Sǝna 1:9 - Maləmce Məfele mala Ɓakuli: Kurcau Məbəshe

⁹ Mim Yohana, mǝ'eam wun andǝ ɓi wun aɓa nutanni, sǝ aɓa Domurǝm mala Ɓakuli, andǝ gandǝrǝu, amǝnana à dumǝna ma'sǝm aɓa Yesu ka, mǝ nda aɓa luran mǝnana à tunǝki ama Patmos ka. À twalam à yì turam akani acemǝnana ǝn hamnǝ cau mala Ɓakuli, sǝ ace nakun Yesu ka.

Sǝna 1:9 ပူးပေါင်းရင်းမြစ်များ

Matiu 20:23

Yesu nea wia ama, “Ɓafo, wu nǝ̀ gandǝ nu tanni mǝnana mǝ nǝ nu ka, sǝa ma pa ban-do a buam-mǝlì ko mǝnggare ka pà aɓa rǝcandǝa mem ɗang. Amǝnia yì aban ngga nda ace aɓwana mǝnana Tárram gilǝkia wia ka.”

Markus 10:39

À pǝlǝa à eare ama, “Sǝm nǝ̀ gandǝi.” Yesu nea wia ama, “Ɓafo na wu nǝ̀ nu aɓa kwap mǝnana dupǝnam púp mǝ nǝ nu kam ngga, sǝ à nǝ̀ pakka wun batisǝma mǝnana dumǝnam púp à nǝ̀ pakkam ngga.

Yohana 16:33

Ən bangga wun amǝnia yì acau ka, acemǝnana a ɓalǝam ngga wu nǝ̀ kum dorǝpwala. Aɓa mǝnia yì ɓanza ka, wu nǝ̀ kum patanni, Sǝa ma ɓabum wun ɓǝ̀ kǝa ɓunggi ɗang! Ən linamurǝm amur ɓanza!

Amǝ Mishan 1:15

Aɓalǝ anongŋo mǝno ka, amǝkpata Yesu yiu à yì rambǝa abanɓwáná, lakki malea kat ka nda gbǝman nǝ lumi-ɓari. Pǝlǝa Bitǝrus lo came na cau ama:

Amǝ Mishan 14:22

À camarǝ pe amǝkwaɗi rǝcandǝa, à kǝ kwarkiria ama, ɓǝa lidǝmbǝa nǝ paɓamuru malea. À kǝ kasǝ ɓalǝia nǝ mǝnia yì cau ka ama, “Dumǝna pup sǝm nǝ̀ nu tanni ɗàngɗáng, sǝ sǝm nǝ̀ kutio a Domurǝm mala Ɓakuli.”

Amǝ Roma 8:17

Sǝ acemǝnana sǝm nda ka amuna male ka, sǝm nǝ̀ kum banì ma'sǝm mala liɓala male, mǝnana ci ace aɓwana male ka. Ɗǝm ngga, sǝm nǝ̀ kum sǝnǝa Yesu, gir mǝnana kat Ɓakuli ci ace ka. Ɓǝ̀ kàngkàng sǝm nu tanni ata Kǝrǝsti ulang mǝnana nu ka, sǝm nǝ̀ kum gbal aɓa male yì gulo.

Amǝ Roma 8:25

Sǝ ɓǝ̀ sǝm ndanǝ tsǝkɓalǝu arǝ gir mǝnana ado sǝm pa nǝi peatu, sǝm sǝni raka, sǝm nǝ̀ kundǝ gir nî nǝ domunyi.

2 Amǝ Korinti 1:7

Tsǝkɓalǝu ma'sǝm arǝ came ma'wun kàngkàng ngga kǝ dǝurǝ ɗang, acemǝnana sǝm sǝlǝna ama, kǝla mǝnana wu kǝ nu tanni ata sǝm ngga, anggo gbal sǝ wu nǝ̀ kum girikiban ata sǝm.

Amǝ Filipi 1:7

Ɓǝ̀ ǝn twal wun kat anggo ka, ǝn ɓwarki ɗang, acemǝnana ɓabumam na arǝ wun. Wun kat ka wu nda atam, wu nda arǝ bwalam arǝ mǝnia yì turo Ɓakuli pam aɓa ɓwamuru male ka, kat aɓa kùrban mem, andǝ bǝl ɓa Cau Amsǝban, andǝ lǝmndǝì aɓwana mǝsǝcau mǝnana a ɓalǝi ka.

Amǝ Filipi 4:14

Kat andǝ amǝno ka, gbasha mǝnana wu pakkam aɓalǝ atanni mem ngga, ndanǝ ɓoaro.

2 Amǝ Tasalonika 3:5

Ən nggǝ zǝmbǝa ɓǝ̀ Mǝtalabangŋo kyan nǝ ɓabum wun arǝ lǝmndǝ earcearǝu ulang mala Ɓakuli, andǝ do gandǝrǝu mana Kǝrǝsti kǝ pâ ka.

2 Timoti 1:8

Ace mani ka, ce kǝsǝkya pakko arǝ banggia aɓwana cau amur Mǝtalabangŋo ɗang. Sǝ ce kǝsǝkya pakko a rǝam gbal ɗang, kat andǝ amani ama mǝ nda a ndàkurban ace Kǝrǝsti ka. Nǝ rǝcandǝa mǝnana Ɓakuli po ka, dum nǝ kur rǝǔ ace nutanni atam ace hamnǝ Cau Amsǝban.

Amǝ Ibǝru 10:36

Ɓoaro wu dum nǝ munyi, ace mǝnana ɓǝ̀ wu lumsǝna kun kànì mala Ɓakuli ka, wu nǝ̀ kum gir mǝnana na ama nǝ̀ pak ka.

1 Bitǝrus 5:1

Mǝ nda rǝ ɓakɓabum aɓwana-mǝgule mǝnana aɓalǝ wun ngga kǝla ɓi'wun ɓwamǝgule. Ən sǝn nutanni mala Kǝrǝsti nǝ amǝsǝam, sǝ mim gbal ka, mǝ nǝ kum kāmbe mem aɓa ɓoarɓwa male, yi mǝnana ɓǝ̀ yi pusǝna rǝì aban ɓanza ka.

Sǝna 1:1

Mǝnia ka nda sǝngir aɓa bangŋo nǝ bu Yesu Kǝrǝsti mǝnana Ɓakuli pe wi acemǝnana ɓǝ̀ lǝmndǝì aguro male agir mǝnana duk púp à nǝ̀ yia kutio, banì pà nǝ̀ sau raka. Yesu túr mǝturonjar male ɓǝ̀ yì mǝnggi mǝnia yì girsǝna aɓa bangŋo ka aban guro male, Yohana.

Sǝna 1:2

Yohana yì bang gir kat mǝnana sǝna, amur Cau mala Ɓakuli, andǝ agir mǝnana Yesu Kǝrǝsti pea sǝ nea ka.

Sǝna 1:4

Cautera mǝnia ka pur abanam, Yohana, aban ká aban a'ikǝlisiya tongno-nong-ɓari aɓa nzali Asiya. Ən nggǝ shamba wun ɓwamuru andǝ do rǝpwala mǝnana à kǝ pur nǝban Ɓakuli ka. Yì Ɓakuli ka nda mana ndakam ado, mǝnana ndakam a pwaryan, sǝ nda mǝnana nǝ̀ pàk kàm a dǝmbǝa ka. Ɗǝm ngga ǝn nggǝ shamba wun ɓwamuru andǝ do rǝpwala mǝnana à kǝ pur nǝban abangŋo tongno-nong-ɓari mǝnana à nda a ɓadǝm bunomurǝm mala Ɓakuli ka.

Sǝna 1:6

sǝ nyesǝ sǝm, sǝm pǝlǝna apǝris a Domurǝm mala Ɓakuli, yì Tarrí ka. Ɓǝ̀ gulo kat andǝ rǝcandǝa duk male, masǝlǝate pà kàm ɗang! Amin.

Sǝna 11:7

Anzǝm mǝnana ɓǝa malǝna nakun malea ka, nyamɓikea mǝnana nǝ̀ pur aɓa tuli-tàtǝkǝtè ka, nǝ̀ yiu nǝ lwa a rǝia, nǝ̀ gandǝia sǝ nǝ̀ wal-luia.

Sǝna 12:11

À limurǝm amuri nǝ nkila mala Mǝgam, andǝ nakun malea nǝ mǝsǝcau amur Mǝgam a ɓadǝmbǝ aɓwana; yia ka à eare à pa yilǝmia, à nyar nǝ tea ɗang yi pur a lú malea.

Sǝna 12:17

Gir mǝnia ka pe Dǝragon bumlulla kǝrkǝr arǝ mɓwama man. Nda nyare o nǝ̀ ká munǝo arǝ cili amuna mala mɓwame, yia aɓwana kat mǝnana à kǝ kpata anzongcau mala Ɓakuli, sǝ à duk amǝ nakun Yesu nǝ mǝsǝcau ka.

Sǝna 13:10

“Ɓwa mǝnana kat à kasǝi wi bwalban a guro ka, à nǝ̀ bwali nǝ̀ o a guro. Ɓwa mǝnana kat à kasǝi wi wal-lui nǝ nggeabyau ka, nǝ nggeabyau sǝ à nǝ̀ wali.” Mǝnia ka kwarkiru na ace aɓwana amǝ'mǝsǝcau nì mala Ɓakuli, ɓǝa cam kàngkàng sǝ ɓǝa dum nǝ paɓamuru abani aɓa koya tanni ka.

Sǝna 14:12

Mǝnia ka kwarkiru na ace aɓwana amǝ'mǝsǝcau nì mala Ɓakuli, yia mǝnana à kǝ kpata anzongcau mala Ɓakuli, sǝ à dum nǝ mǝsǝcau aban Yesu ka, ɓǝa cam kàngkàng nǝ gandǝrǝu.

Sǝna 19:10

Lang ǝn ok cau mǝno ka, kara ǝn kpa a nzali a ɓadǝm mǝturonjar nǝma mǝ nǝ peri abani. Sǝ yì ka, banggam ama, “Awo, kǝa peri abanam ɗang! Mim ngga mǝ nda ɓeo guro andǝ ɓi guro ata amǝ'eambǝo amǝkwaɗi, mǝnana à kǝ banggi aɓwana cau amur Yesu ka. Peri aban Ɓakuli nǝmurǝì ɓǝrɓǝr, acemǝnana bangŋo mala ɓangna nda cau mala Yesu.”

Sǝna 20:4

Pǝlǝa ǝn sǝn abuno-murǝm sǝ aɓwana mǝnana à do amuria ka, à pania rǝcandǝa mala pak ɓashi. Sǝ ǝn sǝn ayilǝmi aɓwana mǝnana à kasǝ ɓamuria ace nakun malea amur Yesu andǝ bang cau mala Ɓakuli ka. Yia ka, à peri aban nyamɓikea ko ɓǝ̀nzál male ɗang, sǝ à ak nyoulǝa male a kundǝmbǝia ko arǝ abuia ɗang. Yia kat, à lo nǝ yilǝmu ɗǝm, sǝ à duk amurǝma ata Kǝrǝsti arǝ apǝlǝa á-mwashat.

Sǝna 3:10

Acemǝnana a kpana ta nzongcau mem mala do gandǝrǝu aɓa mǝkwane nǝ munyi ka, mǝ nǝ yallo, a nǝ api pwari mala nggea tanni mǝnana kǝ yiu amur ɓwapǝndǝa kat a ɓanza, ace mwam aɓwana mǝnana a mala ɓanza na ka.

Sǝna 6:9

Lang Mǝgam fasǝ tongnoia gbatali myang ngga, kara ǝn sǝn ayilǝmi aɓwana aban rambǝa aɓata gyangŋan-ɗarǝa; aɓwana mǝnana à wal-luia ace earnǝ cau mala Ɓakuli andǝ bangŋe aban aɓwana ka.

Sǝna 7:14

Sǝ ǝn eari wi nǝma, “Ɓwamǝgule, ǝn sǝlǝ ɗang. A nda a sǝlǝ ka.” Pǝlǝa nam ama, “Amǝnia ka, à ndaka ɓwana mǝnana à purî ɓa nggea tanni mǝgule ka. À lakína adaura malea sǝ à tsǝngŋǝnia à pǝlǝna amǝpwasǝe aɓa nkila mala Mǝgam.