Sǝna 12:1 - Maləmce Məfele mala Ɓakuli: Kurcau Məbəshe

¹ Pǝlǝa ɓe nggea gir'lǝmndǝa mǝ'pa ndali pusǝrǝi a kuli. Ɓe mɓwama na oasǝ pwari a rǝì nda agir-nggurǝu male, sǝ tamsǝ akusǝi amur zongŋo. À oasǝi wi jeko a ɓamuri mǝnana nǝ anlero lum-nong-ɓari a rǝì ka.

Sǝna 12:1 ပူးပေါင်းရင်းမြစ်များ

Matiu 12:38

Aɓea amǝ Farisi andǝ amǝkani Nggurcau ne wi ama, “Malǝm, sǝm nggǝ earce sǝn ɓe kǝgir mǝgule mǝnana nǝ̀ lǝmndǝa sǝm ama rǝcandǝa mo ka pur nǝban Ɓakuli.”

Matiu 24:30

Sǝ anggo ka, gir mǝnana nǝ̀ lǝmndǝ ama Muna mala Ɓwa na kǝ yiu ka nǝ̀ pusǝrǝi a kuli. Ɓwabunda man kat a ɓanza ka nǝ̀ ɓua. À nǝ̀ sǝn Muna mala Ɓwa aban yiu aɓalǝ apǝrɓang a bumkuli, nǝ rǝcandǝa andǝ ɓoarɓwa mǝgule.

Markus 13:25

Anlero nǝ̀ pur a kuli à nǝ̀ sukkio. Agir mǝgulke mǝnana a kuli ka, à nǝ̀ dǝurǝkya.

Luka 21:11

Agǝggǝli mǝcande mala nzali nǝ̀ kumban, nzala nǝ̀ kpa, akwano ɓanza ɗàngɗáng nǝ̀ puro arǝ aban pas. Agir karmuru andǝ agir-lǝmndǝa mǝgulke à nǝ̀ pur nǝ kuli.

Luka 21:25

Agir-lǝmndǝa nǝ̀ purkio aɓa pwari, andǝ zongŋo andǝ anlero. A ɓanza ka ɓwapǝndǝa kat nǝ̀ do nǝ ɓalǝkasǝkya andǝ gakia mala ɗenyicau, à nǝ̀ pǝlǝ nǝ ɓalǝia ɓà nǝ ɓangciu arǝ songnǝo mala nggeamur andǝ eaki-nkono male.

Yohana 3:29

Manfela ka mala bura-manfela na; sǝ murǝm gyajam mala bura-manfela mǝnana cam aban kundǝe kǝ kwakikiri a rǝì ka, ban kǝ ɓoari wi arǝ ok gi bura-manfela. Mim gbal ka, ban kǝ ɓoaram arǝ cau mǝno wu banggam ngga.

Amǝ Mishan 2:19

Mǝ nǝ pakki agir- gyambǝliban a kuli andǝ agir-ndali a nzali. À nǝ̀ sǝn nkila, andǝ bǝsa, andǝ apǝrɓang-yelebǝsa.

Amǝ Roma 13:14

A kun mani ka wu oasǝ Mǝtalabangŋo Yesu Kǝrǝsti arǝ wun, sǝ wu kǝa ká nǝ́ ɗenyicau ma'wun arǝ alita nggūrǝu njar mala loasǝ anpel male ɗang.

Amǝ Roma 3:22

À nǝ̀ pǝlǝ sǝm, sǝm nǝ̀ duk amǝ'cauɓoarna aban Ɓakuli ace paɓamur sǝm aban Yesu Kǝrǝsti. Mǝnia ka anggo sǝ pa nǝ koyana mǝnana paɓamuri aban Kǝrǝsti ka, tàrban pa kàm ɗang.

2 Amǝ Korinti 11:2

Mǝ ndanǝ mɓali amur wun, ulang mɓali mala Ɓakuli, acemǝnana, ǝn pana wun kǝla nsari ace alban aban ɓwabura mwashat, yì Kǝrǝsti nǝ ɓamuri.

Amǝ Galati 3:27

Sǝ aɓwana mǝnana kat à kum kpapi andǝ Kǝrǝsti aɓa batisǝma ka, à turǝna Kǝrǝsti a rǝia kǝla tur bǝsa daura a rǝǔ.

Amǝ Galati 4:26

Sǝ ɓe mɓwama man yì Saratu ka, nda kǝla Urǝshalima, mǝnana a kuli ka. Yì ka, guro na ɗang. Sǝ Urǝshalima mǝnana a kuli ka, nda nggea sǝm kat.

Amǝ Galati 6:14

Ma-mem ngga, pa mǝ nǝ nggori nǝ kǝgir ɗang, she kǝ nggun-gangndi mala Mǝtala sǝm Yesu Kǝrǝsti. Ace mǝno yì nggun-gangndi ka, kpata ɓanza man, mǝnana a ɓalǝam ngga, à gballìni wuna, sǝ nggearǝ mim gbal aban ɓanza ka à gballìnam ǝn wuna.

Amǝ Afisu 5:32

Mǝnia ka, nggea gir sǝmbǝrǝa mǝgule na, mǝnana à pusǝ ɓālǝi aban aɓwana ɗiɗyal raka, sǝa ma mǝ ndarǝ bangŋa ama, mǝnia yì cau ka, à nda rǝ kani arǝ Kǝrǝsti andǝ ikǝlisiya.

Sǝna 1:20

Mǝnia ka nda ɓa cau ɓa-sǝmbǝrǝa amur anlero tongno-nong-ɓari mana a sǝnia aɓa buam-mǝlì, andǝ ɓa cau ɓa-sǝmbǝrǝa amur agir tamsǝ pitǝla zǝnariya tongno-nong-ɓari ka. Anlero mǝnia tongno-nong-ɓari ka, à ndaka amǝturonjar mala a'ikǝlisiya tongno-nong-ɓari, yì akpapi mala amǝkpata Yesu. Sǝ agir tamsǝ pitǝla tongno-nong-ɓari ka, à ndaka yia a'ikǝlisiya tongno-nong-ɓari.

Sǝna 11:19

Pǝlǝa à mǝn kun Ndàmǝgule mala Ɓakuli mana a kuli ka, sǝ Akwati Kurcau male ka à sǝni kam aɓa Ndàmǝgule. Kara tǎlaban liki'nzama, ban gǝggǝlikya, mgbarangce sàkkya, nzali dǝurǝkio, sǝ mǝsǝtali-mbulo mǝgulke ra.

Sǝna 12:3

Nyare ɓe gir'pandali mǝgule pusǝrǝi a kuli. Kaɓa ɓe nggea Dǝragon mǝbangŋe na, ndanǝ aɓamuri tongno-nong-ɓari andǝ anjawe lum, sǝ amur koya ɓamuri ka ndanǝ sukuru-murǝm kam.

Sǝna 15:1

Anzǝm mǝno ka, ǝn sǝn ɓe gir'lǝmndǝa mǝgule andǝ mǝ'pa ndali, puro a kuli. Amǝturonjar na yia tongno-nong-ɓari, mǝnana à ndanǝ masǝlǝata agir yinǝ tanni twal la, mǝnana à nǝ̀ yia lǝmndǝna masǝlǝata bumlulla mǝgule mala Ɓakuli nǝia ka.

Sǝna 21:14

Yì sheran mala nggeala ka, à kwakite amur akusǝɓa lum-nong-ɓari mǝnana à nongsǝia amur rǝarǝia ka. Arǝ koya kusǝɓa ka à gilǝ lullǝ mwashat ata amǝ'mishan lum-nong-ɓari mala Mǝgam.

Sǝna 21:23

Sǝ yì nggeala ka, pà nǝ̀ na ce pwari ko zongŋo ɓǝa tǎ amuri ɗang, acemǝnana tǎ mala ɓoarɓwa mala Ɓakuli ka, kǝ pa tǎlaban a ɓalǝi, sǝ Mǝgam ngga nda tǎlaban male.