Sǝna 16:14 - Maləmce Məfele mala Ɓakuli: Kurcau Məbəshe

¹⁴ À ndaka abangŋo mala akukwar mǝnana à kǝ pakki agir-ndali ka. À purkio aban o aban amurǝma mala ɓanza kat, à nǝ̀ ngga rambǝia ace lwa arǝ Mǝtalabangŋo, a Pwari Mǝgule mala Ɓakuli mǝnana Karban Kat ka.

Sǝna 16:14 ပူးပေါင်းရင်းမြစ်များ

Matiu 24:14

À nǝ̀ hamnǝ Cau Amsǝban mala Domurǝm mala kuli, ace mǝnana aɓwana kat a ɓanza ka ɓǝa o. A nzǝm mǝno ka sǝ masǝlǝata ɓanza nǝ̀ yiu.

Matiu 24:24

Acemǝnana akǝrǝsti mǝ'nyirì andǝ amǝ'ɓangna mǝ'nyirì à nǝ̀ puro sǝ à nǝ̀ pakki agir-lǝmndǝa mǝgulke andǝ agir-ndali ace swarki aɓwana, yale ɓǝa nǝ̀ gandǝi ka, nggearǝ aɓwana mǝnana Ɓakuli tarkia ka, à nǝ̀ ɓosǝkia.

Markus 13:22

Acemǝnana akǝrǝsti mǝ'nyirì andǝ amǝ'ɓangna mǝ'nyirì à nǝ̀ purkio, à nǝ̀ pakki agir-lǝmndǝa andǝ agir-ndǝlǝki ɗàngɗáng, ace ɓosǝki aɓwana mǝnana Ɓakuli tarkia ka, ɓǝa à nǝ̀ gandǝi ka.

Luka 2:1

Aɓalǝ amǝno yì anonggeo ka, Kaisar Agusta pa nzongcau ama, ɓǝa ɓal aɓwana mǝnana aɓa nzali Roma ka kat ɓǝa gilǝ lullǝia.

Yohana 8:44

Wun ndaka muna mala tár wun yì Shetan, sǝ wu kǝ earce lumsǝî tár wun a kun aturo male. Yì ka, tita walki-alú ɗiɗyal, sǝ kǝ earce mǝsǝcau ɗang, acemǝnana mǝsǝcau pa a ɓalǝi ɗang. Ɓǝ̀ ndarǝ na nyir ka nda ban lǝmndǝ girbui, acemǝnana yì ka, mǝ nyira, sǝ nda tár amǝ nyir kat.

Amǝ Roma 1:8

A tite ka, ǝn nggǝ pakki Ɓakuli mem yàwá nǝban Yesu Kǝrǝsti ace wun kat, acemǝnana paɓamuru ma'wun abani ka, ɓanza kat ongŋǝna ce.

2 Amǝ Tasalonika 2:9

Yì Ɓwa mala Cauɓikea man ngga, nǝ̀ yiu nǝ rǝcandǝa mala Shetan, nǝ̀ yia pakki agir-ndǝlǝki, andǝ agir-lǝmndǝa, andǝ agir-gyambǝliban mǝ'nyirì ɗàngɗáng.

1 Timoti 4:1

Adyan ngga, Bangŋo Mǝfele kǝ na sǝm bwāng ama a masǝlǝata apwari ka, aɓea aɓwana nǝ̀ pǝlǝì paɓamuru mǝ'mǝsǝcau nì nzǝmia. À nǝ̀ kpata abangŋo mǝ'nyirì andǝ akanigir mǝnana à pur nǝ ban akukwar ka.

Jemis 3:15

Acemǝnana mɓali andǝ earce ɓamuru ka à pa aɓa sǝlǝe mǝnana mala Ɓakuli na ka ɗang. Amǝno yì agir ka à mala ɓanza na, mala Bangŋo mala Ɓakuli na ɗang; mala mgbǝrǝm na.

1 Yohana 5:19

Sǝm sǝlǝna ama sǝm ndaka amuna mala Ɓakuli, sǝ sǝm sǝlǝna gbal ama acili aɓwana a ɓanza kat ka à nda ɓata rǝcandǝa mala Mǝɓealɓikea.

Sǝna 12:9

Nda à ramta mǝnia yì nggea kaɓǝne Dǝragon, mǝno yì share n'yau mǝnana à tunǝki ama Mǝɓealɓikea sǝ Shetan, mǝnana kǝ swarkita aɓwana kat aɓa ɓanza ka. Yì Dǝragon ngga andǝ amǝturonjar male kat, à ramtea a kuli à yì kpa a nzali a ɓanza!

Sǝna 13:3

Mwashat ata aɓamur nyamɓikea man ngga pa kǝla à tsǝki wi mpenye mǝnana ɓǝ́ nǝ̀ wal-lui, sǝ mpenyeni yì sonzǝ ka. Ɓanza kat pu aban ká ate nǝ ndali.

Sǝna 16:16

Pǝlǝa abangŋo mǝɓane mǝno ramnggi amurǝma andǝ amǝ'lwa malea abanɓwáná aban mǝnana à tunǝki nǝ kun Ibǝru ama Armagedon ngga.

Sǝna 16:7

Sǝ ǝn ok giu pur nǝ ban gyangŋan ɗarǝa na ama: E, Mǝtalabangŋo Ɓakuli mǝnana a Karmur Gulo Kat ka, aɓashi mo ka, amǝ'mǝsǝcau nì na, sǝ à nda pepe!

Sǝna 17:14

Yia kat ka, à nǝ̀ ká nǝ lwa arǝ Mǝgam, sǝ Mǝgam andǝ amǝte, yia aɓwana male mǝnana tunǝia, sǝ tarkia, andǝ amǝ kpate aɓa mǝsǝcau ka, à nǝ̀ limurǝm amuria. À limurǝm amuria acemǝnana yì Mǝgam ngga, nda Gbani amur amǝtala anzali kat, sǝ nda Murǝm mala amurǝma kat.”

Sǝna 20:8

Nǝ̀ o nǝ̀ ngga swarki aɓwana mala anzali, à nǝ̀ purkio arǝ abuban aɓa ɓanza kat, mǝnana à dapi kat ka, à tunǝia ama Gog andǝ Magog. Shetan nǝ̀ ngga rambǝia abanɓwáná ace ká lwa; lakki malea ka ɓallè pà kàm ɗang, kǝla lakki mala amǝsǝsala a kun nggeamur.

Sǝna 3:10

Acemǝnana a kpana ta nzongcau mem mala do gandǝrǝu aɓa mǝkwane nǝ munyi ka, mǝ nǝ yallo, a nǝ api pwari mala nggea tanni mǝnana kǝ yiu amur ɓwapǝndǝa kat a ɓanza, ace mwam aɓwana mǝnana a mala ɓanza na ka.

Sǝna 6:17

Acemǝnana pwari mǝgule mala lǝmndǝ bumlulla mǝɓike malea yina, sǝ yana ɓwe nǝ̀ came?”