Sǝna 14:15 - Maləmce Məfele mala Ɓakuli: Kurcau Məbəshe

¹⁵ Pǝlǝa ɓe mǝturonjar mala Ɓakuli purî ɓa Ndàmǝgule mǝnana a kuli ka yi came. Loasǝ gi kpǝm ne ɓwa mǝno do amur pǝrɓang ngga ama, “Pǝlǝ nshiri mo sǝ wu tita umo, acemǝnana pwari pwan ɓǝla-ɓaban yina. Ɓanza ka ɓǝlǝna a mala pwan ɓǝle!”

Sǝna 14:15 ပူးပေါင်းရင်းမြစ်များ

Matiu 13:30

Wu ɗekia ɓǝa gulo a tarǝia. Pwari wale ka mǝ nǝ ne amǝturo ɓǝa tar nkwangŋan ɓǝa kurkia sǝ ɓǝa pisǝia. Sǝ mǝssa ka ɓǝa soapa mi a ba.”

Matiu 13:39

Ɓibura mǝnana ɓeal nkwangŋan ngga nda Shetan. Wal-mǝsa ka nda masǝlǝata ɓanza, sǝ amǝ'walmǝsa ka à ndaka amǝturonjar mala Ɓakuli.

Matiu 23:32

Wu lidǝmbǝa wu masǝlǝ kun cauɓikea mana aká wun tite ka!

Markus 4:29

Lang ɓǝ̀ mǝssa ɓǝlna ka, mǝ'rya nǝ̀ tur amǝturo nǝ abyau ɓǝa cani, acemǝnana pwari cane karǝna.

1 Amǝ Tasalonika 2:16

acemǝnana à kǝ ɓariki ama à nǝ̀ mgbali kun sǝm, ɓǝ̀ sǝm ngga hamnǝ cau mala yilǝmu aban aɓwana arǝ aɓea nzali ɗang. Yì cau mǝnana nda nǝ̀ yinǝi aɓwana amsǝban ngga. Sǝ anggo ka, kara à camarǝ gwaliki cauɓikea amur acauɓikea malea aban káne a lumsǝo. Sǝ bumlulla mala Ɓakuli a masǝlǝate ka sulǝna amuria!

Sǝna 11:19

Pǝlǝa à mǝn kun Ndàmǝgule mala Ɓakuli mana a kuli ka, sǝ Akwati Kurcau male ka à sǝni kam aɓa Ndàmǝgule. Kara tǎlaban liki'nzama, ban gǝggǝlikya, mgbarangce sàkkya, nzali dǝurǝkio, sǝ mǝsǝtali-mbulo mǝgulke ra.

Sǝna 13:12

Kǝ lǝmndǝ rǝcandǝa mala nyamɓikea mǝdǝmbe. Tsǝk ɓanza andǝ aɓwana mǝnana nǝ do a ɓalǝi ka púp ɓǝa peri aban nyamɓikea mǝdǝmbe mǝno mpenye mǝɓike male sonzǝ ka.

Sǝna 14:14

Mǝ nda rǝ sǝnban ngga, ǝn sǝn pǝrɓang mǝpwasǝe yi puro andǝ ɓeɓwa kǝla Muna mala Ɓwa aban do amuri. Ndanǝ jeko zǝnariya amuri sǝ bwal nshiri mǝceauwe a bui.

Sǝna 14:16

Pǝlǝa ɓwa mǝno do amur pǝrɓang ngga wuli nshiri male amur ɓanza, sǝ um girɓaban mala ɓanza rambǝi.

Sǝna 14:17

Anzǝm mǝno ka, ɓe mǝturonjar mala Ɓakuli purî ɓa Ndàmǝgule mǝnana a kuli ka, sǝ yì gbal ka ndanǝ nshiri mǝceauwe a bui.

Sǝna 14:18

Nyar ɗǝm ngga ɓe mǝturonjar mǝnana nǝ rǝcandǝa amur bǝsa ka, purî ban gyangŋan yi came. Loasǝ gi bang-bang ne mǝturonjar mǝno nǝ nshiri mǝceauwe a bui ka, ama, “Loasǝ nshiri mo, kasǝki adangŋanshi ɓǝla nggun-anap a ɓaban-anap mala ɓanza, acemǝnana aɓǝle ka, à ɓǝlna!”

Sǝna 15:6

sǝ amǝturonjar nì tongno-nong-ɓari mǝnana nǝ agir yinǝ tanni twal la ka, à nda ban purî ɓalǝi. À oasǝki anggea-daura pwasǝa mana à tea nǝ nggurbyau linen mǝɓoarnsari ka a rǝia, sǝ à marǝki abugir mǝnana à pea nǝ zǝnariya ka, a kikilia.

Sǝna 16:17

Sǝ tongno-nong-ɓaria mǝturonjar solǝ gir ɓa tasau male aɓa gung. Nggea giu mǝcande pur nǝ ban bunomurǝm aɓa Ndàmǝgule, bangŋa ama, “Malǝna!”

Sǝna 6:10

À loasǝ gia kǝrkǝr à ɓua aban Ɓakuli ama, “She aya fara le, we Mǝtalabangŋo mǝnana a Karban kat ka! We mǝfele andǝ mǝ'mǝsǝcau nì, aya fara sǝ a nǝ pakki ɓanza ɓashi, sǝ a ya pwari sǝ a nǝ mbwea ace nkila ma'sǝm mǝnana à sukki ka?”