Sǝna 13:17 - Maləmce Məfele mala Ɓakuli: Kurcau Məbəshe

¹⁷ Ɓwa mǝnana kat panǝ mǝnia yì nyoulǝa raka à eari wi ɓǝ̀ kúr kǝgir ko ɓǝ̀ mak kǝgir ɗang. Mǝnia yì nyoulǝa ka, lullǝu mala nyamɓikea na, ko lámbà mala lullǝi na.

Sǝna 13:17 ပူးပေါင်းရင်းမြစ်များ

Amǝ Galati 6:17

Adyan ngga, kǝɓwa ɓǝ̀ kǝa na ama nǝ̀ soaki ɓabumam nǝ amǝnia yì agir ka ɗang. Acemǝnana mǝ ndanǝ ayalenpenye a nggūrǝam mǝnana à lǝmndǝ ama mǝ nda mala Yesu ka.

Sǝna 13:16

Tsǝk koyana le ka, ɓwa mǝkyauwe andǝ ɓwa mǝgule, amǝkume andǝ amǝtǝr, aguro andǝ aɓwana mǝnana à ndanǝ do ɓamuria ka, ɓǝa canbia wia nyoulǝa anzǝm buia mǝli ko a kundǝmbǝia.

Sǝna 13:18

Aɓa mǝnia ka, sǝlǝe na à kǝ̀ earce ɓwa ɓǝ̀ dum nǝi ka. Ɓwa mǝnana kwarô sǝ nǝ̀ pak ɗenyicau mǝlime ka, ɓǝ̀ kwam ɓa mǝnia yì lámbà mala nyamɓikea ka, ɓǝ̀ bwalte, acemǝnana lambe ka, lámbà mala ɓwapǝndǝa na. Lámbà male ka nda gbǝman tongno-nong-mwashat, nǝ lumi-tongno-nong-mwashat, nǝ mǝsǝì tongno-nong-mwashat [666].

Sǝna 14:11

Yele-bǝsa ɓa tanni malea ka, nǝ̀ nggǝ lo aban ká kuli, pà nǝ̀ mal ɗang. Sǝ à pà nǝ̀ kum usǝlǝo ɗang du andǝ pwari, yia aɓwana mǝnana à peri aban nyamɓikea andǝ ɓǝ̀nzál male, andǝ ɓwa mǝnana kat à ak nyoulǝa mala lullǝi ka.”

Sǝna 14:9

Pǝlǝa tāruia mǝturonjar kpatea, aban hama nǝ giu bangbang. Kǝ na ama: “Ɓwa mǝnana kat peri aban nyamɓikea andǝ ɓǝ̀nzál male, sǝ ak nyoulǝa male a kundǝmbǝi ko a nzǝmbui ka,

Sǝna 15:2

Nyare ǝn sǝn ɓe kǝgir kǝla nggeamur gǝlas mǝnana à zurǝi andǝ bǝsa ka. Sǝ ɗǝm ngga ǝn sǝn aɓwana mǝnana à limurǝm amur nyamɓikea andǝ ɓǝ̀nzál male andǝ lámbà mala lullǝi ka, aban came a kun mǝno yì nggeamur gǝlas ka. Ko yan a tea ka, bwal mǝzangŋan mǝnana Ɓakuli pe wi ka, a bui.

Sǝna 17:5

Lullǝu na kam à gilǝì a kundǝmbǝi mǝnana ɓālǝi ka girsǝmbǝrǝa na. Lullǝui ama: BABILA, NGGEALA MƏGULE, NGGEAU MALA KOYA KÌƊÌKÌ MALA NONGGINƏ-RƏARƏU ANDƏ KOYA GIR ƁEAMI A ƁANZA.

Sǝna 20:4

Pǝlǝa ǝn sǝn abuno-murǝm sǝ aɓwana mǝnana à do amuria ka, à pania rǝcandǝa mala pak ɓashi. Sǝ ǝn sǝn ayilǝmi aɓwana mǝnana à kasǝ ɓamuria ace nakun malea amur Yesu andǝ bang cau mala Ɓakuli ka. Yia ka, à peri aban nyamɓikea ko ɓǝ̀nzál male ɗang, sǝ à ak nyoulǝa male a kundǝmbǝia ko arǝ abuia ɗang. Yia kat, à lo nǝ yilǝmu ɗǝm, sǝ à duk amurǝma ata Kǝrǝsti arǝ apǝlǝa á-mwashat.

Sǝna 22:4

À nǝ̀ sǝn ɓamǝsǝi sǝ lullǝi ka à nǝ̀ gilǝì a kundǝmbǝia.

Sǝna 3:12

Ɓwa mǝnana limurǝm ngga, mǝ nǝ ci nǝ̀ duk tanggea-nggun, aɓa ndàmǝgule mala Ɓakuli mem, sǝ pà nǝ̀ puri ɓālǝi ɗǝm ɗang. Mǝ nǝ nyouli wi a rǝì lullǝ Ɓakuli mem andǝ lullǝ bǝsa Urǝshalima mǝnana kǝ sulǝ nǝ kuli ka, yì nggeala mala Ɓakuli mem; ɗǝm ngga mǝ nǝ nyouli wi bǝsa lullǝam a rǝì.

Sǝna 7:3

“Wu came! Wu kǝa na ama wu nǝ̀ je nzali ko nggeamur ko anggun ama wu nǝ̀ kiɗikia ɗang, she ɓǝ̀ sǝm tsǝngŋǝni aguro mala Ɓakuli ma'sǝm nyoulǝa mala parbu a kundǝmbǝia ka.”