Sǝna 11:2 - Maləmce Məfele mala Ɓakuli: Kurcau Məbəshe

² Sǝa ma banfana mǝnana a nza nǝ Ndàmǝgule, à kàrǝì nǝ sheran ngga, ce a karǝki ɗang, acemǝnana ban nì ka à panì aɓwana mǝnana à surǝ Ɓakuli raka. Yia ka, Urǝshalima, nggeala mǝfele nǝ̀ kpa aɓa rǝcandǝa malea, à nǝ̀ parki, arǝ azongŋo lumi-ine-nong-ɓari.

Sǝna 11:2 ပူးပေါင်းရင်းမြစ်များ

Matiu 27:53

À purki ɓalǝ aɓembe. Anzǝm lo mala Yesu a ɓembe ka, à yì kuti aɓa nggeala mǝfele, à lǝmndǝ rǝia aban aɓwana pas.

Matiu 4:5

Pǝlǝa Shetan wari nǝ Yesu aɓa Urǝshalima nggeala mǝfele, sǝ kya tamsǝi a ɓwang Ndàmǝgule mala Ɓakuli,

Matiu 5:13

Wu ndaka tuɓamur mala ɓanza. Sǝ ɓǝ̀ tuɓamur ɗwanyi cyauwe male ka mana gir ni nǝ̀ tsǝi sǝ nǝ̀ cyau ɗǝm? Panǝ ɓoaro ɗǝm ɗang, à nǝ̀ sukki aɓwana nǝ̀ parki a ɓakusǝia.

Luka 21:24

À nǝ̀ wal-lú aɓea ɓwana atea nǝ nggeabyau, sǝ aɓea ɓwana ka à nǝ̀ bwalia guro à nǝ̀ umnǝia arǝ anzali kat mala ɓanza. Aɓwana mana amǝ Isǝrayila na raka à nǝ̀ parki Urǝshalima aɓata rǝcandǝa malea, à nǝ̀ pak ce acau male ɓà, ba lumsǝo mala apwari mana Ɓakuli kasǝa acea, yia aɓwana mana amǝ Isǝrayila na raka.

Amǝ Ibǝru 10:29

Sǝ mala ɓwa mǝnana ɓǝsǝki Muna mala Ɓakuli, parki a ɓakusǝi, sǝ nyesǝ ce nkila male ɓà, kǝla gir mǝfele na raka, ɓashi male nǝ̀ ɓiki pa kǝrkǝr. Acemǝnana mǝnia yì nkila ka nda nkila mala kurcau mǝnana panzǝi aɓalǝ acauɓikea male ɓǝ̀ duk mala Ɓakuli ka. Sǝ ɗǝm ngga ɓǝ̀ mǝno yì ɓwa ka sanggi Bangŋo Mǝfele mǝnana kǝ yinǝ ɓwamuru mala Ɓakuli amur sǝm ngga, ɓashi mǝnana nǝ̀ sulǝo amuri ka, nǝ̀ ɓiki pa kǝrkǝr.

Sǝna 11:11

Sǝ anzǝm anongŋo mǝno tārú nǝ cili ka, Ɓakuli pyaupia wia lin'ueo mǝ'pa yilǝmui a rǝia. À lo à cam amur akusǝia; sǝ aɓwana mǝnana kat à kǝ sǝnia ka, nggea ǝn'o bwalia kǝrkǝr.

Sǝna 11:3

Sǝ mǝ nǝ pè amǝnakun mem ɓari rǝcandǝa, à nǝ̀ twal anonggeo mǝno á-mwashat nǝ gbǝman-ɓari nǝ́ lumi-tongno-nong-mwashat ka, à nǝ̀ nggǝ hamnǝ cau mala Ɓakuli, nǝ́ anggurbyau gwado a rǝia.”

Sǝna 12:6

Mɓwame ɓangŋa, o a ɓabondo, aban mǝnana Ɓakuli gilǝkini wi nǝ̀ tsǝkiri kam aɓalǝ anonggeo á-mwashat nǝ́ gbǝman-ɓari nǝ́ lumi-tongno-nong-mwashat ka [1,260].

Sǝna 21:10

Pǝlǝa twalam aɓa rǝcandǝa mala bangŋo, um nǝ mim amúr ɓe nkono mǝgule mǝnana nggea mǝdāre na ka, sǝ lǝmndǝam Nggeala Mǝfele, Urǝshalima. Ən sǝni puro aban Ɓakuli a kuli, sǝ kǝ sulǝo aban yiu.

Sǝna 21:2

Sǝ ǝn sǝn Nggeala Mǝfele, yì bǝsa Urǝshalima. Ən sǝni puro aban Ɓakuli a kuli, sǝ kǝ sulǝo aban yiu. À gilǝkini pepe kǝla manfela mǝnana à gilǝkì wi rǝì aɓa ɓoarnsari ace ká aban burri ka.

Sǝna 22:19

Sǝ ɓǝ̀ kǝɓwa amsǝ ɓe kǝgir aɓalǝ acau mala malǝmce ɓangna mǝnia ka, Ɓakuli nǝ̀ amsǝi wi kāmbe male. Pà nǝ̀ kumo nǝ̀ li ɓǝlanggun yilǝmu ɗang, sǝ pà nǝ̀ kutio aɓa nggeala mǝfele mǝnana à kaniki ce aɓa mǝnia yì malǝmce ka ɗang.