Matiu 9:15 - Maləmce Məfele mala Ɓakuli: Kurcau Məbəshe

¹⁵ Yesu nyesǝia wia ama: Lang sǝ agyajam mala bura-manfela nǝ̀ pak bumkiɗikea mǝnana nda abania peatu ka? Pwari nǝ̀ ngga yiu à nǝ̀ yia twal bura-manfela a rǝia; a pwarî sǝ à nǝ̀ gilmur.

Matiu 9:15 ပူးပေါင်းရင်းမြစ်များ

Matiu 9:14

Àkǝ̀ pwari mǝno ka alaggana mala Yohana Mǝbatisǝma yiu aban Yesu sǝ à ɗi ama, “Man tsǝa sǝ sǝm sǝnǝ amǝ Farisi ka, sǝm nggǝ gilmur sǝ alaggana mo ka à kǝ gilmur ɗang?”

Matiu 9:16

Kǝ ɓwa pà nǝ̀ kpakǝri eakǝna daura nǝ kasǝna nggurbyau mǝbǝshe ɗang. Ɓǝa pa anggo ka kasǝne mǝbǝshe nǝ̀ yia tsǝk eakǝna daurae nǝ̀ san kpǝm nǝ̀ wori man ɗiɗyal ka.

Markus 2:19

Yesu nea wia ama, “Lang sǝ agyajam mala bura-manfela nǝ̀ gilmur yi mǝnana nda abania peatu ka? Ɓǝà nda a tarǝia andǝ bura-manfela ka, à pà nǝ̀ gilmur ɗang.

Markus 2:20

Pwari mǝnana à twalǝna bura-manfela a rǝia ka, akàm sǝ yia ka à nǝ̀ gilmur.

Luka 17:22

Pǝlǝa ne alaggana male ama: Pwari na kǝ yiu ka yi mǝnana rǝ wun nǝ̀ ɓǝla arǝ sǝn pwari mwashat aɓalǝ apwari mala Muna Mala Ɓwa ka, sǝ pà wu nǝ̀ sǝni ɗang.

Luka 5:34

Yesu earia wia ama, “Wu nǝ̀ tsǝk agyajam mala bura-manfela ɓǝa gilmur yi mǝnana nda tea piu ka le?

Luka 5:35

Pwari na kǝ yiu ka, mǝnana à nǝ̀ twal bura-manfela a rǝia ka. Amǝno yì pwari ka sǝ à nǝ̀ gilmur.”

Yohana 16:6

Sǝ acemǝnana ǝn bangga wun ngga, kara wu lumsǝ nǝ bumkiɗikea.

Yohana 3:29

Manfela ka mala bura-manfela na; sǝ murǝm gyajam mala bura-manfela mǝnana cam aban kundǝe kǝ kwakikiri a rǝì ka, ban kǝ ɓoari wi arǝ ok gi bura-manfela. Mim gbal ka, ban kǝ ɓoaram arǝ cau mǝno wu banggam ngga.

Amǝ Mishan 14:23

Bulǝs andǝ Barnabas twal aɓwana-mǝgule mǝnana à cia amur amǝkwaɗi a koya ikǝlisiya ka. Nǝ hiwi andǝ gilmur, à tsǝk aɓwana-mǝgule mǝnia aɓata yalban mala Mǝtalabangŋo mana à guli a rǝi ka.

1 Amǝ Korinti 7:5

Wu kǝa ɓinǝia rǝ wun nongŋo-nda ɗang, she ɓǝ̀ do ama nǝ eare ma'wun arǝarǝ wun, ace mǝnana ɓǝ̀ wu kum dǝmbǝu mala pak hiwi ka. Anzǝm mani ka, wu nǝ̀ nyare a tarǝ wun. Anggo ka pà wu nǝ̀ kpa aɓa karǝkiban mala Shetan ace ɗwanyi bwalrǝu ma'wun ɗang.

2 Amǝ Korinti 11:27

Ən do aɓa pak turo mǝkwane andǝ aulǝa, aɓa ɗwanyi ntulo arǝ adú pas, aɓa nzala andǝ mǝsamur. Kusǝ pas ǝn do aɓa tǝla girlina, aɓa ɗwal andǝ tǝla agir-nggurǝu.

Sǝna 19:9

Pǝlǝa mǝturonjar banggam ama, “Gilǝ cau mǝnia ka: ‘Tsǝkbu mala Ɓakuli na amur aɓwana mǝnana à tunǝia aban ká aban li girlina isǝban mala Mǝgam ngga!’ ” Sǝ na ɗǝm ama, “Amǝnia ka, à ndaka cau mǝ'mǝsǝcau nì mala Ɓakuli.”

Sǝna 21:2

Sǝ ǝn sǝn Nggeala Mǝfele, yì bǝsa Urǝshalima. Ən sǝni puro aban Ɓakuli a kuli, sǝ kǝ sulǝo aban yiu. À gilǝkini pepe kǝla manfela mǝnana à gilǝkì wi rǝì aɓa ɓoarnsari ace ká aban burri ka.