Sǝna 12:7 - Maləmce Məfele mala Ɓakuli: Kurcau Məbəshe

⁷ Pǝlǝa munǝo lo a kuli. Ɓe gbani mǝturonjar mala Ɓakuli, yì Makel ka, lo andǝ amǝturonjar mǝnana ate ka sǝ à soa munǝo arǝ Dǝragon; sǝ Dǝragon andǝ amǝturonjar male gbal ka, à oa munǝo a rǝia.

Sǝna 12:7 ပူးပေါင်းရင်းမြစ်များ

Matiu 13:41

Muna mala Ɓwa nǝ̀ tur amǝturonjar male, ɓǝa yi pusǝ koya gir kat mǝnana kǝ yinǝ cauɓikea, andǝ aɓwana kat mǝnana à kǝ pak gir mǝɓane aɓa Domurǝm male ka.

Matiu 16:27

Acemǝnana Muna mala Ɓwa ka nǝ̀ ngga yiu aɓa gulo mala Tarrí, andǝ amǝturonjar male ate, sǝ nǝ̀ yia pe koyan ngga tangnakusǝi, ace gir mǝnana pak ka.

Matiu 24:31

Sǝ nǝ̀ tasǝ amǝturonjar male nǝ tunǝban gi njawe mǝgule, à nǝ̀ dapikia aɓwana male mǝnana à tarkia ka arǝ aban kat aɓa ɓanza.

Matiu 25:41

Pǝlǝa nǝ̀ ne aɓwana mana a bui mǝnggare ka ama, “Wu upi banam, wun mǝnana Ɓakuli su wun ngga! Wu kya ɓa bǝsa mǝnana li male pà nǝ̀ mal raka, mǝnana à pe ace Shetan andǝ amǝturonjar male ka.

Matiu 26:53

Wu kǝ sǝni kǝla pà mǝ nǝ gandǝ zǝmbǝi Tárram, sǝ nǝ̀ tasǝam amǝturonjar pas àkǝ̀ dyadyan à nǝ̀ yia munǝo acem re?

2 Amǝ Korinti 12:7

Ɓakuli lǝmndǝam asǝnsǝna amǝpa ndali, sǝ ace mǝnana mǝ ngga pak nǝ twal ɓamuru ace raka, à oasǝam zwe aɓa nyamam, ɓǝ̀ do kǝla mǝturonjar mala Shetan, ɓǝ̀ kǝ param.

Amǝ Afisu 6:12

Acemǝnana munǝo ma'sǝm ngga, pa arǝ ɓwapǝndǝa ɗang. Munǝo ma'sǝm ngga, nda arǝ amurǝma ɓa bangŋo mǝɓike andǝ amǝ'yalmuru mǝɓike mala ɓanza mǝnana à sǝnggiyi raka, andǝ arǝcandǝa mala abangŋo ɓa pǝndǝa mǝnana à ginggi nǝ ɓanza man, andǝ akukwar mǝɓike mǝnana nǝ bumkuli ka.

2 Amǝ Tasalonika 1:7

sǝ wun mǝnana wu kǝ nu tanni ka nǝ̀ yia pa wun usǝlǝo sǝ nǝ̀ pa sǝm gbal. Nǝ̀ yia pak mǝnia ka a pwari mǝnana Mǝtalabangŋo Yesu nǝ̀ yia pusǝna rǝì nǝi nǝ kuli aɓa bǝsa mǝ earke, nǝ amǝturonjar mǝcande male ate.

Amǝ Ibǝru 2:10

Ɓakuli ka nda mǝnana pusǝ agir kat ka. Sǝ agir kat ka àkǝ̀ ce ɓoarɓwa male sǝ à pa. Yi sǝni ka nda a njari ɓǝ̀ yinǝ amuna male mǝnana à nda pas ka, ɓǝa kum kāmbe aɓa ɓoarɓwa male. Pǝlǝa tsǝk Yesu, yì ɓwamǝgule malea, ɓǝ̀ kum lumsǝo aɓalǝ agir kat kǝla mǝnana Ɓakuli earkiyice ka nǝ njar mala nu tanni, ace mǝnana ɓǝ̀ duk ɓwa mǝnana karǝna nǝ̀ yinǝia aɓa amsǝban malea ka.

2 Bitǝrus 2:4

Nggearǝ amǝturonjar mǝnana à pak cauɓikea ka, Ɓakuli sǝn mǝsǝswatǝr malea ɗang, ramtea aɓa nggea-tulibǝsa, kurkia kam aban mǝpǝndǝe mǝnana kǝlling-kǝlling ngga, she ɓǝ̀ pwari pak ɓashi pangŋǝna ka.

Yahuda 1:9

Ko nggearǝ Makel, yì gbani mala amǝturonjar mala Ɓakuli ka, twalki kǝ cau arǝ ne Shetan kǝ mǝɓane aban nunggirǝu amur lú Musa ɗang. Ne wi nǝ na ama: “Mǝtalabangŋo Ɓakuli ɓǝ̀ peauó!”

Sǝna 12:8

Sǝ Dǝragon ngga munǝo gandǝi. Yì andǝ amǝturonjar male ka, à ɗwanyi bancame malea a kuli.

Sǝna 12:9

Nda à ramta mǝnia yì nggea kaɓǝne Dǝragon, mǝno yì share n'yau mǝnana à tunǝki ama Mǝɓealɓikea sǝ Shetan, mǝnana kǝ swarkita aɓwana kat aɓa ɓanza ka. Yì Dǝragon ngga andǝ amǝturonjar male kat, à ramtea a kuli à yì kpa a nzali a ɓanza!

Sǝna 13:7

À nyinggi wi njar ɓǝ̀ lwa'lwa arǝ aɓwana mǝfele mala Ɓakuli, sǝ ɓǝ̀ limurǝm amuria. Sǝ à pe wi rǝcandǝa amur koya tau, andǝ kun, andǝ aɓwapǝndǝa, andǝ nzali.

Sǝna 20:2

Yiu yi gbami dǝragon, mǝno yì share n'yau mǝnana à tunǝki ama Mǝɓealɓikea ko Shetan ngga, sǝ kùrrì nǝ nsolo ɓǝ̀ pak apǝlǝa á-mwashat aɓa kùrban.