Sǝna 12:5 - Maləmce Məfele mala Ɓakuli: Kurcau Məbəshe

⁵ Mɓwame gbashi muna ɓwabura mǝnana nǝ̀ yal aɓwana kat a ɓanza nǝ gara bolo ka. Sǝ muna ka, Ɓakuli fwe, twali um nǝi a baní, kya dumsǝi ate amur bunomurǝm male.

Sǝna 12:5 ပူးပေါင်းရင်းမြစ်များ

Matiu 1:25

Sǝ yì ka, pak ɓwama nǝi ɗang yi pur a gbashi muna-ɓwabura male, pǝlǝa tsǝki muna lullǝu ama Yesu.

Markus 16:19

Anzǝm mǝnana Mǝtalabangŋo Yesu nania cau ka, kara à twali à um nǝi a kuli, kya do a bu-mǝli mala Ɓakuli.

2 Amǝ Korinti 12:2

Ən surǝ ɓeɓwa aɓa Kǝrǝsti pǝlǝa lum-nong-ine mǝno kuti ka, mǝnana à fwe à um nǝi a tāruia kuli ka. Ko nda aɓa nggūrǝu, ko pa aɓa nggūrǝu ɗang, ǝn sǝlǝ mǝno ka ɗang, kǝ Ɓakuli na surǝì ka.

2 Amǝ Korinti 12:4

à twali à um nǝi a paradayis a kuli. Kya ok acau mǝcandǝke, agir mǝnana ɓwapǝndǝa pa nǝ̀ gandǝ nea nǝ kuni raka.

Sǝna 11:12

Pǝlǝa giu mǝcande pur nǝ kuli tunǝ amǝ'nakun mǝnia ɓari ka ama, “Wu yiu kani a kuli.” Sǝ à lo aban eauwe a kuli aɓa pǝrɓang. Aɓiamǝbura soapia wia mǝsǝu à kǝ sǝnia.

Sǝna 12:13

Lang Dǝragon sǝni à ramna te kpana a ɓanza ka, pǝlǝa lo pǝrta mɓwama mǝno, mǝnana ɓǝl muna ɓwabura ka.

Sǝna 12:2

Mɓwame gongŋǝna, malanǝ gbashi, sǝ kwanban andǝ tanni mala gbashi ka, ci kǝ ɓua.

Sǝna 19:15

A ɓakuni ka, nggeabyau mǝceauwe kǝ puro mǝnana nǝ̀ gandǝna aɓwana nǝi arǝ anzali, mǝnana à mgbikiru ka. “Nǝ̀ yal muria nǝ gara-bolo.” Aɓiamǝbura ka nǝ̀ parkia aɓa tūli ɓa nggea tali kamnggi mùr-anap. Nǝ̀ pak mǝnia ka ace lǝmndǝ bumlulla mǝcande mala Ɓakuli mana Karban kat ka amur amǝ'ɓealɓikea.