Matiu 8:26 - Maləmce Məfele mala Ɓakuli: Kurcau Məbəshe

²⁶ Sǝ nea wia ama, “Wun ngga, guli ma'wun arǝ Ɓakuli kyau fat. Palang sǝ ɓangciu pakka wun?” Pǝlǝa lo sà arǝ gung andǝ eaki-nkono mala nggeamur. Kara ban pwal atea ɗǝong.

Matiu 8:26 ပူးပေါင်းရင်းမြစ်များ

Matiu 16:8

Yesu yi sǝlǝia wia nǝ cau mǝno à nakiyi ka sǝ ɗia ama, “Palang sǝ wu kǝ na cau arǝarǝ wun amur ɗwanyi bǝredi? Paɓamuru ma'wun kyau fat!

Matiu 17:20

Yesu nea wia ama: Nda acemǝnana paɓamuru ma'wun ngga gatti. Sǝa ma ǝn nggǝ na wun mǝsǝcau, ɓǝa bangŋa ama wu earnǝ Ɓakuli bǝti kǝla kyauwe mala mǝsǝ musta ka, wu nǝ̀ gandǝ ne mǝnia yì nkono ka ama, “Turî ban mǝnia, o kano” sǝ yì ka, nǝ̀ turó. Ɓe kǝgir pà kàm nǝ̀ gandǝ wun ɗang.

Matiu 6:30

Ɓǝ̀ Ɓakuli kǝ pakki abondo agir-nggurǝu anggo ka, mǝnana à ndakam yalung sǝ li ka à pisǝnia a bǝsa ka, pà nǝ̀ pakka wun agir-nggurǝu mǝnana kuti mǝno ka re? Ma'wun ngga guliarǝu mana wu ndanǝi aban Ɓakuli ka nda ɓiki kyauwe ka!

Matiu 8:27

Sǝ aɓwana mǝnia ka à ndali sǝ à na ama, “Ya ulang ɓwa na mǝnia, mǝnana gung andǝ eaki-nkono mala nggeamur à kǝ oki wi ka?”

Luka 4:35

Yesu sà a rǝì ama, “Gir kuno piu! Puri rǝì!” Pǝlǝa kukwar loasǝi me a nzali a ɓadǝm ɓwapǝndǝa kat, pǝlǝa puri rǝì, tsǝki wi pengye ɗang.

Amǝ Roma 4:20

Pa eare mala Ibǝrayim nǝ́ gir mǝnana Ɓakuli na ama nǝ̀ pe ka, dǝurǝ ɗang. Aɓa mǝsǝcau ka, paɓamuru male aban Ɓakuli lidǝmbǝa nǝ rǝcandǝa, andǝ gusǝlǝ Ɓakuli.

Sǝna 10:2

Bwal mǝ'malǝmce mǝnana à mǝnni ka a bui. Yi tamsǝ kusǝì mǝli amur nggeamur sǝ kusǝì mǝnggare ka tamsǝi amur kwarban.