Sǝna 1:18 - Maləmce Məfele mala Ɓakuli: Kurcau Məbəshe

¹⁸ Mǝ nda mǝnana nǝ yilǝmu ka. Ɗiɗyal ka ǝn wú, sǝ sǝni, mǝ ndya nǝ amǝsǝam ngga, masǝlǝate pà kàm ɗang. Akyî mala Lú andǝ Domurǝm mala Lú ka nda aɓa buam.

Sǝna 1:18 ပူးပေါင်းရင်းမြစ်များ

Matiu 11:23

Sǝ we Kapanahum ngga, ama à nǝ̀ loasǝo a kuli le? Awo, a nggearǝ nzali a tuli-lú sǝ à nǝ̀ yinǝ we. Ɓǝ̀ ama agir-ndali mana ǝn pakkia a ɓalǝo ka ǝn pangŋǝnia a Sodom ngga ɓǝ yalung ngga ndakam piu.

Matiu 16:19

Mǝ nǝ po akyî mala Domurǝm mǝnana a kuli ka; gir kat mǝnana à kùrrì a ɓanza ka anggo sǝ à nǝ̀ kùrrì a kuli, sǝ gir kat mǝnana a panzǝi a ɓanza ka anggo sǝ à nǝ̀ panzǝi a kuli.

Luka 24:5

Nǝ ɓangciu a rǝia amamǝna man timuria a nzali. Sǝ aɓwana mǝno nea wia ama, “Ace mana sǝ wu kǝ alta ɓwa mǝnana nǝ yilǝmu ka aɓalǝ alú?

Yohana 11:25

Yesu ne wi ama, “Mǝ nda lo mala alú andǝ yilǝmu. Ɓwa mǝnana kat pà ɓamuri a banam ngga, ko ɓǝ̀ wu ka, nǝ̀ lo nǝ yilǝmu.

Yohana 14:19

Banì pà nǝ̀ sau ɗang, ɓanza pà nǝ̀ sǝnam ɗǝm ɗang, sǝ wun ngga wu nǝ̀ sǝnam. Sǝ acemǝnana mǝ ndanǝ yilǝmu ka, wun gbal ka wu nǝ̀ dum nǝ yilǝmu.

Amǝ Roma 6:9

Sǝm sǝlǝna ama acemǝnana Kǝrǝsti ka à loasǝi a ɓembe ka, pa nǝ sǝn lú ɗǝm ɗang; lú panǝ rǝcandǝa amuri ɗǝm ɗang.

2 Amǝ Korinti 13:4

Kat andǝ amani ama à gballì a nggun-gangndi aɓa rǝwukya ka, ado ka, ndanǝ yilǝmu nǝ rǝcandǝa mala Ɓakuli. Sǝm gbal ka, sǝm ndanǝ rǝwukya, sǝa ma aɓa do ma'sǝm aɓa Kǝrǝsti ka, sǝm ndanǝ rǝcandǝa mala Ɓakuli mǝnana sǝm nggǝ pakka wun turo nǝi ka.

Amǝ Galati 2:20

À gballìnam amur nggun-gangndi sǝnǝ Kǝrǝsti. Mǝ nda mǝnana ɗǝm nǝ yilǝmu ka ɗang, Kǝrǝsti nda mǝnana ado dukiyi a ɓalǝam ngga. Do mem aɓa nggūrǝu mala ɓanza ka, ǝn dum nǝ paɓamuru aban Muna mala Ɓakuli mǝnana earcem, sǝ paɓamuri acem ngga.

Amǝ Kolosi 3:3

Acemǝnana wun ngga, wu wunî doɓanza man, sǝ mǝsǝrǝ yilǝmi wun ngga à sǝmbǝrǝni ata Kǝrǝsti aban Ɓakuli.

Amǝ Ibǝru 1:3

Yì Muna mala Ɓakuli ka, nda tǎlaban mala ɓoarɓwa mala Ɓakuli, andǝ purban male yì Ɓakuli. Nǝ́ cau male mǝ'rǝcande sǝ bwal agirbunda kat abanɓwáná. Anzǝm mana yi langŋǝna acauɓikea ma'sǝm ngga, pǝlǝa do a kuli a bu-mǝli mala Ɓakuli mǝnana Karban kat ka.

Amǝ Ibǝru 12:2

Ɓǝ̀ sǝm soa mǝsǝ sǝm arǝ Yesu, yì ɓwa mǝnana kwakita paɓamuru ma'sǝm, sǝ nda mǝnana nǝ̀ yinǝ lumsǝo male ka. Ace bumpwasǝa mǝnana à tsǝki wi a dǝmbǝi ka, shakminǝi aɓa tanni mala gbaliban amur nggun-gangndi, burice kǝsǝkya mǝnana nǝ̀ kum ate ka, sǝ adyan ngga nda aban do a buno, aban gulo a bu-mǝli mala bunomurǝm mala Ɓakuli.

Amǝ Ibǝru 7:16

Yesu ka duk pǝris, sǝ pà acemǝnana yì ka, lumsǝ kun gir mǝnana nggurcau mala Ɓakuli earkiyi ce amur ɓǝlban a tau mala Lawi ka ɗang. Yi duk pǝris nǝ rǝcandǝa mala yilǝmu mǝnana à pà nǝ̀ gandǝ kiɗiki raka.

Amǝ Ibǝru 7:25

Ace mani ka, nǝ̀ gandǝ amsǝ aɓwana mǝnana à yiu aban Ɓakuli nǝ bani ka, a koya njari, acemǝnana ko aya pwari ka ndakam nǝ yilǝmu ace zǝmbǝa acea.

Sǝna 10:6

sǝ kángir nǝ lullǝ Ɓakuli. Kángir nǝ lullǝ Ɓakuli mǝnana nǝ yilǝmu mana masǝlǝate pà kàm raka, mǝnana pusǝ kuli, andǝ nzali, andǝ nggeamur, andǝ agir mǝnana aɓalǝia kat ka. Pǝlǝa mǝturonjar na ama, “Pwari pà kàm ɗǝm ɗang!

Sǝna 15:7

Mwashat ata agiryilǝmu nì ine ka, yiu yi pè ko yan ata amǝturonjar mǝno tongno-nong-ɓari ka, tasau mǝnana a tùlli nǝ zǝnariya ka. Amǝnia yia atasau ka, à lumsǝkia nǝ bumlulla mala Ɓakuli mana ndanǝ yilǝmu, málá male pà kàm raka.

Sǝna 2:8

Gilǝî mǝturonjar mala ikǝlisiya mǝnana a Sǝmirna ka ama: Mǝnia ka nda cautera mǝnana pur nǝban Yì ɓwa mǝnana nda Mǝdǝmbe andǝ Masǝlǝate, mǝnana wǔ sǝ lo nǝ yilǝmu ɗǝm ngga.

Sǝna 20:13

Nggeamur ndǝli alú mǝnana a ɓalǝi ka. Lú andǝ Domurǝm mala lú ka, à pusǝ alú-aɓwana mǝnana aɓalǝia ka. Sǝ ko ya ɓwa ka, à pakki wi ɓashi arǝ aturo male mǝnana pak ka.

Sǝna 20:14

Pǝlǝa à ramta Lú andǝ Domurǝm mala lú aɓa garang mǝnana kǝ li nǝ bǝsa ka. Mǝnia yì garang mala bǝsa ka, nda ɓaria lú.

Sǝna 3:7

Gilǝî mǝturonjar mala ikǝlisiya mǝnana a Filadefiya ka ama: Mǝnia ka nda cautera mǝnana pur nǝban Yì ɓwa mana nda Mǝfele sǝ nda Mǝ'mǝsǝcau ka, yì ɓwa mana bwal kyî mala Dauda a bui ka. Gir mǝnana mǝnǝni ka, kǝɓwa kārǝa nǝ̀ gìrì ɗang, sǝ gir mǝnana gìrnì ka, kǝɓwa kārǝa nǝ̀ mǝnni ɗang.

Sǝna 4:9

Agiryilǝmu nì lidǝmbǝa nǝ pa ɓwangsǝban, andǝ gulo andǝ yàwá aban ɓwa mǝnana do amur bunomurǝm, mǝnana ndanǝ yilǝmu mana málá male pà kàm raka.

Sǝna 5:14

Agiryilǝmu mǝno ine ka, à ear ama, “Amin!” Sǝ aɓwana-mǝgule ka, à kpa a nzali aban peri.

Sǝna 6:8

Pǝlǝa ǝn sǝni ka, ɓe pǝ̀r mǝ'gwalani puro yi came! Ɓwa mǝnana kwakiyi ka, lullǝi ama Lú, sǝ Domurǝm mala Lú kǝ gya ate tu. Yia Lú andǝ Domurǝm mala Lú ka, à pea wia rǝcandǝa mala pakturo nǝ lwa, andǝ nzala, andǝ kwano, sǝ anyamcandǝa mǝnana a ɓanza ka, ɓǝa kiɗiki banì mwashat aɓa gauwe ine mala ɓanza.

Sǝna 9:1

Lang tongnoia mǝturonjar twang njawe male ka, ǝn sǝn ɓe nlero mǝnana pur nǝ kuli, yi kpa a ɓanza ka. À pe mǝnia yì nlero ka kyî mala mǝn kun tuli-tàtǝkǝtè.