Sǝna 16:10 - Maləmce Məfele mala Ɓakuli: Kurcau Məbəshe

¹⁰ Tongnia mǝturonjar solǝ gir ɓa tasau male amur bunomurǝm mala nyamɓikea. Kara pǝndǝa gir ɓamǝsǝ domurǝm male, sǝ aɓwana mǝnana aɓata domurǝm male ka, à nǝmnggi minǝia ace kwanban mǝnana sulǝo amuria ka.

Sǝna 16:10 ပူးပေါင်းရင်းမြစ်များ

Matiu 13:42

À nǝ̀ ramtea aɓa bǝsa mǝnana pi kǝrkǝr ka. Aban mǝno ka à nǝ̀ ngge ɓua sǝ à nǝ̀ nggǝ nǝmnggi munabuia.

Matiu 13:50

sǝ à nǝ̀ ramta amǝ'ɓealɓikea aɓa ndabǝsa. Akàm ngga à nǝ̀ ɓua à nǝ̀ nggǝ nǝmnggi munabuia.

Matiu 22:13

Murǝm ne amuna-ɓala ama, “Wu taka bui andǝ akusǝi, wu turi a nza aɓa pǝndǝa. Akano sǝ nǝ̀ ɓua nǝ̀ nggǝ nǝmnggi munabui.”

Matiu 24:51

Nǝ̀ yia kwe nǝ̀ kasǝki wi anpenye, sǝ nǝ̀ ramte ata amǝ'kunɓarina, abanì sǝ à nǝ̀ nggǝ ɓua à nǝ̀ nggǝ nǝmnggi munabuia.

Matiu 8:12

Sǝ aɓwana mana ɓǝ́ à nda à nǝ̀ duk amǝ'ɓala-murǝm ngga à nǝ̀ ramtea a nza aɓa pǝndǝa. À nǝ̀ ɓua à nǝ̀ nǝmnggi munabuia.”

Luka 13:28

Akàm wu nǝ̀ nggǝ ɓua nǝ nǝmnggi munabu wun, ɓǝ̀ wu sǝna Ibǝrayim, andǝ Ishaku andǝ Yakupu andǝ amǝ'ɓangna mala Ɓakuli kat aɓa Domurǝm mala Ɓakuli, sǝ wun ngga à ɗekina wun nǝ nza ka.

1 Bitǝrus 2:17

Wu pe koyana le ka gulo, sǝ wu earce amǝ'eamrǝarǝu. Wu kǝ ɓanggi Ɓakuli, sǝ wu kǝ pe murǝm gulo.

Sǝna 11:10

Aɓwana a ɓanza ka, ban nǝ ɓoaria wia ace gir mǝnana kum amǝ'nakun mǝnia ɓari ka. À nǝ̀ pakiɗire sǝ à nǝ̀ turia rǝia ban nǝ́ aɓoro acemǝnana yia amǝ'nakun mǝnia ɓari ka, à nda à yinǝia aɓwana a ɓanza tanni mǝɓike kǝrkǝr ka.

Sǝna 11:2

Sǝa ma banfana mǝnana a nza nǝ Ndàmǝgule, à kàrǝì nǝ sheran ngga, ce a karǝki ɗang, acemǝnana ban nì ka à panì aɓwana mǝnana à surǝ Ɓakuli raka. Yia ka, Urǝshalima, nggeala mǝfele nǝ̀ kpa aɓa rǝcandǝa malea, à nǝ̀ parki, arǝ azongŋo lumi-ine-nong-ɓari.

Sǝna 11:8

Luia nǝ̀ nong amur njargula aɓa nggeala mǝnana a kun-ndunocau ka à tunǝi ama Sodom andǝ Masar, sǝ akàm gbal sǝ à gballì Mǝtalea amur nggun-gangndi.

Sǝna 17:17

À nǝ̀ pa anggo, acemǝnana Ɓakuli tsǝngŋǝna kani male a ɓabumia, kani male mǝnana à nǝ̀ pak nggearǝ gir mǝnana ɓabumi earkiyi ce ka. À nǝ̀ kpapi muria, à nǝ̀ pe nyamɓikea garamurǝm malea. Aɓa pe mǝno anggo ka, cau mǝnana Ɓakuli bang ngga nǝ̀ yia lumsǝo.

Sǝna 17:9

“Mǝnia ka, à kǝ earce ama ɓwa ɓǝ̀ dum nǝ sǝlǝe andǝ bwalta gir. Aɓamuru tongno-nong-ɓari mala nyamɓikea ka, à ndaka nkono tongno-nong-ɓari mǝnana mɓwame dukiyi amuria ka. Sǝ yia gbal ka, amurǝma na, yia mǝnia tongno-nong-ɓari ka.

Sǝna 18:2

Loasǝ gi bang-bang na cau ama: “Babila kpana! Mǝno yì nggeala mǝgule ka, kpana! Pǝlǝna ban-do mala akukwar. Pǝlǝna mpu mala koya bangŋo mǝɓane, andǝ ndá mala koya nyal mǝɓane, andǝ ban sǝmbǝrǝa mala koya nyama mǝɓane, andǝ mǝnana à ɓinǝce ka.

Sǝna 18:21

Pǝlǝa ɓe mǝturonjar mǝcande imsǝ nggea tali mǝnana gulo male na kǝla nggea taligo mǝgule ka. Yi turi aɓa nggeamur sǝ na ama, “Kǝla mǝno ka, sǝ à nǝ̀ túr nggeala Babila aɓa nggeamur tsulǝm! Sǝ à pà nǝ̀ nyare à nǝ̀ sǝni ɗǝm ɗang.

Sǝna 18:23

Tǎ mala pitǝla pa nǝ̀ nyare nǝ̀ ta ɗǝm a ɓalǝo ɗang. À pà nǝ̀ nyare à nǝ̀ ok giu banɓoarnado mala amanfela andǝ aburamanfela ɗǝm a ɓalǝo ɗang. Mǝnia ka pak anggo acemana amǝ nggaliki mo, mǝnana à nda à kutiban kat ɗiɗyal nǝ rǝcandǝa aɓa kurkuro andǝ ram gǝna a ɓanza ka, a ciá pup, nǝ́ agir monzǝo mo, à swarkia aɓwana arǝ anzali kat.

Sǝna 8:12

Anzǝm twang njawe mala inea mǝturonjar ka, Ɓakuli tulkia pwari andǝ zongŋo andǝ anlero, sǝ ace mǝno ka à ɗwanyi banì mwashat aɓalǝ agauwe tārú mala tǎ malea. Sǝ anggo ka banì mwashat aɓalǝ agauwe tārú mala tǎlaban nǝ pwari andǝ du ka à lǝmndǝ ɗang.

Sǝna 9:2

Lang mǝn kun tuli-tàtǝkǝtè ka, kara yele kǝ purki kam kǝla yele mala bǝsa ɓa nda'nggun. Ɓamǝsǝ pwari andǝ bumkuli pǝlǝ pǝndǝa nǝ yele mǝnana kǝ pur aɓa tuli-tàtǝkǝtè ka.