Sǝna 13:14 - Maləmce Məfele mala Ɓakuli: Kurcau Məbəshe

¹⁴ Nǝ agir-ndǝlǝki mǝnana à eari wi ɓǝ̀ pea a ɓadǝm nyamɓikea mǝdǝmbe ka, twalo swarki aɓwana kat mǝnana à nda ka amǝkpata ɓanza man ngga. Cia ɓǝa ɓak ɓǝ̀nzál mala nyamɓikea mǝdǝmbe mǝnana à tsǝki wi mpenye nǝ nggeabyau ɓǝ́ nǝ̀ wal-lui sǝ yi au ka.

Sǝna 13:14 ပူးပေါင်းရင်းမြစ်များ

2 Amǝ Tasalonika 2:4

Yì ka, nda ɓiumǝbura mǝnana kǝ loasǝ ɓamuri amur Ɓakuli andǝ agir mǝnana kat aɓwana kǝ peri abania ka. Yale nǝ̀ kutio a Ndàmǝgule mala Ɓakuli nǝ̀ duk kam, nǝ̀ na ama yì nda Ɓakuli.

Sǝna 12:9

Nda à ramta mǝnia yì nggea kaɓǝne Dǝragon, mǝno yì share n'yau mǝnana à tunǝki ama Mǝɓealɓikea sǝ Shetan, mǝnana kǝ swarkita aɓwana kat aɓa ɓanza ka. Yì Dǝragon ngga andǝ amǝturonjar male kat, à ramtea a kuli à yì kpa a nzali a ɓanza!

Sǝna 13:1

Sǝ ǝn sǝn ɓe kǝ nyamɓikea aban puro aɓa nggeamur. Ndanǝ aɓamuru tongno-nong-ɓari andǝ anjawe lum. Amur koya njawe male ka sukuru-murǝm na kam, sǝ arǝ koya ɓamuri ka lullǝu na kam à gilǝì, sǝ koya lullǝu ka cau ɓǝsǝkiban na arǝ Ɓakuli.

Sǝna 13:15

Mǝnia yì ɓaria nyamɓikea ka kum rǝcandǝa mala pe ɓǝ̀nzál mala nyamɓikea mǝdǝmbe yilǝmu ace mǝnana ɓǝ̀ gandǝ na cau ka. Pǝlǝa ɓǝ̀nzál mala nyamɓikea tsǝa ama ɓwa mǝnana kat ɓine ama pà nǝ̀ peri abaní raka, ɓǝa wal-luí.

Sǝna 13:8

Aɓwana kat mǝnana à ndanǝ do a ɓanza ka, à nǝ̀ peri aban nyamɓikea, yì aɓwana mǝnana tite a share ɓanza ka, lullǝia pà kàm a gilǝe aɓa Malǝmce raka, yì Malǝmce Yilǝmu mala Mǝgam mǝnana à pwan meali ka.

Sǝna 14:11

Yele-bǝsa ɓa tanni malea ka, nǝ̀ nggǝ lo aban ká kuli, pà nǝ̀ mal ɗang. Sǝ à pà nǝ̀ kum usǝlǝo ɗang du andǝ pwari, yia aɓwana mǝnana à peri aban nyamɓikea andǝ ɓǝ̀nzál male, andǝ ɓwa mǝnana kat à ak nyoulǝa mala lullǝi ka.”

Sǝna 14:9

Pǝlǝa tāruia mǝturonjar kpatea, aban hama nǝ giu bangbang. Kǝ na ama: “Ɓwa mǝnana kat peri aban nyamɓikea andǝ ɓǝ̀nzál male, sǝ ak nyoulǝa male a kundǝmbǝi ko a nzǝmbui ka,

Sǝna 15:2

Nyare ǝn sǝn ɓe kǝgir kǝla nggeamur gǝlas mǝnana à zurǝi andǝ bǝsa ka. Sǝ ɗǝm ngga ǝn sǝn aɓwana mǝnana à limurǝm amur nyamɓikea andǝ ɓǝ̀nzál male andǝ lámbà mala lullǝi ka, aban came a kun mǝno yì nggeamur gǝlas ka. Ko yan a tea ka, bwal mǝzangŋan mǝnana Ɓakuli pe wi ka, a bui.

Sǝna 16:13

Pǝlǝa ǝn sǝn abangŋo mǝɓane tārú, amǝnana à nda kǝla anɗwalung ngga. Mwashat ka, puro a ɓakun dǝragon, ɓe ka puro a ɓakun nyamɓikea, sǝ ɓe man ngga puro a ɓakun mǝɓangna mǝ'nyir nì.

Sǝna 16:2

Nda mǝturonjar mǝdǝmbe puro wario kya solǝ gir ɓa tasau male amur ɓanza, kara anggea npenye-gula amǝɓike andǝ amǝkwanbanì purkio arǝ aɓwana mǝnana à ndanǝ nyoulǝa mala nyamɓikea, sǝ à peri aban ɓǝ̀nzál male ka.

Sǝna 18:23

Tǎ mala pitǝla pa nǝ̀ nyare nǝ̀ ta ɗǝm a ɓalǝo ɗang. À pà nǝ̀ nyare à nǝ̀ ok giu banɓoarnado mala amanfela andǝ aburamanfela ɗǝm a ɓalǝo ɗang. Mǝnia ka pak anggo acemana amǝ nggaliki mo, mǝnana à nda à kutiban kat ɗiɗyal nǝ rǝcandǝa aɓa kurkuro andǝ ram gǝna a ɓanza ka, a ciá pup, nǝ́ agir monzǝo mo, à swarkia aɓwana arǝ anzali kat.

Sǝna 19:20

Sǝ yì nyamɓikea ka, à bwali atarǝia andǝ mǝɓangna mǝ'nyirì mǝnana pakkiyi agir-ndali ace ka. Nǝ amǝno yì agir-ndali pea ka sǝ ɓosǝki ta aɓwana mǝnana à ak nyoulǝa mala nyamɓikea, sǝ à peri aban ɓǝ̀nzál male ka. Nyamɓikea andǝ mǝɓangna male mǝ'nyirì, yia kǝm, à turia nǝ yilǝmia aɓa garang mala bǝsa mǝnana kǝ li nǝ atali ear-bǝsa ka.

Sǝna 2:10

Ɓangciu ɓǝ̀ kǝa pakko arǝ tanni mǝnana ndo nǝ̀ kumo ka ɗang. Sǝni, Shetan no nǝ̀ ngga oasǝ aɓea aɓwana ata wun a ndàkurban ace mwam wun, sǝ ndo wu nǝ̀ kum tanni mǝkwane arǝ anongŋo lum. Wu bwal paɓamuru ma'wun abanam pepe, ko ɓǝ̀ nǝ̀ ká lú ka, sǝ mim ngga mǝ nǝ pa wun tangnakusǝu mala yilǝmu.

Sǝna 20:10

Sǝ yì Shetan, mǝnana swarkia ka, à ramte aɓa garang mala bǝsa mǝnana kǝ li nǝ atali ear-bǝsa ka, à kǝ̀ ban mǝnana à ramta nyamɓikea andǝ mǝɓangna mǝ'nyir nì kàm ngga. À nǝ̀ ueo kano aɓa kum kwanban mǝkǝrkǝr nì du andǝ pwari, mǝnana málá male pà kàm raka.

Sǝna 3:10

Acemǝnana a kpana ta nzongcau mem mala do gandǝrǝu aɓa mǝkwane nǝ munyi ka, mǝ nǝ yallo, a nǝ api pwari mala nggea tanni mǝnana kǝ yiu amur ɓwapǝndǝa kat a ɓanza, ace mwam aɓwana mǝnana a mala ɓanza na ka.