Matiu 8:2 - Maləmce Məfele mala Ɓakuli: Kurcau Məbəshe

² Ɓe mǝdakali yiu abani yi ɓun a ɓadǝmbǝi sǝ na ama, “Ɓwamǝgule, ɓǝ̀ a nǝ ear ka, a nǝ twalam ban rǝkwana man ɓǝ̀ rǝam ɓoarnsari.”

Matiu 8:2 ပူးပေါင်းရင်းမြစ်များ

Matiu 10:8

Wu twalban rǝkwana, wu loasǝ alú, wu sonzǝ amǝdakali, wu pusǝki akukwar. Ɓah sǝ à pa wun. Wu pe aɓwana gbal ɓah.

Matiu 13:58

Pakki agir-ndǝlǝki pas a la male ɗang ace ɗwanyi earnǝɓwa malea.

Matiu 14:33

Aɓwana mǝnana aɓa waru ka à peri abani, à na ama, “Ɓafo, à nda Muna mala Ɓakuli.”

Matiu 15:25

Mɓwame yiu yi kūndǝo a ɓadǝmbǝi, sǝ na ama, “Mǝtalabangŋo, bwalam kam!”

Matiu 18:26

Mǝturo-ɓala man pǝlǝa ɓun amur ankuni a ɓadǝmbǝi sǝ zǝmbǝa ama, “Ɓwamǝgule, pakkam munyi, mǝ nǝ mbweko boalo mo kat.”

Matiu 2:11

À nǝ̀ kutio a ɓala ka, à sǝn muna andǝ ngge Maryamu, sǝ à ɓun a ɓadǝmbǝi, à peri. Pǝlǝa à panzǝki agǝna malea sǝ à pe wi aɓoro zǝnariya, andǝ lubban andǝ mǝr.

Matiu 20:20

Nggea ka muna mala Zabadi yiu aban Yesu nǝ amuni Yohana andǝ Jemis, sǝ yi kūndǝo a nzali sǝ zǝm ɓwamuru.

Matiu 26:6

Aɓa mǝno anggo ka Yesu na a Betani a ɓala mala mǝdakali man yì Shiman ngga.

Matiu 28:17

Lang à sǝni ka, à ɓun a ɓadǝmbǝi à peri; sǝa ma aɓea aɓwana atea ka à ear ama Yesu na ɗang.

Matiu 28:9

À nda njar aban ká ka, kara Yesu yi kasǝa a dǝmbǝia, nea wia ama, “Ən nggǝ makka wun kun.” À pǝlǝa à yiu abani tu, à yì kurrì zǝp arǝ akusǝi, sǝ à peri.

Matiu 4:9

Sǝ ne wi ama, “Ɓǝ̀ a wu nǝ ɓun a ɓadǝmbǝam sǝ a nǝ peri abanam ngga, mǝ nǝ po amǝnia yì agir ka kat.”

Matiu 8:1

Lang Yesu sulǝni mur nkono ka, ɓwabunda pas kana ate.

Matiu 8:25

Alaggana male wario à kya loasǝi sǝ à ne wi ama, “Ɓwamǝgule, amsǝ sǝm, sǝm nda sǝm nǝ̀ lingge!”

Matiu 9:18

Lang Yesu na ban nea wia amǝnia yì acau ka, ɓe ɓwamǝgule ndakpapi mala amǝ Yahudi yiu yi kūndǝo a ɓadǝmbǝi ne wi ama, “Ɓoarnsarilem wu àkǝ̀ dyadyan. Yiu tsǝk buo a rǝì, sǝ mǝsǝì nǝ̀ sa nǝ̀ pak yilǝmu.”

Luka 4:27

Amǝdakali nakam pas a nzali Isǝrayila a nza mala Elisha mǝɓangna mala Ɓakuli, kat anggo ka Ɓakuli sonzǝ kǝɓwa atea ɗang, she kǝ Naaman, bǝri ɓwa Suriya.

Yohana 9:38

Kara ɓwabure kūndǝo a ɓadǝm Yesu peri, sǝ na ama, “Mǝtalem, e, ǝn earǝna, ǝn panà ɓamuram abano.”

Amǝ Mishan 10:14

Pǝlǝa Bitǝrus bangŋa ama, “Awo, Mǝtalabangŋo! Ən malaká li kǝgir mǝnana Nggurcau nyesǝi mǝpǝndǝke na ko gir-ɓeami na ka ɗang.”

Amǝ Mishan 10:25

Lang Bitǝrus nǝ̀ kutio a ɓala ani ka, Karnilus kara lo kya kpa kūndǝo a ɓadǝmbǝi, aban pe wi gulo.

1 Amǝ Korinti 14:25

Ɓǝ̀ à ndarǝ oe ka, aɗenyicau ɓa-sǝmbǝrǝa malea ka, à nǝ̀ pusǝrǝia a banfana. Sǝ à nǝ̀ ɓun amur ankunia, à nǝ̀ peri aban Ɓakuli, à nǝ̀ nggǝ na ama, “Ɓafo na, Ɓakuli ka ndakani aɓalǝ wun!”

Sǝna 19:10

Lang ǝn ok cau mǝno ka, kara ǝn kpa a nzali a ɓadǝm mǝturonjar nǝma mǝ nǝ peri abani. Sǝ yì ka, banggam ama, “Awo, kǝa peri abanam ɗang! Mim ngga mǝ nda ɓeo guro andǝ ɓi guro ata amǝ'eambǝo amǝkwaɗi, mǝnana à kǝ banggi aɓwana cau amur Yesu ka. Peri aban Ɓakuli nǝmurǝì ɓǝrɓǝr, acemǝnana bangŋo mala ɓangna nda cau mala Yesu.”