Sǝna 1:16 - Maləmce Məfele mala Ɓakuli: Kurcau Məbəshe

¹⁶ Bwal anlero tongno-nong-ɓari a bui-mǝli, sǝ nggeabyau mǝnana nǝ akuni mǝceauwe ɓari ka, pur a ɓakuni. Ɓamǝsǝi kǝ tànzama kǝla ta mala pwari aɓa zǝkia male.

Sǝna 1:16 ပူးပေါင်းရင်းမြစ်များ

Matiu 17:2

kara rǝ Yesu twalo nggaɗi a ɓamǝsǝia. Ɓamǝsǝi ta kǝla pwari, agir-nggurǝi pǝlǝ amǝpwasǝe pwapwat.

Amǝ Mishan 26:13

Amur njargula aban ká, nǝ pwari zǝkia, Ɓǝ̀ rǝo pwalo Murǝm, ǝn sǝn tǎlaban mǝnana tǎ male kuti mala pwari ka, pur a kuli yi ta kàriam a ɓalǝu sǝnǝa aɓwana mǝnana sǝm nda a tarǝ sǝm sǝnǝia ka.

Amǝ Afisu 6:17

Ɓǝ̀ amsǝban gir múr wun kǝla sukuru-bolo mǝnana wu nǝ̀ oasǝo ace yal ɓamur wun ngga, sǝ wu pak turo nǝ cau mala Ɓakuli, kǝla nggeabyau mǝnana Bangŋo mala Ɓakuli kǝ pa wun, wu nǝ̀ twal a bu wun ace munǝo ka.

Amǝ Ibǝru 4:12

Cau mala Ɓakuli ka, ndanǝ yilǝmu, sǝ ndanǝ rǝcandǝa. Cyauwe kuti koya ulang ya nggeabyau mǝnana kuni ɓari ka. Kǝ soaban, kǝ kutia ban gakya mala bangŋe ɓwa andǝ yilǝmi. Kǝ kutio aban kpakǝri mala mú andǝ girɓamu. Kǝ pusǝta mana nda mǝɓoarne andǝ mǝɓane arǝ ɗenyicau andǝ kani mala ɓabum ɓwa.

Sǝna 1:20

Mǝnia ka nda ɓa cau ɓa-sǝmbǝrǝa amur anlero tongno-nong-ɓari mana a sǝnia aɓa buam-mǝlì, andǝ ɓa cau ɓa-sǝmbǝrǝa amur agir tamsǝ pitǝla zǝnariya tongno-nong-ɓari ka. Anlero mǝnia tongno-nong-ɓari ka, à ndaka amǝturonjar mala a'ikǝlisiya tongno-nong-ɓari, yì akpapi mala amǝkpata Yesu. Sǝ agir tamsǝ pitǝla tongno-nong-ɓari ka, à ndaka yia a'ikǝlisiya tongno-nong-ɓari.

Sǝna 10:1

Pǝlǝa ǝn sǝn ɓe kanggǝrangŋa mǝturonjar mala Ɓakuli pur nǝ kuli, kǝ sulǝo aban yiu. Pǝrɓang gumbǝli rǝì sǝ nparing kàrǝì muri. Ɓamǝsǝi tâ kǝla pwari, sǝ agarakusǝi na kǝla atanggea-nggun bǝsa.

Sǝna 12:1

Pǝlǝa ɓe nggea gir'lǝmndǝa mǝ'pa ndali pusǝrǝi a kuli. Ɓe mɓwama na oasǝ pwari a rǝì nda agir-nggurǝu male, sǝ tamsǝ akusǝi amur zongŋo. À oasǝi wi jeko a ɓamuri mǝnana nǝ anlero lum-nong-ɓari a rǝì ka.

Sǝna 19:15

A ɓakuni ka, nggeabyau mǝceauwe kǝ puro mǝnana nǝ̀ gandǝna aɓwana nǝi arǝ anzali, mǝnana à mgbikiru ka. “Nǝ̀ yal muria nǝ gara-bolo.” Aɓiamǝbura ka nǝ̀ parkia aɓa tūli ɓa nggea tali kamnggi mùr-anap. Nǝ̀ pak mǝnia ka ace lǝmndǝ bumlulla mǝcande mala Ɓakuli mana Karban kat ka amur amǝ'ɓealɓikea.

Sǝna 19:21

Amǝ'lwa malea ka, à twaltea kat nǝ nggeabyau mǝceauwe mǝnana kǝ pur a kun ɓwa mǝnana anzǝm pǝr kwakiyi ka. Sǝ adǝkǝlaki yi sulǝo amur aluia, à li gir mǝnana kárǝìa ka.

Sǝna 2:1

Gilǝî mǝturonjar mala ikǝlisiya, mǝnana a Afisu ka, ama: Mǝnia ka nda cautera mǝnana pur nǝban Yì ɓwa mǝnana bwal anlero tongno-nong-ɓari a bui-mǝli, sǝ kǝ gya aɓalǝ agir tamsǝ pitǝla zǝnariya tongno-nong-ɓari ka.

Sǝna 2:12

Gilǝî mǝturonjar mala ikǝlisiya mǝnana a Pargamu ka ama: Mǝnia ka nda cautera mǝnana pur nǝban Yì ɓwa mǝnana ndanǝ nggeabyau mǝceauwe mana akuni na ɓari ka.

Sǝna 2:16

Pwanzali, nying bo arǝ acauɓikea mo. Ɓǝ̀ ana raka, mǝ nǝ yipo nǝ yasǝlǝban, sǝ mǝ nǝ ká nǝ́ munǝo arǝ aɓwana mǝno nǝ́ nggeabyau mǝnana a kunam ngga.

Sǝna 3:1

Gilǝî mǝturonjar mala ikǝlisiya mǝnana a Sardis ka ama: Mǝnia ka nda cautera mǝnana pur nǝban Yì ɓwa mǝnana bwal abangŋo tongno-nong-ɓari mala Ɓakuli andǝ anlero tongno-nong-ɓari a bui ka. Ən surǝ aturo mo. Aɓwana kǝ twalo ama a ndanǝ yilǝmu, sǝ mǝsǝcau ka, a nda lú.