ-RƏARƏU ANDƏ KOYA GIR ƁEAMI A ƁANZA.

Sǝna 18:10

Nggea tanni male mǝgule nǝ̀ pea wia ɓangciu kǝrkǝr. À nǝ̀ cam kuko, sǝ à nǝ̀ keban amuri ama: “ ‘Caukwanban! Caukwanban nǝ we Babila, nggeala mǝgule, la murǝm! Aɓa bu-pwari mwashat ɓashi mala Ɓakuli yi sulǝna a muro!’

Sǝna 18:2

Loasǝ gi bang-bang na cau ama: “Babila kpana! Mǝno yì nggeala mǝgule ka, kpana! Pǝlǝna ban-do mala akukwar. Pǝlǝna mpu mala koya bangŋo mǝɓane, andǝ ndá mala koya nyal mǝɓane, andǝ ban sǝmbǝrǝa mala koya nyama mǝɓane, andǝ mǝnana à ɓinǝce ka.

Sǝna 18:21

Pǝlǝa ɓe mǝturonjar mǝcande imsǝ nggea tali mǝnana gulo male na kǝla nggea taligo mǝgule ka. Yi turi aɓa nggeamur sǝ na ama, “Kǝla mǝno ka, sǝ à nǝ̀ túr nggeala Babila aɓa nggeamur tsulǝm! Sǝ à pà nǝ̀ nyare à nǝ̀ sǝni ɗǝm ɗang.

Sǝna 18:5

Acauɓikea male ka, à gwalikina amur rǝarǝia, à bingŋǝna kuli. Ɓakuli ɗenyina nǝ aturo ɓealɓikea male mǝnana pakkia ka.