Sǝna 11:10 - Maləmce Məfele mala Ɓakuli: Kurcau Məbəshe

¹⁰ Aɓwana a ɓanza ka, ban nǝ ɓoaria wia ace gir mǝnana kum amǝ'nakun mǝnia ɓari ka. À nǝ̀ pakiɗire sǝ à nǝ̀ turia rǝia ban nǝ́ aɓoro acemǝnana yia amǝ'nakun mǝnia ɓari ka, à nda à yinǝia aɓwana a ɓanza tanni mǝɓike kǝrkǝr ka.

Sǝna 11:10 ပူးပေါင်းရင်းမြစ်များ

Matiu 10:22

Aɓwana kat à nǝ̀ ɓinǝmǝsǝ wun acem; sǝ ɓwa mǝnana cam kàngkàng aban ká masǝlǝate ka nǝ̀ auwa.

Yohana 16:20

Mǝ ndarǝ na wun mǝsǝcau: Wu nǝ̀ ɓua nǝ mǝrǝm, andǝ keban, amur gir mǝnana nǝ̀ kumam ngga, sǝ amǝ ɓanza ka à nǝ̀ pak bumpwasǝa. Wu nǝ̀ pak bumkiɗikea, sǝ bumkiɗikea ma'wun nǝ̀ yia pǝlǝ bumpwasǝa.

Yohana 7:7

Ɓanza pa nǝ ɓinǝ mǝsǝ wun ɗang, sǝ mim ngga kǝ ɓinǝ mǝsǝam, acemǝnana ǝn nggǝ bang aɓealɓikea mǝnana kǝ pak ka.

Amǝ Mishan 5:33

Lang amǝkurcau kat ongŋǝna mǝno yì cau ka, bumia lul kǝrkǝr, sǝ à lo ama, à nǝ̀ wal-luia.

1 Amǝ Korinti 13:6

Ban kǝ ɓoari wi arǝ ɓealɓikea ɗang, ban kǝ ɓoari wi arǝ mǝsǝcau.

Sǝna 12:13

Lang Dǝragon sǝni à ramna te kpana a ɓanza ka, pǝlǝa lo pǝrta mɓwama mǝno, mǝnana ɓǝl muna ɓwabura ka.

Sǝna 13:14

Nǝ agir-ndǝlǝki mǝnana à eari wi ɓǝ̀ pea a ɓadǝm nyamɓikea mǝdǝmbe ka, twalo swarki aɓwana kat mǝnana à nda ka amǝkpata ɓanza man ngga. Cia ɓǝa ɓak ɓǝ̀nzál mala nyamɓikea mǝdǝmbe mǝnana à tsǝki wi mpenye nǝ nggeabyau ɓǝ́ nǝ̀ wal-lui sǝ yi au ka.

Sǝna 13:8

Aɓwana kat mǝnana à ndanǝ do a ɓanza ka, à nǝ̀ peri aban nyamɓikea, yì aɓwana mǝnana tite a share ɓanza ka, lullǝia pà kàm a gilǝe aɓa Malǝmce raka, yì Malǝmce Yilǝmu mala Mǝgam mǝnana à pwan meali ka.

Sǝna 16:10

Tongnia mǝturonjar solǝ gir ɓa tasau male amur bunomurǝm mala nyamɓikea. Kara pǝndǝa gir ɓamǝsǝ domurǝm male, sǝ aɓwana mǝnana aɓata domurǝm male ka, à nǝmnggi minǝia ace kwanban mǝnana sulǝo amuria ka.

Sǝna 3:10

Acemǝnana a kpana ta nzongcau mem mala do gandǝrǝu aɓa mǝkwane nǝ munyi ka, mǝ nǝ yallo, a nǝ api pwari mala nggea tanni mǝnana kǝ yiu amur ɓwapǝndǝa kat a ɓanza, ace mwam aɓwana mǝnana a mala ɓanza na ka.