Matiu 8:8 - Maləmce Məfele mala Ɓakuli: Kurcau Məbəshe

⁸ Ɓwamǝgule soje pǝlǝa eari wi ama, “Ɓwamǝgule, ǝn kārǝa wu yiu a ɓala mem ɗang. Ne kwane cau, sǝ muna-ɓala mem ngga rǝì nǝ̀ mala.

Matiu 8:8 ပူးပေါင်းရင်းမြစ်များ

Matiu 3:11

“Ən nggǝ pakka wun batisǝma nǝ mur mǝnana nǝ̀ lǝmndǝ ama wu nyingŋǝna acauɓikea ma'wun. Nǝ nzǝmo ka, ɓeɓwa na nǝ̀ ngga yiu mǝnana kutiam nǝ bangŋo ka, mǝnana yale nkura kusǝì ka ǝn kārǝa mǝ bwali a buam ɗang. Yì ka, nǝ̀ yia pakka wun batisǝma nǝ Bangŋo Mǝfele andǝ bǝsa.

Matiu 3:14

Sǝ Yohana ka ɓariki ama nǝ̀ ɓinǝi wi. Ne wi ama, “Mim ɓwan mǝ nǝ ká abano ace batisǝma ka a nyare a yiu a banam mǝ pakko batisǝma!”

Matiu 8:3

Sǝ Yesu lǝmndǝ bui je ɓwabure sǝ na ama, “Ən earǝna, ɓǝ̀ rǝo ɓoarnsari.” Àkǝ̀ banì kara kwano dakali nying rǝì.

Matiu 8:7

Yesu ne wi ama, “Mǝ nǝ ká mǝ nǝ twali wi ban rǝkwane.”

Matiu 8:9

Nggearǝ mim ngga mǝ nda aɓata ɓeɓwa sǝ mǝ ndanǝ asoje a ɓatam. Kani ɓǝ̀ ǝn ne mǝnia ama, ‘Kyane’ ka, nǝ̀ ká; sǝ ɓǝ̀ ǝn ne mǝno ama, ‘Yiu’ ka, nǝ̀ yiu. Ɓǝ̀ ǝn ne guro mem ama, ‘Pak ani’ ka, nǝ̀ pa.”

Luka 15:19

Ən kārǝa ɓǝa tunǝam ama mǝ nda munio ɗǝm ɗang, nyesǝam kǝla ɓe mǝturo-ɓala mo.’ ”

Luka 15:21

Muni ne wi ama, “Dâ, ǝn pangŋǝni Ɓakuli cauɓikea, sǝ ǝn pangŋǝno. Ən kārǝa ɓǝa tunǝam ama munio ɗǝm ɗang.”

Luka 5:8

Lang Shiman Bitǝrus sǝn mǝnia yì gir ka, kpa a ɓadǝm Yesu sǝ na ama, “Mǝ nda yan sǝ a wu nǝ came abanam, Mǝtalabangŋo, mim ngga mǝ nda mǝ'cauɓikea.”

Yohana 1:27

yì ka, nda ɓwa mǝnana kǝ yiu a tam tu ka, ǝn kārǝa mǝ nǝ panzǝ anggur-nkura male ɗang.”