Sǝna 11:18 - Maləmce Məfele mala Ɓakuli: Kurcau Məbəshe

¹⁸ Aɓwana arǝ anzali pak bumlulla, sǝ ado gbal ka, pwari mala bumlulla mo yina. Pwari pangŋǝna mǝnana a wu nǝ pakki alú ɓashi nǝi ka. Sǝ aguro mo, amǝ'ɓangna ka, a wu nǝ pea wia tangnakusǝia. Yia andǝ aɓwana mo amǝfele, andǝ aɓwana kat, ɓwa mǝkyauwe andǝ ɓwa mǝgule, amǝnana à kǝ ɓanggo aɓa pagulo ka. Pwari yina mǝnana a wu nǝ kiɗiki aɓwana mǝnana à kǝ kiɗiki ɓanza ka.”

Sǝna 11:18 ပူးပေါင်းရင်းမြစ်များ

Matiu 5:12

Wu pak bumpwasǝa, ban ɓǝ ɓoara wun, acemǝnana tangnakusǝ wun ngga mǝgule na a kuli. Anggo sǝ à pe amǝ'ɓangna mala Ɓakuli mǝnana à aka wun dǝmbǝa ka tanni.

Luka 1:50

Kǝ lǝmndǝ mǝsǝswatǝr male aban aɓwana mǝnana à kǝ ɓanggi wi ka, twal a do'nza aban ká ɓe.

Amǝ Ibǝru 9:27

Sǝ kǝla mǝnana à tsǝngŋǝna ama ɓwa nǝ wu kusǝ mwashat, sǝ anzǝm man ngga nǝ̀ came a ɓadǝm ɓashi ka,

Sǝna 10:7

Ɓǝ̀ tongno-nong-ɓaria mǝturonjar twang njawe male ka, gir mǝnana Ɓakuli kani nǝ̀ pe sǝ à sǝmbǝrǝ ce ka, nǝ̀ yia lumsǝo. Nǝ̀ yia puro kǝla mǝnana bangŋi a banfana aban aguro, amǝ'ɓangna male ka.”

Sǝna 11:2

Sǝa ma banfana mǝnana a nza nǝ Ndàmǝgule, à kàrǝì nǝ sheran ngga, ce a karǝki ɗang, acemǝnana ban nì ka à panì aɓwana mǝnana à surǝ Ɓakuli raka. Yia ka, Urǝshalima, nggeala mǝfele nǝ̀ kpa aɓa rǝcandǝa malea, à nǝ̀ parki, arǝ azongŋo lumi-ine-nong-ɓari.

Sǝna 13:10

“Ɓwa mǝnana kat à kasǝi wi bwalban a guro ka, à nǝ̀ bwali nǝ̀ o a guro. Ɓwa mǝnana kat à kasǝi wi wal-lui nǝ nggeabyau ka, nǝ nggeabyau sǝ à nǝ̀ wali.” Mǝnia ka kwarkiru na ace aɓwana amǝ'mǝsǝcau nì mala Ɓakuli, ɓǝa cam kàngkàng sǝ ɓǝa dum nǝ paɓamuru abani aɓa koya tanni ka.

Sǝna 13:16

Tsǝk koyana le ka, ɓwa mǝkyauwe andǝ ɓwa mǝgule, amǝkume andǝ amǝtǝr, aguro andǝ aɓwana mǝnana à ndanǝ do ɓamuria ka, ɓǝa canbia wia nyoulǝa anzǝm buia mǝli ko a kundǝmbǝia.

Sǝna 14:10

ɓwe gbal ka nǝ̀ nu mùr-anap mala bumlulla mala Ɓakuli. Yì bumlulla mala Ɓakuli mǝnana à solǝi andǝa lullo male mǝcande aɓa kwar bum-ukkia male ka. Sǝ ɓwe nǝ̀ nu nggea tanni kǝrkǝr aɓa bǝsa andǝ atalibǝsa, a ɓadǝmbǝ amǝturonjar mǝfele andǝ ɓadǝm Mǝgam.

Sǝna 15:1

Anzǝm mǝno ka, ǝn sǝn ɓe gir'lǝmndǝa mǝgule andǝ mǝ'pa ndali, puro a kuli. Amǝturonjar na yia tongno-nong-ɓari, mǝnana à ndanǝ masǝlǝata agir yinǝ tanni twal la, mǝnana à nǝ̀ yia lǝmndǝna masǝlǝata bumlulla mǝgule mala Ɓakuli nǝia ka.

Sǝna 15:7

Mwashat ata agiryilǝmu nì ine ka, yiu yi pè ko yan ata amǝturonjar mǝno tongno-nong-ɓari ka, tasau mǝnana a tùlli nǝ zǝnariya ka. Amǝnia yia atasau ka, à lumsǝkia nǝ bumlulla mala Ɓakuli mana ndanǝ yilǝmu, málá male pà kàm raka.

Sǝna 18:6

Ɓǝa mbweki wi a kuni, kǝla mǝnana pakki aɓea ɓwana ka. Ɓǝa ci ɓǝ̀ mbwe kusǝ ɓari arǝ agir mǝnana pea ka. Ɓǝa mbwe ɓǝ̀ nu nggea mǝɓane mana lullo male ka kar mǝnana pea aɓea ɓwana sǝ à nu ka, kusǝ ɓari.

Sǝna 19:15

A ɓakuni ka, nggeabyau mǝceauwe kǝ puro mǝnana nǝ̀ gandǝna aɓwana nǝi arǝ anzali, mǝnana à mgbikiru ka. “Nǝ̀ yal muria nǝ gara-bolo.” Aɓiamǝbura ka nǝ̀ parkia aɓa tūli ɓa nggea tali kamnggi mùr-anap. Nǝ̀ pak mǝnia ka ace lǝmndǝ bumlulla mǝcande mala Ɓakuli mana Karban kat ka amur amǝ'ɓealɓikea.

Sǝna 19:18

Wu yiu wu yì li nyam amurǝma, andǝ aɓwana amǝcande, andǝ akanggǝrang amǝ'lwa. Wu yiu wu yì li nyam apǝ́r andǝ amǝpǝ̀r, nyam aɓwapǝndǝa kat, aguro andǝ aɓwana à dukdo ɓamuria ka, ɓwa mǝkyauwe andǝ ɓwa mǝgule.”

Sǝna 19:5

Pǝlǝa ɓe giu pur nǝ ban bunomurǝm, na ama: “Wu ɓwangsǝ Ɓakuli ma'sǝm, wun aguro male kat, wun mana wu kǝ ɓanggi wi ka, twal aban ɓwa mǝkyauwe aban ká aban ɓwamǝgule!”

Sǝna 20:12

Sǝ Ən sǝn aɓwana mǝnana à wuna ka, ɓwa mǝgule andǝ ɓwa mǝkyauwe, aban came a ɓadǝm bunomurǝm nì. Pǝlǝa à mǝnggi amalǝmce, sǝ à yì mǝn ɓe malǝmce, mǝnia ka nda Malǝmce Yilǝmu. Sǝ aɓwana mǝnana à wuna ka, à pakkia wia ɓashi arǝ agir mǝnana à pak ka, kǝla mǝnana ndakam à gilǝia aɓalǝ amalǝmce mǝno ka.

Sǝna 20:15

Sǝ ɓwa mǝnana kat lullǝi pà kàm à gilǝì aɓa Malǝmce Yilǝmu raka, à turi aɓa garang mǝnana kǝ li nǝ bǝsa ka.

Sǝna 22:12

Yesu kǝ na ama, “Wu sǝni, mǝ ndya ǝn nggǝ yiu adyan tu ka! Atangnakusǝu mem na a buam, mǝ nǝ yia pe koya ɓwa ka tangnakusǝi mala gir mǝnana karǝ arǝ turo mǝnana pak ka.