Sǝna 14:4 - Maləmce Məfele mala Ɓakuli: Kurcau Məbəshe

⁴ À nda ka aɓwana mǝnana à pǝndǝki ɓamuria nǝ nongginǝ amamǝna raka. À bwal ɓamuria aɓa doɓoarnsari, kǝla ansarina mǝnana à surǝ kǝ ɓwabura raka. À kǝ kpata Mǝgam arǝ aban mǝnana kat kǝ wari kam ngga. Ɓakuli akmuria aɓalǝ acili ɓwapǝndǝa a ɓanza ɓǝa do à nda ka ɓǝla-ɓaban mǝdǝmbe mǝnana à nǝ̀ pànà ɓoro nǝia aban Ɓakuli andǝ Mǝgam ngga.

Sǝna 14:4 ပူးပေါင်းရင်းမြစ်များ

Matiu 19:12

Aɓea ɓwana ka à pà nǝ̀ gandǝ al mɓwama ɗang acemǝnana à ɓǝlia ka abaran na; aɓea ka aɓwana nǝ̀ tsǝia sǝ à pǝlǝ abaran, sǝ aɓea ka à twalî ɓamuria à nǝ̀ do anggo ace pakkiagir mala Domurǝm mala Ɓakuli nǝmurǝì. Ɓwa mǝnana nǝ̀ gandǝ ak mǝnia yì kanigir ka ɓǝ̀ é.”

Matiu 25:1

A baku mǝno ka à nǝ̀ kànì Domurǝm mala kuli arǝ ansarina lum mǝnana à twal apitǝla malea sǝ à puro à nǝ̀ ká kullímúr bura-manfela ka.

Matiu 8:19

Ɓe mǝkani Nggurcau yiu abani sǝ ne wi ama, “Malǝm, mǝ nǝ ká a to ko a ya ban a nǝ ká kam ngga.”

Yohana 10:27

Anzur mem kǝ ok giem; ǝn surǝia, sǝ à kǝ kpatam.

Yohana 12:26

Ɓwa mǝnana kat earce nǝ̀ do a ɓatam ngga, dumǝna púp nǝ̀ yiu atam, ace mǝnana ban mǝnana kat mǝ nda kam ngga, àkǝ̀ banì sǝ guro mem nǝ̀ pa. Sǝ Tárram gbal ka nǝ̀ gusǝlǝ ɓwa mǝnana kat pà ɓamuri kǝ pak turo a ɓatam ngga.

Yohana 13:37

Pǝlǝa Bitǝrus ɗi ama, “Mǝtalabangŋo, ace mana sǝ pà mǝ nǝ gandǝ ká ato ado ɗang? Ən earǝna mǝ nǝ wu aceo.”

Yohana 8:12

Yesu nyar ɗǝm banggi aɓwana ama, “Mǝ nda tǎlaban mala ɓanza! Ɓwa mǝnana kat kpatam ngga, pà nǝ̀ gya a pǝndǝa ɗang, nǝ̀ kum tǎlaban mala yilǝmu.”

Amǝ Mishan 20:28

Wu yal ɓamur rǝ wun andǝ aɓwana mala Ɓakuli mǝnana Bangŋo Mǝfele pa wun a bu wun ɓǝ̀ wu ɗenyi nǝia ka. Wu do kǝla ayalgir amur domwan mala Ɓakuli, yì ikǝlisiya male, amǝkpate mǝnana kúria nǝ nkila mala Muni, mǝnana sukki amur nggun-gangndi ace amsǝia ka.

1 Amǝ Korinti 16:15

Wu sǝlǝna ama Sǝtifanas andǝ ɓala male ka, à nda ka amǝdǝmbǝa ak cau mala Ɓakuli a nzali Akaya, sǝ à pana ɓamuria arǝ turo ace aɓwana mala Ɓakuli. Ən nggǝ zǝmbǝa wun, wun amǝ'eambǝam,

1 Amǝ Korinti 6:20

Yesu kúr wun nǝ gǝna mǝkǝrkǝr nì. Ace mani ka, wu gusǝlǝ Ɓakuli nǝ nggūrǝ wun.

1 Amǝ Korinti 7:28

Kat andǝ amani ka, ɓǝ̀ a al mɓwama a dukɓala ka, a pak cauɓikea ɗang. Sǝ ɓǝ̀ nsari al bura ka, pak cauɓikea ɗang. Mim ngga mǝ ndaban bangga wu anggo, ace mǝnana ɓǝ̀ wu usǝlǝi kutio aɓalǝ atanni mala acau mala doɓala.

2 Amǝ Korinti 11:2

Mǝ ndanǝ mɓali amur wun, ulang mɓali mala Ɓakuli, acemǝnana, ǝn pana wun kǝla nsari ace alban aban ɓwabura mwashat, yì Kǝrǝsti nǝ ɓamuri.

Amǝ Afisu 1:14

Sǝ yì Bangŋo Mǝfele ka nda lǝmndǝa sǝm aɓa mǝsǝcau ama, agir kat mǝnana Ɓakuli pàcau acea, ama tsǝngŋǝnia nǝ̀ pà sǝmia ka, nda anggo à dumǝna ma'sǝm, ba pwari akmúr aɓwana kat mana à ndaka mala Ɓakuli ka. Pak mǝnia ka ace mǝnana ɓǝ̀ sǝm ɓwangsǝi, sǝ ɓǝ̀ sǝm nggǝ pe wi gulo.

Amǝ Afisu 5:27

Pak mǝnia ka, ace mǝnana ɓǝ̀ yina ace twal ikǝlisiya nǝ̀ pe ɓamuri ka, ɓǝa kumi gǝraɗau aɓa ɓoarnsari, mǝnana kǝgir dung, ko kpami, ko kǝgir mǝpǝndǝke pa a rǝì raka; ɓǝ̀ kumi aɓa do tar ɓamuru ace Ɓakuli andǝ ɗwanyi cau a rǝǔ.

1 Timoti 4:3

À ndaka aɓwana mana à kǝ pǝrban arǝ doɓala andǝ lika aɓea agirlina, agirlina mǝnana Ɓakuli pusǝia ace aɓwana mana à surǝna rǝ mǝsǝcau, à pana ɓamuria abani ka, ɓǝa kǝ lia nǝ pak yàwá ka.

Amǝ Ibǝru 12:23

Wu yina aban rambǝa mala amuna-dǝmba mala Ɓakuli, mǝnana à gilǝna alullǝia a kuli ka. Wu yina aban Ɓakuli, mǝɓashi ɓwapǝndǝa kat. Wu yina aban abangŋo mala aɓwana mǝnana à dukdo ɓealɓoarna sǝ adyan ngga Ɓakuli ea à kumǝna lumsǝo ka.

Jemis 1:18

Aɓa kane male sǝ yi ɓǝl sǝm nǝ cau mǝ'mǝsǝcau nì; tàr sǝm ata dǝmbe aɓalǝ aɓwana mǝnana pusǝia kat ka.

1 Bitǝrus 2:9

Sǝ wun ngga, wu ndaka ɓwamǝpǝnde mǝnana Ɓakuli tar wun ngga. Wu nda ka amurǝma pǝris, aɓwana ace Ɓakuli, andǝ agirkuma male. Tàr wun ace mǝnana ɓǝ̀ wu hami aɓwana aɓealɓoarna male, yi mǝnana tunǝ wun aɓa pǝndǝa aban yiu aɓa tǎlaban male mǝ pà ndali ka.

Sǝna 17:14

Yia kat ka, à nǝ̀ ká nǝ lwa arǝ Mǝgam, sǝ Mǝgam andǝ amǝte, yia aɓwana male mǝnana tunǝia, sǝ tarkia, andǝ amǝ kpate aɓa mǝsǝcau ka, à nǝ̀ limurǝm amuria. À limurǝm amuria acemǝnana yì Mǝgam ngga, nda Gbani amur amǝtala anzali kat, sǝ nda Murǝm mala amurǝma kat.”

Sǝna 21:22

Ən sǝn ma kǝ ndàperi aɓa yì nggeala ɗang, acemǝnana Mǝtalabangŋo Ɓakuli mǝnana Karmur Gulo kat andǝ Mǝgam ngga, à nda ka ndàperi male.

Sǝna 21:23

Sǝ yì nggeala ka, pà nǝ̀ na ce pwari ko zongŋo ɓǝa tǎ amuri ɗang, acemǝnana tǎ mala ɓoarɓwa mala Ɓakuli ka, kǝ pa tǎlaban a ɓalǝi, sǝ Mǝgam ngga nda tǎlaban male.

Sǝna 3:4

Akana a Sardis she ka aɓwana nakam bǝti mǝnana à pǝndǝki adaura malea nǝ cauɓikea raka. Mǝ nǝ ging sǝnǝia aɓalǝ adaura pwasǝa, acemǝnana yia ka à karǝna.

Sǝna 5:9

Pǝlǝa agiryilǝmu andǝ aɓwana-mǝgule mǝno tu bǝsa nggyal ama: “A karǝna wu ak malǝmce nî, sǝ wu fasǝki amyang-kuni. Acemǝnana we ka à pwanmealo, sǝ nǝ nkilio sǝ a akmúr aɓwapǝndǝa ace Ɓakuli, aɓa koya kun, andǝ koya lasǝu, andǝ aɓwana arǝ anzali ɗàngɗáng.