Matiu 8:4 - Maləmce Məfele mala Ɓakuli: Kurcau Məbəshe
4 Sǝ Yesu ne wi ama, “Kǝa ne kǝɓwa ɗang. We ka, kyane kya lǝmndǝ rǝo aban pǝris, sǝ wu pa ɓoro mǝnana Musa bangŋa ama ɓǝa pa ka, mǝnana nǝ̀ lǝmndǝ twalban rǝkwana mo abania ka.”
Sǝ Yesu pa eare ka ne wi ama, “Ɗeki ɓǝ̀ pa ana adyan. Anggo ka sǝ sǝm nǝ̀ lumsǝ agir kat mǝnana Ɓakuli earkicea ka.” Pǝlǝa Yohana eare pakki wi batisǝma.
Wu tsǝk kir wun, wu kǝa pakki aturo-ɓoarna ma'wun a ɓamǝsǝ aɓwana ace mǝnana ɓǝa sǝn wun ngga ɗang. Ɓǝ̀ wu kǝ pa anggo ka, pa wu nǝ̀ kum ɓe kǝ tangnakusǝu aban Tár wun mana a kuli ka ɗang.
Sǝ ɓǝ̀ wu wario àkǝ̀ ban sǝ à ɓinǝ ak wun ko à ginǝ cau ma'wun ngga, wu kǝtǝrǝki tu mǝnana a kusǝ wun ngga, ɓǝ̀ wu nǝ̀ nying banì ka. Ɓǝ̀ dupia wia gir'lǝmndǝa ama, bu wun pa aɓa ɓashi mǝnana nǝ̀ yiu amuria ka ɗang!”
Ɗǝm ngga akukwar puri rǝ aɓwana pas, à kǝ loasǝ gia ama, “A nda Muna mala Ɓakuli.” Yesu gimbia, eare ama ɓǝa na kǝ cau ɗang, acemǝnana à sǝlǝna ama yì ka, nda Kǝrǝsti Mǝ'amsǝban.
Yesu pǝlǝa ne wi ama, “Kǝa ne kǝɓwa ce ɗang, bwal njar kyane aban pǝris ɓǝ̀ pelǝkio; sǝ wu pa ɓoro mǝnana Musa tsǝa ama ɓǝa pa ka, ace mǝnana ko yan ngga ɓǝ̀ sǝlǝ ama rǝo sonzǝna.”
Ɓwa mǝnana kǝ na cau aɓa ɓamuri ka, gulo mala ɓamuri na alkiyite ka, sǝ ɓwa mǝnana kǝ pak gir ace gulo mala ɓwa mǝnana turi ka, ɓwa mǝ'mǝsǝcau nì na, ɓe kǝgir nyir pa a ɓalǝi ɗang.