Sǝna 1:11 - Maləmce Məfele mala Ɓakuli: Kurcau Məbəshe

¹¹ Kǝ na ama, “Gilǝ agir mǝnana a kǝ sǝnia ka aɓa malǝmce. Sǝ wu teri aban a'ikǝlisiya mǝnia tongno-nong-ɓari ka, amǝnana arǝ anggea-là Afisu, andǝ Sǝmirna, andǝ Pargamu, andǝ Tiyatǝra, andǝ Sardis, andǝ Filadefiya, sǝ Lawodisi ka.”

Sǝna 1:11 ပူးပေါင်းရင်းမြစ်များ

Amǝ Mishan 16:14

Ɓe mɓwama mwashat aɓalǝ amamǝna mǝnana ok sǝm ngga, lullǝi ama Lidiya, ɓwa nggeala Tiyatǝra, mǝ makki anggurbyau mǝcande na. Yì ka, mɓwama na mana kǝ peri aban Ɓakuli pepe ka. Lang kwaki kiri aban ok sǝm ngga, Mǝtalabangŋo mǝn ɓabumi ɓǝ̀ ak cau mana Bulǝs kǝ na ka.

Amǝ Mishan 18:24

A baku mǝno ka, ɓeɓwa Yahudi mana à tunǝki ama Apolo, mǝnana pur nǝ nggeala Alizandǝriya ka, yiu a Afisu. Yì ka, ɓwa na ndanǝ sǝlǝ nacau, sǝ surǝ Malǝmce mala Ɓakuli kǝrkǝr.

Amǝ Mishan 20:17

A Miletus sǝ Bulǝs turban ata aɓwana-mǝgule mala ikǝlisiya mana a Afisu ɓǝa yiu ɓǝa yi kumi a Miletus.

1 Amǝ Korinti 15:32

Ɓǝ̀ munǝo mem arǝ aɓwana mǝno a Afisu, mǝnana à soem kǝla anyam-ɓabondo ka, nda ace alta gir ɓanza ka, mana gir nì na mǝ nǝ kumo a ɓalǝi, yi mǝnana ɓǝ̀ loapi ɓembe nǝ yilǝmu pà kàm raka? Sǝ ɓǝ̀ loapi ɓembe pà kàm raka: “Ɓǝ̀ sǝm fani arǝ likiali, andǝ nukiagir, acemǝnana li ka sǝm nǝ̀ wu.”

1 Amǝ Korinti 16:8

Sǝ ado ka, mǝ nǝ ngga duk zuku a Afisu she ɓǝ̀ Lamsan Pentikos karǝna ka.

Amǝ Afisu 1:1

Mǝnia yì cautera ka pur nǝ bu Bulǝs, mǝnana à tàrì, à twali nǝ eare mala Ɓakuli ɓǝ̀ duk mǝ'mishan mala Kǝrǝsti Yesu ka. Gilǝ mǝnia yì cau ka aban ká aban aɓwana mala Ɓakuli, yì amǝkwaɗi mǝnana à pa ɓamuria aban Kǝrǝsti Yesu nǝ mǝsǝcau, a nggeala Afisu ka.

Amǝ Kolosi 2:1

Ən nggǝ earce ɓǝ̀ wu surǝ ulang tanni mǝnana ǝn nggǝ tanni ace wun, andǝ amǝkpata Yesu mǝnana a Lawodisi, andǝ amǝkpata Yesu kat mǝnana à malaká sǝnam à surǝam raka.

1 Timoti 1:3

Mana mǝ nǝ o a Masǝdoniya ka, ǝn no nǝ rǝcandǝa nǝma wu came a Afisu, ace mǝnana wu tamsǝ aɓwana mǝnana akanigir malea ka, à nda ɗàng andǝ mǝsǝcau ka.

Sǝna 1:17

Lang mǝ nǝ yia sǝni ka, kara ǝn kpa a nzali a kusǝì kǝla ɓwa mǝnana wuna ka. Pǝlǝa yi tsǝk bui-mǝli a muram sǝ nam ama: Ɓangciu ɓǝ̀ kǝa pakko ɗang! Mǝ nda Mǝdǝmbǝa, ǝn tita agir kat, sǝ mǝ nda Mǝtankwang, mǝ nǝ masǝlǝ agir kat!

Sǝna 1:19

Gir mǝnana a sǝni ka gilǝì; amǝnana ado, andǝa mǝnana à nǝ̀ yia pa anzǝm amǝnia ka.

Sǝna 1:2

Yohana yì bang gir kat mǝnana sǝna, amur Cau mala Ɓakuli, andǝ agir mǝnana Yesu Kǝrǝsti pea sǝ nea ka.

Sǝna 1:20

Mǝnia ka nda ɓa cau ɓa-sǝmbǝrǝa amur anlero tongno-nong-ɓari mana a sǝnia aɓa buam-mǝlì, andǝ ɓa cau ɓa-sǝmbǝrǝa amur agir tamsǝ pitǝla zǝnariya tongno-nong-ɓari ka. Anlero mǝnia tongno-nong-ɓari ka, à ndaka amǝturonjar mala a'ikǝlisiya tongno-nong-ɓari, yì akpapi mala amǝkpata Yesu. Sǝ agir tamsǝ pitǝla tongno-nong-ɓari ka, à ndaka yia a'ikǝlisiya tongno-nong-ɓari.

Sǝna 1:4

Cautera mǝnia ka pur abanam, Yohana, aban ká aban a'ikǝlisiya tongno-nong-ɓari aɓa nzali Asiya. Ən nggǝ shamba wun ɓwamuru andǝ do rǝpwala mǝnana à kǝ pur nǝban Ɓakuli ka. Yì Ɓakuli ka nda mana ndakam ado, mǝnana ndakam a pwaryan, sǝ nda mǝnana nǝ̀ pàk kàm a dǝmbǝa ka. Ɗǝm ngga ǝn nggǝ shamba wun ɓwamuru andǝ do rǝpwala mǝnana à kǝ pur nǝban abangŋo tongno-nong-ɓari mǝnana à nda a ɓadǝm bunomurǝm mala Ɓakuli ka.

Sǝna 1:8

Ɓakuli Mǝtalabangŋo na ama, “Mǝ nda Alfa, ǝn tita agir kat, sǝ mǝ nda Omega, mǝ nǝ masǝlǝata agir kat. Mǝ nda mǝnana mǝ ndakam ado, andǝ mǝnana a pwaryan, andǝ mǝnana kǝ yiu a dǝmbǝa ka. Mǝ nda mǝnana nǝ Rǝcandǝa ǝn Karmur Gulo kat ka!”

Sǝna 10:4

Lang agiu mgbarangce tongno-nong-ɓari na cau ka, nǝma mǝ nǝ gilǝ ce, sǝ kara ǝn ok giu pur nǝ kuli nam ama, “Cau mǝnana agiu mgbarangce tongno-nong-ɓari bang ngga, ɓǝ̀ cê duk girsǝmbǝrǝa! Cè a gilǝì ɗang.”

Sǝna 14:13

Pǝlǝa ǝn ok ɓe giu pur nǝ kuli na ama, “Gilǝ cau mǝnia ka: “ ‘Twal ado mǝno ka, tsǝkbu mala Ɓakuli na amur aɓwana mǝnana à wu aɓa dotarǝu malea andǝ Mǝtalabangŋo ka!’ ” Bangŋo mala Ɓakuli kǝ na ama, “E, mǝsǝtacau, à nǝ̀ kum usǝlǝo aɓalǝ aturo malea, acemǝnana aturo mǝɓoarne malea mǝnana à pea ka, à kǝ ongsǝo atea.”

Sǝna 19:9

Pǝlǝa mǝturonjar banggam ama, “Gilǝ cau mǝnia ka: ‘Tsǝkbu mala Ɓakuli na amur aɓwana mǝnana à tunǝia aban ká aban li girlina isǝban mala Mǝgam ngga!’ ” Sǝ na ɗǝm ama, “Amǝnia ka, à ndaka cau mǝ'mǝsǝcau nì mala Ɓakuli.”

Sǝna 2:1

Gilǝî mǝturonjar mala ikǝlisiya, mǝnana a Afisu ka, ama: Mǝnia ka nda cautera mǝnana pur nǝban Yì ɓwa mǝnana bwal anlero tongno-nong-ɓari a bui-mǝli, sǝ kǝ gya aɓalǝ agir tamsǝ pitǝla zǝnariya tongno-nong-ɓari ka.

Sǝna 2:12

Gilǝî mǝturonjar mala ikǝlisiya mǝnana a Pargamu ka ama: Mǝnia ka nda cautera mǝnana pur nǝban Yì ɓwa mǝnana ndanǝ nggeabyau mǝceauwe mana akuni na ɓari ka.

Sǝna 2:18

Gilǝî mǝturonjar mala ikǝlisiya mǝnana a Tiyatǝra ka ama: Mǝnia ka nda cautera mǝnana pur nǝban Muna mala Ɓakuli ka. Yì nda ɓwa mana amǝsǝì kǝ earke kǝla lasǝ bǝsa, sǝ akusǝi kǝ ta gǝraɗau kǝla bolo mǝbangŋe mǝnana à kolǝi ka.

Sǝna 2:24

Aɓea aɓwana aɓalǝ wun a Tiyatǝra ka à kǝ̀ kpata mǝno yì kanigir mǝɓane ka ɗang. Wu kutia surǝ kanigir nyir mǝnana aɓea aɓwana tunǝi ama “agir ɓa-sǝmbǝrǝa mǝlime mala Shetan” ngga ɗang. Ace mani ka, pa mǝ nǝ tsǝka wun ɓe kǝgir mǝdǝmbǝre amur mǝnana ǝn pana wun ngga ɗang.

Sǝna 2:8

Gilǝî mǝturonjar mala ikǝlisiya mǝnana a Sǝmirna ka ama: Mǝnia ka nda cautera mǝnana pur nǝban Yì ɓwa mǝnana nda Mǝdǝmbe andǝ Masǝlǝate, mǝnana wǔ sǝ lo nǝ yilǝmu ɗǝm ngga.

Sǝna 21:5

Sǝ ɓwa mǝno do amur bunomurǝm ngga bangŋa ama: Wu sǝni, mǝ ndo mǝ nǝ nyesǝ agir kat à nǝ̀ pǝlǝ bǝshe! Pǝlǝa na ɗǝm ama: Gilǝ cau mǝnia ka, acemǝnana cau na, à nǝ̀ earnǝi, sǝ mǝsǝcau na.

Sǝna 22:10

Pǝlǝa kwarkiram ama: Kǝa na ama a nǝ sǝmbǝrǝ ce acau ɓangna mǝnana aɓa malǝmce mǝnia ka ɗang, acemǝnana pwari gbashina tu mana amǝnia yia agir kat ka à nǝ̀ kumban ngga.

Sǝna 22:16

Mim Yesu, ǝn túr mǝturonjar mem ɓǝ̀ bangga wun amǝnia yì agir ka ace a'ikǝlisiya. Mǝ nda Mǝkà Murǝm Dauda, ǝn pur a tau male. Mǝ nda nlero dǝmbari mǝ tàne.

Sǝna 3:1

Gilǝî mǝturonjar mala ikǝlisiya mǝnana a Sardis ka ama: Mǝnia ka nda cautera mǝnana pur nǝban Yì ɓwa mǝnana bwal abangŋo tongno-nong-ɓari mala Ɓakuli andǝ anlero tongno-nong-ɓari a bui ka. Ən surǝ aturo mo. Aɓwana kǝ twalo ama a ndanǝ yilǝmu, sǝ mǝsǝcau ka, a nda lú.

Sǝna 3:14

Gilǝî mǝturonjar mala ikǝlisiya mǝnana a Lawodisi ka ama: Mǝnia ka nda cautera mǝnana pur nǝ bani, yì ɓwa mǝnana nda Amin, mǝ'nakún mǝ'mǝsǝcau nì sǝ mǝɓafoe, mǝyalban amur agirbunda mǝnana Ɓakuli pusǝia ka.

Sǝna 3:4

Akana a Sardis she ka aɓwana nakam bǝti mǝnana à pǝndǝki adaura malea nǝ cauɓikea raka. Mǝ nǝ ging sǝnǝia aɓalǝ adaura pwasǝa, acemǝnana yia ka à karǝna.

Sǝna 3:7

Gilǝî mǝturonjar mala ikǝlisiya mǝnana a Filadefiya ka ama: Mǝnia ka nda cautera mǝnana pur nǝban Yì ɓwa mana nda Mǝfele sǝ nda Mǝ'mǝsǝcau ka, yì ɓwa mana bwal kyî mala Dauda a bui ka. Gir mǝnana mǝnǝni ka, kǝɓwa kārǝa nǝ̀ gìrì ɗang, sǝ gir mǝnana gìrnì ka, kǝɓwa kārǝa nǝ̀ mǝnni ɗang.