Sǝna 14:11 - Maləmce Məfele mala Ɓakuli: Kurcau Məbəshe

¹¹ Yele-bǝsa ɓa tanni malea ka, nǝ̀ nggǝ lo aban ká kuli, pà nǝ̀ mal ɗang. Sǝ à pà nǝ̀ kum usǝlǝo ɗang du andǝ pwari, yia aɓwana mǝnana à peri aban nyamɓikea andǝ ɓǝ̀nzál male, andǝ ɓwa mǝnana kat à ak nyoulǝa mala lullǝi ka.”

Sǝna 14:11 ပူးပေါင်းရင်းမြစ်များ

Matiu 11:28

Wu yiu abanam, wun kat mǝnana wu kǝ tanni sǝ twalo dǝmbǝrya wun ngga, mǝ nǝ pà wun usǝlǝo.

Matiu 25:41

Pǝlǝa nǝ̀ ne aɓwana mana a bui mǝnggare ka ama, “Wu upi banam, wun mǝnana Ɓakuli su wun ngga! Wu kya ɓa bǝsa mǝnana li male pà nǝ̀ mal raka, mǝnana à pe ace Shetan andǝ amǝturonjar male ka.

Matiu 25:46

Pǝlǝa amǝnia ka à nǝ̀ tasǝia ɓǝa kutio aɓa tanni mana málá male pà kàm raka, sǝ amǝ'cauɓoarna ka à nǝ̀ kutia ɓa yilǝmu mana masǝlǝate pà kàm raka.

Amǝ Ibǝru 1:8

Sǝa ma amur Muni ka, bangŋa ama, “Domurǝm mo we Ɓakuli ka, masǝlǝate pà kàm ɗang, sǝ garamurǝm mala domurǝm mo ka, nda do amur mǝsǝcau.

Sǝna 11:15

Pǝlǝa tongno-nong-ɓaria mǝturonjar twang njawe male, kara agiu lo kǝrkǝr a kuli à kǝ na ama, “Agara-murǝm mala ɓanza man ngga à nyarǝna aɓa bu Mǝtala sǝm andǝ ɓa bu Kǝrǝsti male. Sǝ domurǝm male ka masǝlǝate pà kàm ɗang!”

Sǝna 13:12

Kǝ lǝmndǝ rǝcandǝa mala nyamɓikea mǝdǝmbe. Tsǝk ɓanza andǝ aɓwana mǝnana nǝ do a ɓalǝi ka púp ɓǝa peri aban nyamɓikea mǝdǝmbe mǝno mpenye mǝɓike male sonzǝ ka.

Sǝna 13:15

Mǝnia yì ɓaria nyamɓikea ka kum rǝcandǝa mala pe ɓǝ̀nzál mala nyamɓikea mǝdǝmbe yilǝmu ace mǝnana ɓǝ̀ gandǝ na cau ka. Pǝlǝa ɓǝ̀nzál mala nyamɓikea tsǝa ama ɓwa mǝnana kat ɓine ama pà nǝ̀ peri abaní raka, ɓǝa wal-luí.

Sǝna 13:17

Ɓwa mǝnana kat panǝ mǝnia yì nyoulǝa raka à eari wi ɓǝ̀ kúr kǝgir ko ɓǝ̀ mak kǝgir ɗang. Mǝnia yì nyoulǝa ka, lullǝu mala nyamɓikea na, ko lámbà mala lullǝi na.

Sǝna 14:9

Pǝlǝa tāruia mǝturonjar kpatea, aban hama nǝ giu bangbang. Kǝ na ama: “Ɓwa mǝnana kat peri aban nyamɓikea andǝ ɓǝ̀nzál male, sǝ ak nyoulǝa male a kundǝmbǝi ko a nzǝmbui ka,

Sǝna 18:18

Lang à sǝn yele mala pi mala mǝnia yì nggeala ka, à loasǝ gia à na ama, “ ‘Ɓe kǝ nggeala kàm kǝla mǝnia yì nggeala mǝgule ka le?’

Sǝna 18:9

“Amurǝma mala ɓanza mǝnana à kutio aɓa kìɗìkì mala nonggi nǝ rǝarǝu andǝ yi, sǝ à do aɓa banɓoarnado andǝ li mǝɓoarne ate ka, à nǝ̀ ɓua, sǝ à nǝ̀ keban amuri, ɓǝa sǝnǝna yele mala bǝsa mǝnana kǝ pisǝì ka.

Sǝna 19:3

À nyare à loasǝ gia ɗǝm kpǝm ama: “Haliluya! Yele mǝnana kǝ lo aɓa pi mala man'gyatarǝu mǝgule ka, nǝ̀ nggǝ o a kuli málá male pà kàm ɗang!”

Sǝna 20:10

Sǝ yì Shetan, mǝnana swarkia ka, à ramte aɓa garang mala bǝsa mǝnana kǝ li nǝ atali ear-bǝsa ka, à kǝ̀ ban mǝnana à ramta nyamɓikea andǝ mǝɓangna mǝ'nyir nì kàm ngga. À nǝ̀ ueo kano aɓa kum kwanban mǝkǝrkǝr nì du andǝ pwari, mǝnana málá male pà kàm raka.

Sǝna 22:5

Dù pà nǝ̀ nyare nǝ̀ pak ɗǝm ɗang. À pà nǝ̀ earce pitǝla ko pwari ace pa tǎlaban ɗǝm ɗang, acemǝnana Mǝtalabangŋo Ɓakuli ka, nda tǎlaban, nǝ̀ tǎ amuria. Sǝ à nǝ̀ duk amurǝma masǝlǝate pà kàm ɗang.

Sǝna 7:12

à kǝ na ama, “Amin! Ɓwangsǝban andǝ ɓoarɓwa, andǝ sǝlǝe, andǝ yàwá, andǝ gulo, andǝ garamurǝm, andǝ rǝcandǝa ka, a mala Ɓakuli ma'sǝm na, mǝnana mala male pà kàm raka. Amin!”