Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Sǝna 12:4 - Maləmce Məfele mala Ɓakuli: Kurcau Məbəshe

4 Yì Dǝragon ngga, wuli nggilate pwan banì mwashat aɓalǝ agauwe tārú mala anlero mǝnana a kuli ka, rangsǝia a ɓanza. Sǝ yi came a ɓadǝm mɓwama mǝnana kǝ gbashí ka, ace mǝnana ɓǝ̀ gbashína ani ka nǝ̀ shak muni.

အခန်းကိုကြည့်ပါ။ ကော်ပီ




Sǝna 12:4
22 ပူးပေါင်းရင်းမြစ်များ  

Wun ndaka muna mala tár wun yì Shetan, sǝ wu kǝ earce lumsǝî tár wun a kun aturo male. Yì ka, tita walki-alú ɗiɗyal, sǝ kǝ earce mǝsǝcau ɗang, acemǝnana mǝsǝcau pa a ɓalǝi ɗang. Ɓǝ̀ ndarǝ na nyir ka nda ban lǝmndǝ girbui, acemǝnana yì ka, mǝ nyira, sǝ nda tár amǝ nyir kat.


Wu do aɓa gilǝrǝu, sǝ wu tsǝk kir wun. Ɓi wun mǝbura, yi Shetan ngga, nda rǝ galiki arǝ aban kǝla im mǝnana nzala kǝ wali ka, aban alta ɓwa mǝnana nǝ̀ bwal ka.


Pǝlǝa munǝo lo a kuli. Ɓe gbani mǝturonjar mala Ɓakuli, yì Makel ka, lo andǝ amǝturonjar mǝnana ate ka sǝ à soa munǝo arǝ Dǝragon; sǝ Dǝragon andǝ amǝturonjar male gbal ka, à oa munǝo a rǝia.


Nda à ramta mǝnia yì nggea kaɓǝne Dǝragon, mǝno yì share n'yau mǝnana à tunǝki ama Mǝɓealɓikea sǝ Shetan, mǝnana kǝ swarkita aɓwana kat aɓa ɓanza ka. Yì Dǝragon ngga andǝ amǝturonjar male kat, à ramtea a kuli à yì kpa a nzali a ɓanza!


Mǝnia yì nyamɓikea ǝn sǝni ka, nda kǝla mǝmburi. Akusǝi na kǝla akusǝ nyamɓabondo mǝnana à tunǝki ama biya, sǝ kuni na kǝla kun im. Dǝragon nyesǝ rǝcandǝa male, andǝ bunomurǝm male, andǝ garamurǝm male pe wi.


Ɓwapǝndǝa peri aban Dǝragon, acemǝnana nyesǝ garamurǝm male pe nyamɓikea ka; nyare à peri aban nyamɓikea, sǝ à kǝ na ama, “Yana ɓwe na kǝla yì nyamɓikea? Yana ɓwe na nǝ̀ gandǝ ká nǝ lwa a rǝì?”


Pǝlǝa ǝn sǝn abangŋo mǝɓane tārú, amǝnana à nda kǝla anɗwalung ngga. Mwashat ka, puro a ɓakun dǝragon, ɓe ka puro a ɓakun nyamɓikea, sǝ ɓe man ngga puro a ɓakun mǝɓangna mǝ'nyir nì.


Man yì mɓwama a sǝni ka, nda mǝno yì nggeala mǝgule mǝnana nda murǝm amur amurǝma mala ɓanza ka.”


Yiu yi gbami dǝragon, mǝno yì share n'yau mǝnana à tunǝki ama Mǝɓealɓikea ko Shetan ngga, sǝ kùrrì nǝ nsolo ɓǝ̀ pak apǝlǝa á-mwashat aɓa kùrban.


Lang tāruia mǝturonjar twang njawe male ka, ɓe nggea nlero mǝgule kasǝa a kuli aban yiu a nzali. Kǝ earki nǝ bǝsa kǝla ɓukan, yi kpa amur banì mwashat aɓalǝ agauwe tārú mala amúr mǝnana aɓalǝ anggeasala andǝ amgbeaɗe ka.


À tunǝki nlero nî ama Mǝlulle. Yi tsǝk banì mwashat aɓalǝ agauwe tārú mala amúr nggeasala à pǝlǝ mǝlulle. Sǝ aɓwana pas mǝnana à nu mur nî ka à wukio, ace lullo male.


Anzǝm twang njawe mala inea mǝturonjar ka, Ɓakuli tulkia pwari andǝ zongŋo andǝ anlero, sǝ ace mǝno ka à ɗwanyi banì mwashat aɓalǝ agauwe tārú mala tǎ malea. Sǝ anggo ka banì mwashat aɓalǝ agauwe tārú mala tǎlaban nǝ pwari andǝ du ka à lǝmndǝ ɗang.


Lang mǝturonjar mǝdǝmbe twang njawe male ka, kara bǝsa andǝ mǝsǝtali-mbulo, mǝnana kpapi andǝ nkila ka puro, kǝ solo aban yiu a nzali amur ɓanza. Banì mwashat aɓalǝ agauwe tārú mala nzali ka bwal bǝsa; banì mwashat aɓalǝ agauwe tārú mala anggun pi kǝring, sǝ abondo mǝpwale kat ka, à pi kǝring.


Ɓaria mǝturonjar twang njawe male. Kara à tur ɓe kǝgir kǝla nggea nkono mǝgule mǝnana kǝ earki nǝ bǝsa ka, yi kpa aɓa nggeamur. Banì mwashat aɓalǝ agauwe tārú mala nggeamur ka, pǝlǝ nkila.


Banì mwashat aɓalǝ agauwe tārú mala agiryilǝmu mǝnana aɓa nggeamur ka, à wukio. Sǝ banì mwashat aɓalǝ agauwe tārú mala awarubǝsa a nggeamur ka, à kiɗikea.


À ndanǝ anggilatau mǝnana à kǝ tākiban kǝla agenye ka. Anggilatea ka, à ndanǝ rǝcandǝa mala jiki aɓwana zongŋo tongno.


Rǝcandǝa mala apǝr mǝnia ka nda aɓa kunia andǝ nggilatea; acemǝnana anggilatea ka à nda kǝla an'yau, à ndanǝ rǝcandǝa mala kwarki aɓwana.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ