Sǝna 12:9 - Maləmce Məfele mala Ɓakuli: Kurcau Məbəshe9 Nda à ramta mǝnia yì nggea kaɓǝne Dǝragon, mǝno yì share n'yau mǝnana à tunǝki ama Mǝɓealɓikea sǝ Shetan, mǝnana kǝ swarkita aɓwana kat aɓa ɓanza ka. Yì Dǝragon ngga andǝ amǝturonjar male kat, à ramtea a kuli à yì kpa a nzali a ɓanza! အခန်းကိုကြည့်ပါ။ |
ace mǝnana wu mǝnbia wia mǝsǝia, ɓǝa puri ɓa pǝndǝa, ɓǝa yiu aɓa tǎlaban ngga. Mǝ ndarǝ túrǒ abania ace mǝnana ɓǝa pǝlǝa ɓǝa puri ɓata parban mala Shetan, sǝ ɓǝa yiu aban Ɓakuli. Anggo ka à nǝ̀ twalia wia ban acauɓikea malea, sǝ nǝ́ paɓamuru malea abanam ngga, à nǝ̀ kum ban-do aɓalǝ aɓwana mǝnana Ɓakuli tàrria ɓǝa duk amale ka.”
Tǎ mala pitǝla pa nǝ̀ nyare nǝ̀ ta ɗǝm a ɓalǝo ɗang. À pà nǝ̀ nyare à nǝ̀ ok giu banɓoarnado mala amanfela andǝ aburamanfela ɗǝm a ɓalǝo ɗang. Mǝnia ka pak anggo acemana amǝ nggaliki mo, mǝnana à nda à kutiban kat ɗiɗyal nǝ rǝcandǝa aɓa kurkuro andǝ ram gǝna a ɓanza ka, a ciá pup, nǝ́ agir monzǝo mo, à swarkia aɓwana arǝ anzali kat.
Sǝ yì nyamɓikea ka, à bwali atarǝia andǝ mǝɓangna mǝ'nyirì mǝnana pakkiyi agir-ndali ace ka. Nǝ amǝno yì agir-ndali pea ka sǝ ɓosǝki ta aɓwana mǝnana à ak nyoulǝa mala nyamɓikea, sǝ à peri aban ɓǝ̀nzál male ka. Nyamɓikea andǝ mǝɓangna male mǝ'nyirì, yia kǝm, à turia nǝ yilǝmia aɓa garang mala bǝsa mǝnana kǝ li nǝ atali ear-bǝsa ka.
Ən sǝlǝna ama ban mǝnana a ndakam nǝ do ka, bunomurǝm mala Shetan na abanì. Sǝ kat andǝ mǝno ka, a cam kàngkàng aɓa kpatam. A makgir paɓamuru mo abanam ɗang, ko a nggearǝ baku mǝnana à wal lú Antipas, mǝ'nakunam mǝ'mǝsǝcau nì, mǝnana à wal-lui acem, a nggeala ma'wun, àkǝ̀ ban mǝnana Shetan duki kam ngga.
Ən sǝlǝna rǝ ce tanni mǝnana a nda a ɓalǝi ka. Sǝ ǝn sǝlǝna rǝ ce tǝ̀r mo, sǝ kat andǝ mǝno ka, a nda mǝkume! Mǝ ndanǝ sǝlǝe mala acau kiɗiki ɓwa mǝnana amǝ ɓinǝmǝsǝo bangŋa a muro ka; yia ka à ndaka aɓwana mǝnana à twali ɓamuria ama à ndaka amǝ Yahudi, sǝ à nda raka. Aɓwana mala ndakpapi mala Shetan na.
Ado ka a nǝ sǝn gir mǝnana mǝ nǝ pakki amǝno yì aɓwana mana à ndaka amǝ ndakpapi mala Shetan ngga. À bangŋa ama yia ka amǝ Yahudi, aɓwana mala Ɓakuli na, sǝ nyir na à nakiyi ka. Ən nggǝ banggo, mǝ nǝ cia à nǝ̀ yiu abano, à nǝ̀ yia ɓun a nzali a ɓadǝmbǝo, sǝ à nǝ̀ eare ama wu nda ka kǝ aɓwana mǝnana ǝn nggǝ earcea ka.
Cili ɓwapǝndǝa mǝnana auwa, agirpatanni mǝnia walia raka, à ginǝ pak bumkiɗikea arǝ aɓealɓikea malea, à ginǝ nyare aban Ɓakuli. À lidǝmbǝa nǝ peri a ɓadǝmbǝ akukwar andǝ ankúl mala zǝnariya andǝ azǝrfa, andǝ bolobangŋa, andǝ tali, andǝ nggun; amǝnana à kǝ sǝnban ɗang, à kǝ okban ɗang, sǝ à kǝ ging raka!