Sǝna 14:8 - Maləmce Məfele mala Ɓakuli: Kurcau Məbəshe

⁸ Pǝlǝa ɓaria mǝturonjar kpata mǝno sǝ kǝ na ama, “Nggeala mǝgule Babila ka kpana, yì mɓwama mǝnana tsǝk aɓwana arǝ anzali ɓanza à nu mùr-anap mala npel mala kìɗìkì nongginǝ rǝarǝu male ka.”

Sǝna 14:8 ပူးပေါင်းရင်းမြစ်များ

Sǝna 11:8

Luia nǝ̀ nong amur njargula aɓa nggeala mǝnana a kun-ndunocau ka à tunǝi ama Sodom andǝ Masar, sǝ akàm gbal sǝ à gballì Mǝtalea amur nggun-gangndi.

Sǝna 16:19

Nggeala mǝgule Babila ka, gau arǝ abanì tārú, sǝ anggea-là mala anzali ɓanza pas ka, à kpakia, à sukki amur rǝarǝia. Nda sǝ Ɓakuli ɗenyi nǝ Babila Mǝgule, sǝ ci ɓǝ̀ nu aɓa kwar mǝnana à lumsǝì nǝ mùr-anap mala bumlulla mǝgule male aɓa ukkio male ka.

Sǝna 17:18

Man yì mɓwama a sǝni ka, nda mǝno yì nggeala mǝgule mǝnana nda murǝm amur amurǝma mala ɓanza ka.”

Sǝna 19:2

Aɓashi male ka, kǝ pea aɓa mǝsǝcau andǝ kpate a nzongŋi. Pangŋǝ́nì man'gyatarǝu mǝgule ɓashi; yì man'gyatarǝu ka nda kiɗiki ɓanza nǝ ɓealǝu mǝɓane male mala gyatarǝu aban nonggi nǝ aburana ka. Ɓakuli pangŋǝ́nì wi mǝɓane a kunì walo mǝnana wal-lú aguro male ka.”