Sǝna 12:3 - Maləmce Məfele mala Ɓakuli: Kurcau Məbəshe

³ Nyare ɓe gir'pandali mǝgule pusǝrǝi a kuli. Kaɓa ɓe nggea Dǝragon mǝbangŋe na, ndanǝ aɓamuri tongno-nong-ɓari andǝ anjawe lum, sǝ amur koya ɓamuri ka ndanǝ sukuru-murǝm kam.

Sǝna 12:3 ပူးပေါင်းရင်းမြစ်များ

Sǝna 12:1

Pǝlǝa ɓe nggea gir'lǝmndǝa mǝ'pa ndali pusǝrǝi a kuli. Ɓe mɓwama na oasǝ pwari a rǝì nda agir-nggurǝu male, sǝ tamsǝ akusǝi amur zongŋo. À oasǝi wi jeko a ɓamuri mǝnana nǝ anlero lum-nong-ɓari a rǝì ka.

Sǝna 12:13

Lang Dǝragon sǝni à ramna te kpana a ɓanza ka, pǝlǝa lo pǝrta mɓwama mǝno, mǝnana ɓǝl muna ɓwabura ka.

Sǝna 12:17

Gir mǝnia ka pe Dǝragon bumlulla kǝrkǝr arǝ mɓwama man. Nda nyare o nǝ̀ ká munǝo arǝ cili amuna mala mɓwame, yia aɓwana kat mǝnana à kǝ kpata anzongcau mala Ɓakuli, sǝ à duk amǝ nakun Yesu nǝ mǝsǝcau ka.

Sǝna 12:4

Yì Dǝragon ngga, wuli nggilate pwan banì mwashat aɓalǝ agauwe tārú mala anlero mǝnana a kuli ka, rangsǝia a ɓanza. Sǝ yi came a ɓadǝm mɓwama mǝnana kǝ gbashí ka, ace mǝnana ɓǝ̀ gbashína ani ka nǝ̀ shak muni.

Sǝna 12:7

Pǝlǝa munǝo lo a kuli. Ɓe gbani mǝturonjar mala Ɓakuli, yì Makel ka, lo andǝ amǝturonjar mǝnana ate ka sǝ à soa munǝo arǝ Dǝragon; sǝ Dǝragon andǝ amǝturonjar male gbal ka, à oa munǝo a rǝia.

Sǝna 12:9

Nda à ramta mǝnia yì nggea kaɓǝne Dǝragon, mǝno yì share n'yau mǝnana à tunǝki ama Mǝɓealɓikea sǝ Shetan, mǝnana kǝ swarkita aɓwana kat aɓa ɓanza ka. Yì Dǝragon ngga andǝ amǝturonjar male kat, à ramtea a kuli à yì kpa a nzali a ɓanza!

Sǝna 13:1

Sǝ ǝn sǝn ɓe kǝ nyamɓikea aban puro aɓa nggeamur. Ndanǝ aɓamuru tongno-nong-ɓari andǝ anjawe lum. Amur koya njawe male ka sukuru-murǝm na kam, sǝ arǝ koya ɓamuri ka lullǝu na kam à gilǝì, sǝ koya lullǝu ka cau ɓǝsǝkiban na arǝ Ɓakuli.

Sǝna 13:2

Mǝnia yì nyamɓikea ǝn sǝni ka, nda kǝla mǝmburi. Akusǝi na kǝla akusǝ nyamɓabondo mǝnana à tunǝki ama biya, sǝ kuni na kǝla kun im. Dǝragon nyesǝ rǝcandǝa male, andǝ bunomurǝm male, andǝ garamurǝm male pe wi.

Sǝna 13:4

Ɓwapǝndǝa peri aban Dǝragon, acemǝnana nyesǝ garamurǝm male pe nyamɓikea ka; nyare à peri aban nyamɓikea, sǝ à kǝ na ama, “Yana ɓwe na kǝla yì nyamɓikea? Yana ɓwe na nǝ̀ gandǝ ká nǝ lwa a rǝì?”

Sǝna 15:1

Anzǝm mǝno ka, ǝn sǝn ɓe gir'lǝmndǝa mǝgule andǝ mǝ'pa ndali, puro a kuli. Amǝturonjar na yia tongno-nong-ɓari, mǝnana à ndanǝ masǝlǝata agir yinǝ tanni twal la, mǝnana à nǝ̀ yia lǝmndǝna masǝlǝata bumlulla mǝgule mala Ɓakuli nǝia ka.

Sǝna 16:13

Pǝlǝa ǝn sǝn abangŋo mǝɓane tārú, amǝnana à nda kǝla anɗwalung ngga. Mwashat ka, puro a ɓakun dǝragon, ɓe ka puro a ɓakun nyamɓikea, sǝ ɓe man ngga puro a ɓakun mǝɓangna mǝ'nyir nì.

Sǝna 17:12

“Anjawe lum mala nyamɓikea mǝnana a sǝnia ka, amurǝma na lum, mǝnana à malaká ak garamurǝm raka peatu, sǝa ma à nǝ̀ yia pea wia garamurǝm. À nǝ̀ duk amurǝma aɓa pwari bǝti ata nyamɓikea.

Sǝna 17:16

Yì nyamɓikea andǝ anjawe lum mǝnana a sǝnia ka, à nǝ̀ ɓinǝmǝsǝ man'gyatarǝu man. À nǝ̀ swari wi agir-nggurǝi, à nǝ̀ nyi nǝ ɓate, à nǝ̀ shak nyami, sǝ acili abare ka, à nǝ̀ pisǝia a bǝsa.

Sǝna 17:7

Pǝlǝa mǝturonjar nam ama, “Palang sǝ a pak ndali? Mǝ nǝ banggo gir ɓa-sǝmbǝrǝa amur mǝnia yì mɓwama, andǝ mala yì nyamɓikea mǝno nǝ aɓamuru tongno-nong-ɓari andǝ anjawe lum, mǝnana mɓwame dukiyi a nzǝmi ka.

Sǝna 19:12

Amǝsǝì na kǝla bǝsa mǝnana kǝ earki ka, sǝ a ɓamuri ka, asukuru-murǝm na kam pas. Ndanǝ lullǝu mǝnana à gilǝì a rǝì, sǝ yì nǝmurǝì na surǝ lullǝuî ka. Kǝ ɓwa pà kàm ɗǝm surǝì ɗang.

Sǝna 20:2

Yiu yi gbami dǝragon, mǝno yì share n'yau mǝnana à tunǝki ama Mǝɓealɓikea ko Shetan ngga, sǝ kùrrì nǝ nsolo ɓǝ̀ pak apǝlǝa á-mwashat aɓa kùrban.