Sǝna 14:13 - Maləmce Məfele mala Ɓakuli: Kurcau Məbəshe

¹³ Pǝlǝa ǝn ok ɓe giu pur nǝ kuli na ama, “Gilǝ cau mǝnia ka: “ ‘Twal ado mǝno ka, tsǝkbu mala Ɓakuli na amur aɓwana mǝnana à wu aɓa dotarǝu malea andǝ Mǝtalabangŋo ka!’ ” Bangŋo mala Ɓakuli kǝ na ama, “E, mǝsǝtacau, à nǝ̀ kum usǝlǝo aɓalǝ aturo malea, acemǝnana aturo mǝɓoarne malea mǝnana à pea ka, à kǝ ongsǝo atea.”

Sǝna 14:13 ပူးပေါင်းရင်းမြစ်များ

Matiu 3:17

Aɓwana ok gi Ɓakuli nacau a kuli ama, “Mǝnia ka nda Munem, mǝnana ǝn earkiyice, mǝnana bumam kǝ pwasǝa rǝì kǝrkǝr ka.”

Luka 16:25

Sǝ Ibǝrayim eari wi ama, “Munem, ɗenyi ama do mo a ɓanza ka a kum agir mo amǝɓoarne, sǝ Liazaro ka kum agir mǝɓane, sǝ ado ka ndya kum banɓoarnado kani ka, sǝ we ka a nda aɓa tanni mǝkwanbanì kǝrkǝr.

Luka 16:9

Yesu lidǝmbǝa nǝ cau ama: Ən nggǝ bangga wun, wu pak turo nǝ gǝna mala ɓanza, wu bwal agyajam nǝi, ace mǝnana ɓǝ̀ gǝne umna ka, Ɓakuli nǝ̀ ak wun gbal arǝ aɓala mǝnana à pà nǝ̀ kiɗiki raka.

Amǝ Roma 14:8

Ɓǝ̀ sǝm ndanǝ yilǝmu ka, nda ace gusǝlǝ Mǝtalabangŋo, sǝ ɓǝ̀ sǝm wu gbal ka, nda ace gusǝlǝ Mǝtalabangŋo. Lǝmndǝ ama, ko sǝm ndanǝ yilǝmu, sǝ ko sǝm wu ka, sǝm nda ka mala Mǝtalabangŋo.

1 Amǝ Korinti 15:18

Nyar ɗǝm ngga, nǝ̀ lǝmndǝ ama aɓwana mǝnana à wú aɓa paɓamuru malea aban Kǝrǝsti ka, à uena malea ɓa!

1 Amǝ Korinti 15:20

Sǝ ɓafo ka, nda mǝnana ama, à loasǝna Kǝrǝsti a ɓembe nǝ yilǝmu. Lǝmndǝ ama yì nda mǝdǝmbǝa loapi ɓembe aɓalǝ aɓwana mǝnana à nongŋǝna ntulo mala lú, à nǝ̀ loasǝia nǝ yilǝmu ka.

1 Amǝ Korinti 15:58

Ace mani ka, wun amǝ'eambǝam, wu cam kàngkàng. Ɓǝ̀ kǝgir ɓǝ̀ kǝa gǝshi wun ɗang. Wu pita turo mala Mǝtalabangŋo koya pwari ka, acemǝnana wu sǝlǝna ama ɓe kǝ turo pà kàm wu nǝ̀ pe ace Mǝtalabangŋo, sǝ ture na ɓà ka ɗang.

2 Amǝ Korinti 5:8

E, sǝm ndanǝ mǝsǝkang-kangŋa, ɓǝ́ eare ma'sǝm ngga, ɓǝ̀ sǝm gapi tarǝ sǝm sǝnǝ mǝnia yì nggūrǝu mala ɓanza ka, ɓǝ̀ sǝm do aban Mǝtalabangŋo.

Amǝ Filipi 2:17

Paɓamuru andǝ aturo ma'wun aɓa kpata Mǝtalabangŋo ka, à ndà kǝla pa ɓoro abani. Sǝ ko ɓǝ̀ yi do ama à nda rǝ ɗarǝ yilǝmem kǝla gir-ɗarǝa amur mǝnia yì ɓoro mala paɓamuru ma'wun ngga, bumam nǝ̀ pwasǝo, sǝm nǝ̀ pak banɓoarnado a tarǝ sǝm kat.

1 Amǝ Tasalonika 4:14

Sǝm ngga, sǝm earǝna nǝi ama Yesu wú, sǝ loapi ɓembe nǝ yilǝmu. Ɗǝm ngga sǝm earǝna nǝi ama aɓwana mǝnana à wu aɓa paɓamuru malea aban Yesu Kǝrǝsti ka, Ɓakuli nǝ̀ loasǝia nǝ yilǝmu, nǝ̀ yinǝia abani a tarǝia andǝ Yesu.

1 Amǝ Tasalonika 4:16

Acemǝnana Mǝtalabangŋo nǝ ɓamuri ka, nǝ̀ sulǝ nǝ kuli, nǝ giu sàrǝban mǝcande mala gbani mala amǝturonjar, andǝ ɓua mala njawe tunǝban mala Ɓakuli. Sǝ aɓwana mǝnana à wú aɓa Kǝrǝsti ka, à nda à nǝ̀ tita loapi ɓembe nǝ yilǝmu ka.

1 Amǝ Tasalonika 5:10

Kǝrǝsti wú ace sǝm ace mǝnana ko ɓǝ̀ sǝm nda andǝ mǝsǝ sǝm, ko aɓa lú ka, sǝm nǝ̀ yiu aɓa yilǝmu, sǝm nǝ̀ do a tarǝ sǝm sǝnǝi.

1 Timoti 5:24

Ɗenyi ama, acauɓikea mala aɓea aɓwana ka, à nda banfana bwāng, koya ɓwa ka, sǝlǝna ama amǝnia yì aɓwana ka a nǝ pakkia wia ɓashi. Sǝ aɓea aɓwana nakam cauɓikea malea kǝ lǝmndǝ ɗang, she nǝ nzǝmo.

1 Timoti 5:25

Àkǝ njar mǝ'mwashati, aturo mǝɓoarne mala aɓea aɓwana ka à nda banfana bwāng, sǝ aɓea ɓwana ka, aturo mǝɓoarne mǝnana à pakkiyia aɓa sǝmbǝrǝa ka, pwari na kǝ yiu ka, à nǝ̀ lǝmndǝia.

Sǝna 1:11

Kǝ na ama, “Gilǝ agir mǝnana a kǝ sǝnia ka aɓa malǝmce. Sǝ wu teri aban a'ikǝlisiya mǝnia tongno-nong-ɓari ka, amǝnana arǝ anggea-là Afisu, andǝ Sǝmirna, andǝ Pargamu, andǝ Tiyatǝra, andǝ Sardis, andǝ Filadefiya, sǝ Lawodisi ka.”

Sǝna 10:4

Lang agiu mgbarangce tongno-nong-ɓari na cau ka, nǝma mǝ nǝ gilǝ ce, sǝ kara ǝn ok giu pur nǝ kuli nam ama, “Cau mǝnana agiu mgbarangce tongno-nong-ɓari bang ngga, ɓǝ̀ cê duk girsǝmbǝrǝa! Cè a gilǝì ɗang.”

Sǝna 11:15

Pǝlǝa tongno-nong-ɓaria mǝturonjar twang njawe male, kara agiu lo kǝrkǝr a kuli à kǝ na ama, “Agara-murǝm mala ɓanza man ngga à nyarǝna aɓa bu Mǝtala sǝm andǝ ɓa bu Kǝrǝsti male. Sǝ domurǝm male ka masǝlǝate pà kàm ɗang!”

Sǝna 11:19

Pǝlǝa à mǝn kun Ndàmǝgule mala Ɓakuli mana a kuli ka, sǝ Akwati Kurcau male ka à sǝni kam aɓa Ndàmǝgule. Kara tǎlaban liki'nzama, ban gǝggǝlikya, mgbarangce sàkkya, nzali dǝurǝkio, sǝ mǝsǝtali-mbulo mǝgulke ra.

Sǝna 16:17

Sǝ tongno-nong-ɓaria mǝturonjar solǝ gir ɓa tasau male aɓa gung. Nggea giu mǝcande pur nǝ ban bunomurǝm aɓa Ndàmǝgule, bangŋa ama, “Malǝna!”

Sǝna 19:9

Pǝlǝa mǝturonjar banggam ama, “Gilǝ cau mǝnia ka: ‘Tsǝkbu mala Ɓakuli na amur aɓwana mǝnana à tunǝia aban ká aban li girlina isǝban mala Mǝgam ngga!’ ” Sǝ na ɗǝm ama, “Amǝnia ka, à ndaka cau mǝ'mǝsǝcau nì mala Ɓakuli.”

Sǝna 2:1

Gilǝî mǝturonjar mala ikǝlisiya, mǝnana a Afisu ka, ama: Mǝnia ka nda cautera mǝnana pur nǝban Yì ɓwa mǝnana bwal anlero tongno-nong-ɓari a bui-mǝli, sǝ kǝ gya aɓalǝ agir tamsǝ pitǝla zǝnariya tongno-nong-ɓari ka.

Sǝna 2:7

Ɓwa mǝnana ndanǝ kir ok ban ngga, ɓǝ̀ ok cau mǝnana Bangŋo kǝ banggi a'ikǝlisiya ka! Koya ɓwa na kat mǝnana cam kàngkàng sǝ limurǝm ngga, mǝ nǝ eari wi ɓǝ̀ li ɓǝlanggun mala nggun yilǝmu mǝnana a ɓaban mala Ɓakuli ka.

Sǝna 20:6

Amǝnia yia aɓwana à kum kāmbe aɓa lo a ɓembe nǝ yilǝmu a dǝmbe ka, à ndanǝ tsǝkbu mala Ɓakuli, sǝ yia ka amǝfele na. Ɓaria lú pà nǝ rǝcandǝa amuria ɗang. A kúnì ka, à nǝ̀ duk apǝris mala Ɓakuli andǝ mala Kǝrǝsti, sǝ à nǝ̀ duk amurǝma ata Kǝrǝsti arǝ apǝlǝa á-mwashat.

Sǝna 21:5

Sǝ ɓwa mǝno do amur bunomurǝm ngga bangŋa ama: Wu sǝni, mǝ ndo mǝ nǝ nyesǝ agir kat à nǝ̀ pǝlǝ bǝshe! Pǝlǝa na ɗǝm ama: Gilǝ cau mǝnia ka, acemǝnana cau na, à nǝ̀ earnǝi, sǝ mǝsǝcau na.

Sǝna 22:17

Bangŋo mala Ɓakuli andǝ Manfela, à kǝ na ama, “Yiu!” Ɓwa mǝnana kat ok mǝnia yì cau ka, ɓǝ̀ na ama “Yiu!” Ɓǝ̀ mǝsamur wal kǝɓwa ka, ɓǝ̀ yiu! Ɓwa mǝnana earce ka, ɓǝ̀ yi nu mur yilǝmu ɓà.

Sǝna 6:11

Pǝlǝa à pe ko yana atea ka nggea-daura pwasǝa, sǝ à banggia wia ama ɓǝa do, ɓǝa kundǝ kam bǝti, she ɓǝ̀ lakki mala aɓia amǝturo andǝ amǝ'eambǝia mǝnana à nǝ̀ wal-luia, kǝla mǝnana à walia ka, lumsǝna ka.