Sǝna 13:16 - Maləmce Məfele mala Ɓakuli: Kurcau Məbəshe

¹⁶ Tsǝk koyana le ka, ɓwa mǝkyauwe andǝ ɓwa mǝgule, amǝkume andǝ amǝtǝr, aguro andǝ aɓwana mǝnana à ndanǝ do ɓamuria ka, ɓǝa canbia wia nyoulǝa anzǝm buia mǝli ko a kundǝmbǝia.

Sǝna 13:16 ပူးပေါင်းရင်းမြစ်များ

Amǝ Mishan 26:22

Sǝ ba yalung ngga, Ɓakuli ka bwalàm nggàm, nda gir mǝnana tsǝa ado sǝ ǝn kumo ǝn came akani, ǝn nggǝ nakunam aban aɓwana kat, ɓwa mǝkyauwe andǝ ɓwamǝgule. Sǝ gir mǝno ado ǝn nggǝ na ka nda kǝgir mǝnana amǝ'ɓangna mala Ɓakuli andǝ Musa bangŋa ama nǝ̀ yia pur ka.

1 Amǝ Korinti 12:13

Sǝm kat ka, à pakka sǝm batisǝma nǝ Bangŋo mǝ'mwashati ɓǝ̀ sǝm duk nggūrǝu mwashat, amǝ Yahudi andǝ aɓwana mǝnana amǝ Yahudi na raka, aguro sǝ aɓwana mǝnana aguro na raka. Sǝ sǝm kat ka, à tsǝa sǝm nu aɓa Bangŋo mǝ'mwashati.

Amǝ Galati 3:28

Kǝ cau pà kàm ɗǝm ama ɓwa man ngga ɓwa Isǝrayila na ko ɓwa Isǝrayila na raka ɗang, ɓwa man ngga guro na ko guro na raka ɗang, ɓwa man ngga ɓwabura na ko mɓwama na ka ɗang. Wun ado ka, wu dumǝna mwashat aɓa Kǝrǝsti Yesu.

Amǝ Galati 6:17

Adyan ngga, kǝɓwa ɓǝ̀ kǝa na ama nǝ̀ soaki ɓabumam nǝ amǝnia yì agir ka ɗang. Acemǝnana mǝ ndanǝ ayalenpenye a nggūrǝam mǝnana à lǝmndǝ ama mǝ nda mala Yesu ka.

Amǝ Afisu 6:8

Wu sǝlǝ ama Mǝtalabangŋo nǝ̀ mbwe ko yana le ka tangnakusǝi, ace turo mǝɓoarne mǝnana pak ka, ko a nda guro ko a ndanǝ doɓamuro.

Amǝ Kolosi 3:11

Aɓa mǝnia yì bǝsa yilǝmu ka, gakitacau pà kàm ɗǝm ɗang ama mǝnia ka ɓwa Yahudi na, sǝ mǝnia ka ɓwa ɓe nzali na, mǝnia ka kasǝ ɓate sǝ mǝnia ka kasǝ ɓate ɗang. Kǝ cau pà kàm ɗǝm ama mǝnia ka surǝgir ɗang, ko mǝnia ka ɓwa kunɗangna na, ko man ngga guro na, ko mǝno ka ndanǝ do ɓamuri ka ɗang. Kǝrǝsti ka nda ko mana le ka, sǝ nda mǝnana do a ɓabum sǝm kat ka.

2 Timoti 3:8

Kǝla mǝnana Janis andǝ Jambǝris ɓinǝì Musa à earnǝi raka, anggo sǝ aman yì aɓwana ka, à ginǝki mǝsǝcau. Yia ka, aɓwana na mǝnana ɓabumia sharna aɓa cauɓikea, sǝ paɓamuru malea ka, mǝɓafoe na ɗang.

Sǝna 11:18

Aɓwana arǝ anzali pak bumlulla, sǝ ado gbal ka, pwari mala bumlulla mo yina. Pwari pangŋǝna mǝnana a wu nǝ pakki alú ɓashi nǝi ka. Sǝ aguro mo, amǝ'ɓangna ka, a wu nǝ pea wia tangnakusǝia. Yia andǝ aɓwana mo amǝfele, andǝ aɓwana kat, ɓwa mǝkyauwe andǝ ɓwa mǝgule, amǝnana à kǝ ɓanggo aɓa pagulo ka. Pwari yina mǝnana a wu nǝ kiɗiki aɓwana mǝnana à kǝ kiɗiki ɓanza ka.”

Sǝna 15:2

Nyare ǝn sǝn ɓe kǝgir kǝla nggeamur gǝlas mǝnana à zurǝi andǝ bǝsa ka. Sǝ ɗǝm ngga ǝn sǝn aɓwana mǝnana à limurǝm amur nyamɓikea andǝ ɓǝ̀nzál male andǝ lámbà mala lullǝi ka, aban came a kun mǝno yì nggeamur gǝlas ka. Ko yan a tea ka, bwal mǝzangŋan mǝnana Ɓakuli pe wi ka, a bui.

Sǝna 19:18

Wu yiu wu yì li nyam amurǝma, andǝ aɓwana amǝcande, andǝ akanggǝrang amǝ'lwa. Wu yiu wu yì li nyam apǝ́r andǝ amǝpǝ̀r, nyam aɓwapǝndǝa kat, aguro andǝ aɓwana à dukdo ɓamuria ka, ɓwa mǝkyauwe andǝ ɓwa mǝgule.”

Sǝna 19:20

Sǝ yì nyamɓikea ka, à bwali atarǝia andǝ mǝɓangna mǝ'nyirì mǝnana pakkiyi agir-ndali ace ka. Nǝ amǝno yì agir-ndali pea ka sǝ ɓosǝki ta aɓwana mǝnana à ak nyoulǝa mala nyamɓikea, sǝ à peri aban ɓǝ̀nzál male ka. Nyamɓikea andǝ mǝɓangna male mǝ'nyirì, yia kǝm, à turia nǝ yilǝmia aɓa garang mala bǝsa mǝnana kǝ li nǝ atali ear-bǝsa ka.

Sǝna 19:5

Pǝlǝa ɓe giu pur nǝ ban bunomurǝm, na ama: “Wu ɓwangsǝ Ɓakuli ma'sǝm, wun aguro male kat, wun mana wu kǝ ɓanggi wi ka, twal aban ɓwa mǝkyauwe aban ká aban ɓwamǝgule!”

Sǝna 20:12

Sǝ Ən sǝn aɓwana mǝnana à wuna ka, ɓwa mǝgule andǝ ɓwa mǝkyauwe, aban came a ɓadǝm bunomurǝm nì. Pǝlǝa à mǝnggi amalǝmce, sǝ à yì mǝn ɓe malǝmce, mǝnia ka nda Malǝmce Yilǝmu. Sǝ aɓwana mǝnana à wuna ka, à pakkia wia ɓashi arǝ agir mǝnana à pak ka, kǝla mǝnana ndakam à gilǝia aɓalǝ amalǝmce mǝno ka.

Sǝna 20:4

Pǝlǝa ǝn sǝn abuno-murǝm sǝ aɓwana mǝnana à do amuria ka, à pania rǝcandǝa mala pak ɓashi. Sǝ ǝn sǝn ayilǝmi aɓwana mǝnana à kasǝ ɓamuria ace nakun malea amur Yesu andǝ bang cau mala Ɓakuli ka. Yia ka, à peri aban nyamɓikea ko ɓǝ̀nzál male ɗang, sǝ à ak nyoulǝa male a kundǝmbǝia ko arǝ abuia ɗang. Yia kat, à lo nǝ yilǝmu ɗǝm, sǝ à duk amurǝma ata Kǝrǝsti arǝ apǝlǝa á-mwashat.

Sǝna 6:15

Pǝlǝa amurǝma mala ɓanza, andǝ amǝ'yalmur aɓwana, andǝ amǝgulo mala asoje, à ɓangŋa, à kya sǝmbǝrǝa aɓalǝ agumi andǝ anre ka atali mala ankono. À kya sǝmbǝrǝa abanì ata rǝia andǝ amǝkume, andǝ aɓwana amǝcande, andǝ koya guro andǝ aɓwana à dukdo ɓamuria ka.

Sǝna 7:3

“Wu came! Wu kǝa na ama wu nǝ̀ je nzali ko nggeamur ko anggun ama wu nǝ̀ kiɗikia ɗang, she ɓǝ̀ sǝm tsǝngŋǝni aguro mala Ɓakuli ma'sǝm nyoulǝa mala parbu a kundǝmbǝia ka.”