Matiu 8:16 - Maləmce Məfele mala Ɓakuli: Kurcau Məbəshe

¹⁶ Nǝ pwarikpǝra mǝno ka à yinǝ aɓwana pas abani, amǝnana nǝ akukwar a rǝia ka. Pusǝ akukwar mǝno nǝ cau. Sǝ amǝkwano ka twalia wia ban arǝkwana malea kat.

Matiu 8:16 ပူးပေါင်းရင်းမြစ်များ

Matiu 12:22

Pǝlǝa aɓea ɓwana yiu nǝ ɓe nte mǝnana kukwar na a rǝì sǝ mǝtalasǝ-ɓunna na ka, aban Yesu. Yesu twali wi ban kwano male, sǝ tita na cau sǝ kǝ sǝnban.

Matiu 14:14

Yesu yi kpashi, nǝ̀ eapi waru ka sǝn ɓwabunda kǝrkǝr aban rambǝa. Mǝsǝswatǝr malea pakki wi pǝlǝa twalia amǝkwano mana aɓalǝia ka ban arǝkwana malea.

Matiu 8:15

Sǝ Yesu je a garabui, kara ɓauwa mali rǝì. Pǝlǝa lo pe Yesu girlina.

Matiu 8:33

Amǝyal atǝmbǝrǝm-ɓala twal mire aban o a la. À kya bang gir mǝnana kum atǝmbǝrǝm-ɓala ka andǝ cau mala aburana ɓari mǝnana a pusǝ akukwar a rǝia ka.

Matiu 9:2

Aɓea aɓwana yinǝi wi nǝ ɓe mǝrǝwuna a kala. Lang Yesu sǝn guliarǝu malea ka, ne mǝkwano ama, “Nwangsǝ ɓabumo, munem, à twalǝno ban acauɓikea mo.”

Markus 2:3

aɓea aɓwana, yia ine, à twal ɓe mǝrǝkwana mǝnana sú arǝ abui andǝ akusǝi ka, aɓa kala, à yiu nǝi aban Yesu.

Markus 5:8

Bangŋa anggo acemǝnana Yesu angŋa dǝmbǝa nani wi ama, “We bangŋo mǝɓane, puri ɓa rǝ ɓwa mǝnia ka.”

Markus 9:25

Lang Yesu sǝn ɓwapǝndǝa nǝ̀ nggǝ kana aban yiu ka, kara sà arǝ kukwar ama, “We kukwar mala kir ara andǝ mala talasǝɓunna, ǝn nggǝ banggo nǝma, wu puri rǝi, cea nyare a kuti kam ɗǝm ɗang!”

Luka 13:12

Lang Yesu nǝ̀ sǝni ka, pǝlǝa tunǝi ama ɓǝ̀ yiu a dǝmbǝa, sǝ ne wi ama, “Mɓwama, à panzǝno a bu mǝnia yì kwano mo ka.”

Luka 4:40

Lang pwari na rǝ kpa ka, ɓwapǝndǝa yinǝ amǝkwano ɗàngɗáng, pǝlǝa tsǝk bui amur koyan aɓalǝia ka, twalia wia ban rǝkwana kat.

Luka 4:41

Ɗǝm ngga akukwar puri rǝ aɓwana pas, à kǝ loasǝ gia ama, “A nda Muna mala Ɓakuli.” Yesu gimbia, eare ama ɓǝa na kǝ cau ɗang, acemǝnana à sǝlǝna ama yì ka, nda Kǝrǝsti Mǝ'amsǝban.

Amǝ Mishan 5:15

Nda gir mǝnana tsǝa, sǝ aɓwana pusǝ amǝkwano à nongsǝia a girǝi anjar aɓalǝ aleso andǝ akala, ace mǝnana ɓǝ̀ Bitǝrus nǝ̀ yia kuti ka, ɓǝ̀ yilǝmi ɓǝ̀ sulǝ amur aɓea aɓwana atea.