Sǝna 15:2 - Maləmce Məfele mala Ɓakuli: Kurcau Məbəshe

² Nyare ǝn sǝn ɓe kǝgir kǝla nggeamur gǝlas mǝnana à zurǝi andǝ bǝsa ka. Sǝ ɗǝm ngga ǝn sǝn aɓwana mǝnana à limurǝm amur nyamɓikea andǝ ɓǝ̀nzál male andǝ lámbà mala lullǝi ka, aban came a kun mǝno yì nggeamur gǝlas ka. Ko yan a tea ka, bwal mǝzangŋan mǝnana Ɓakuli pe wi ka, a bui.

Sǝna 15:2 ပူးပေါင်းရင်းမြစ်များ

Matiu 3:11

“Ən nggǝ pakka wun batisǝma nǝ mur mǝnana nǝ̀ lǝmndǝ ama wu nyingŋǝna acauɓikea ma'wun. Nǝ nzǝmo ka, ɓeɓwa na nǝ̀ ngga yiu mǝnana kutiam nǝ bangŋo ka, mǝnana yale nkura kusǝì ka ǝn kārǝa mǝ bwali a buam ɗang. Yì ka, nǝ̀ yia pakka wun batisǝma nǝ Bangŋo Mǝfele andǝ bǝsa.

1 Bitǝrus 1:7

Amǝnia yì akárǝkiban ngga, à nda à nǝ̀ lǝmndǝ ama paɓamuru ma'wun ngga, mǝɓafoe na ka. Ko nggearǝ zǝnariya mǝnana kǝ kiɗiki ka, à kǝ mwami nǝ bǝsa; anggo gbal, paɓamuru ma'wun mǝnana doɓoaro male kuti mala zǝnariya ka, dumǝna pup à nǝ̀ mwami, ace mǝnana ɓǝa sǝn came male aɓa mǝkwane ka. Anggo ka sǝ wun nǝ̀ kum ɓwangsǝban, andǝ ɓoarɓwa, andǝ gusǝlǝban aban Ɓakuli, a Pwari mǝnana Yesu Kǝrǝsti nǝ̀ lǝmndǝna rǝì nǝi aban ɓwapǝndǝa kat ka.

1 Bitǝrus 4:12

Wun amǝ'eambǝam, wu kǝa ndali arǝ akárǝkiban mǝkwane mǝnana wu kǝ tanni aɓalǝia, kǝla ɓe kǝgir mǝbǝshe na kǝ kum wun ngga ɗang.

Sǝna 12:11

À limurǝm amuri nǝ nkila mala Mǝgam, andǝ nakun malea nǝ mǝsǝcau amur Mǝgam a ɓadǝmbǝ aɓwana; yia ka à eare à pa yilǝmia, à nyar nǝ tea ɗang yi pur a lú malea.

Sǝna 13:1

Sǝ ǝn sǝn ɓe kǝ nyamɓikea aban puro aɓa nggeamur. Ndanǝ aɓamuru tongno-nong-ɓari andǝ anjawe lum. Amur koya njawe male ka sukuru-murǝm na kam, sǝ arǝ koya ɓamuri ka lullǝu na kam à gilǝì, sǝ koya lullǝu ka cau ɓǝsǝkiban na arǝ Ɓakuli.

Sǝna 13:14

Nǝ agir-ndǝlǝki mǝnana à eari wi ɓǝ̀ pea a ɓadǝm nyamɓikea mǝdǝmbe ka, twalo swarki aɓwana kat mǝnana à nda ka amǝkpata ɓanza man ngga. Cia ɓǝa ɓak ɓǝ̀nzál mala nyamɓikea mǝdǝmbe mǝnana à tsǝki wi mpenye nǝ nggeabyau ɓǝ́ nǝ̀ wal-lui sǝ yi au ka.

Sǝna 13:17

Ɓwa mǝnana kat panǝ mǝnia yì nyoulǝa raka à eari wi ɓǝ̀ kúr kǝgir ko ɓǝ̀ mak kǝgir ɗang. Mǝnia yì nyoulǝa ka, lullǝu mala nyamɓikea na, ko lámbà mala lullǝi na.

Sǝna 21:18

Sheran mala nggeala ka à ɓè nǝ atali mǝɓoarne, atali jaspa. Sǝ nggeala ka, à ɓè nǝ zǝnariya kat, zǝnariya mǝnana à zurǝì nǝ kǝgir raka, ɓālǝi ɓoarnsari gǝraɗau kǝla gǝlas.

Sǝna 4:6

A ɓadǝm mǝnia yì bunomurǝm ɗǝm ngga, ǝn sǝn ɓe gir sarǝa nongŋo kǝla nggeamur mǝnana à pe nǝ gǝlas ka. Esǝke kwar gǝraɗau kǝla talimbulo. Agiryilǝmu ine mǝnana à lumsǝ nǝ amǝsǝu a ɓadǝmbǝia andǝ nzǝmia ka, à came a ɓaɓalǝu arǝ abuban mala bunomurǝm nì.

Sǝna 5:8

Lang angŋǝna malǝmce nî ka, agiryilǝmu mǝno ine andǝ aɓwana-mǝgule lumi-ɓari-nong-ine ka, à sarǝa a nzali a ɓadǝm Mǝgam. Koyana atea ka ndanǝ zangŋan, sǝ à bwal atasau zǝnariya a buia mǝnana à lumsǝia nǝ mukugir ace loasǝ yele mǝ'rǝmɓoarne ka; yì mukugir mala loasǝ yele mǝ'rǝmɓoarne ka nda ahiwi mala aɓwana mala Ɓakuli.