Matiu 8:14 - Maləmce Məfele mala Ɓakuli: Kurcau Məbəshe

¹⁴ Yesu wario a ɓala mala Bitǝrus. Yi kum nkil Bitǝrus mǝɓwame aban nongŋo nǝ kwano ɓauwa.

Matiu 8:14 ပူးပေါင်းရင်းမြစ်များ

Matiu 17:25

Bitǝrus earia wia ama, “E, kǝ mbwe.” Pǝlǝa kutio a ɓala nǝ̀ ngga ne Yesu ce. Malaká loasǝ kuni ɗang Yesu ak dǝmbǝa ɗi ama, “Sǝ we Shiman ka lang sǝ a sǝni? A bu a yana sǝ amurǝm ɓanza aki boalo-cemi? A bu amǝtala la le ko a bu abǝri?”

Matiu 8:15

Sǝ Yesu je a garabui, kara ɓauwa mali rǝì. Pǝlǝa lo pe Yesu girlina.

Matiu 8:20

Yesu ne wi ama, “Amǝ'nzǝgban ndanǝ atuli sǝ amuna-nyal mana à kǝ gya kuli ka à ndanǝ andea, sǝ Muna mala Ɓwa ka pànǝ ban mǝnana nǝ̀ nong kam ngga ɗang.”

1 Amǝ Korinti 9:5

Aɓea amǝ'mishan, andǝ amǝ'eam Mǝtalabangŋo andǝ Bitǝrus ka, à kǝ twal amālea atea aban kà turo. Sǝm ngga, pà sǝm nǝ̀ gandǝ pa kǝla yia re?

1 Timoti 3:2

Sǝ ɓwamǝgule mur ikǝlisiya ka, ɓǝ̀ duk do ɗwanyi cau a rǝǔ. Yì ka, nǝ̀ duk bura mɓwama mwashat, andǝ do bwalrǝu, andǝ kwaro aɓa ɗenyicau, sǝ ɓwa na mǝnana aɓwana kǝ pe wi gulo ka. Yì ka, nǝ̀ duk mǝ ak abǝri a ɓala male, sǝ nǝ̀ duk mǝsǝlǝ kanigir.

1 Timoti 4:3

À ndaka aɓwana mana à kǝ pǝrban arǝ doɓala andǝ lika aɓea agirlina, agirlina mǝnana Ɓakuli pusǝia ace aɓwana mana à surǝna rǝ mǝsǝcau, à pana ɓamuria abani ka, ɓǝa kǝ lia nǝ pak yàwá ka.

Amǝ Ibǝru 13:4

Ɓǝa aɓwana kat gusǝlǝ doɓala, sǝ wu dum nǝ mǝsǝcau a rǝarǝ wun aɓa doɓala, acemǝnana Ɓakuli nǝ pakki amǝ'nshawari ɓashi andǝ amǝ'nonggi nǝ aɓwana mana à pa doɓala andǝia raka.