Matiu 8:11 - Maləmce Məfele mala Ɓakuli: Kurcau Məbəshe

¹¹ Mǝ ndarǝ bangga wun, a ɓwana pas nǝ̀ purkio arǝ aban ɗàngɗáng a bum ɓanza à nǝ̀ yia do a Domurǝm mala kuli, à nǝ̀ lili andǝa Ibǝrayim, andǝ Ishaku, andǝ Yakupu.

Matiu 8:11 ပူးပေါင်းရင်းမြစ်များ

Matiu 21:41

Agbani pǝris andǝ aɓwana-mǝgule eari wi ama, “Nǝ̀ yia wal lú amǝ'rya amǝ'ɓealɓikea man, sǝ nǝ̀ ak ɓaban nǝ̀ pea amǝ'rya mǝnana à nǝ̀ pe wi ɓǝlanggun ɓaban ɓǝ̀ kunɓǝle karǝna ka.”

Matiu 24:31

Sǝ nǝ̀ tasǝ amǝturonjar male nǝ tunǝban gi njawe mǝgule, à nǝ̀ dapikia aɓwana male mǝnana à tarkia ka arǝ aban kat aɓa ɓanza.

Matiu 3:2

kǝ na ama, “Wu pwanzali wu pǝlǝ nzǝm wun arǝ acauɓikea ma'wun, ace mǝnana Domurǝm mala kuli gbashina.”

Matiu 8:10

Lang Yesu ok cau mǝnia ka, ce nî pe wi ndali. Sǝ pǝlǝa ne amǝkpate ama, “Ən nggǝ na wun mǝsǝcau, ǝn malaká kum kǝɓwa aɓa nzali Isǝrayila nǝ guliarǝu mǝgule kǝla man ɗang.

Luka 12:37

Ban nǝ̀ ɓoari amǝno yia amuna-ɓala ka, yì mǝnana ɓǝ̀ mǝtala-ɓala yiu yi kumia andǝ amǝsǝia ka. Ən nggǝ na wun ɓafo, nǝ̀ kur rǝì, nǝ̀ nea wia ɓǝa do, sǝ nǝ̀ pea wia girlina.

Luka 16:22

A masǝlǝate ka mǝtǝr man yi wú, amǝturonjar mala Ɓakuli yi twali à um nǝi aban Ibǝrayim. Mǝkume gbal ka wú pǝlǝa à tsǝkbani.

Amǝ Mishan 10:45

Amǝ Yahudi mǝnana amǝkwaɗi na, mana à yiu andǝ Bitǝrus nǝ Jopa ka, à ndali nǝ sulǝo mala Bangŋo Mǝfele amur aɓwana mana amǝ Yahudi na raka.

Amǝ Mishan 11:18

Lang à nǝ̀ o ana ka, à pànǝ kun nacau ɗǝm ɗang, kara à tita ɓwangsǝki Ɓakuli. À na ama, “Sǝm sǝnǝni ado, Ɓakuli pani aɓwana mǝnana amǝ Yahudi na raka gbal njargula mala pwanzali a mala pǝlǝ nzǝmia arǝ acauɓikea malea, ɓǝa kum yilǝmu!”

Amǝ Mishan 14:22

À camarǝ pe amǝkwaɗi rǝcandǝa, à kǝ kwarkiria ama, ɓǝa lidǝmbǝa nǝ paɓamuru malea. À kǝ kasǝ ɓalǝia nǝ mǝnia yì cau ka ama, “Dumǝna pup sǝm nǝ̀ nu tanni ɗàngɗáng, sǝ sǝm nǝ̀ kutio a Domurǝm mala Ɓakuli.”

Amǝ Mishan 14:27

Lang à bingŋǝna ka, pǝlǝa à rambǝa amǝkwaɗi abanɓwáná, sǝ à banggia wia agir mǝnana kat Ɓakuli pe nǝ ta buia, andǝ njar mala paɓamuru mǝnana Ɓakuli mǝnmbi aɓwana mana amǝ Yahudi na raka gbal.

1 Amǝ Korinti 15:20

Sǝ ɓafo ka, nda mǝnana ama, à loasǝna Kǝrǝsti a ɓembe nǝ yilǝmu. Lǝmndǝ ama yì nda mǝdǝmbǝa loapi ɓembe aɓalǝ aɓwana mǝnana à nongŋǝna ntulo mala lú, à nǝ̀ loasǝia nǝ yilǝmu ka.

1 Amǝ Korinti 6:9

Wu sǝlǝ mbak ama amǝ'ɓealɓikea pa nǝ̀ kutio a Domurǝm mala Ɓakuli ɗang? Wu kǝa swarki ɓamur rǝ wun ɗang! Aɓwana mǝnana à kǝ dukdo kiɗìkì mala nonggi nǝ rǝarǝu, ko à kǝ peri ata ankúl andǝ nongginǝ amālá aɓea andǝ abura aɓea ka, à pà nǝ̀ kuti a domurǝm mala Ɓakuli ɗang. Sǝ kǝɓwa pà kàm ata amǝ kìɗìkì mala nongginǝban, ko aburana a rǝarǝia, ko amamǝna gbal a rǝarǝia, mana à nǝ̀ kum kutio a domurǝm mala Ɓakuli ka ɗang.

Amǝ Afisu 3:6

Sǝ mǝnia ka, nda kànì mala Ɓakuli, mana sǝmbǝrǝ ce ɗiɗyal ka. Aɓwana mala acilia anzali andǝ amǝ Yahudi, mǝnana à ak Cau Amsǝban nǝ ɓabumia kat ka, à ndanǝ kāmbe mǝ'mwashati aɓa kum liɓala nǝ atsǝkbu mǝnana Ɓakuli pàcau ace aban amuna male kat ka. Yia kǝm ngga, abare nggūrǝu mǝ'mwashati na, sǝ yia kǝm, aɓa kpapi malea andǝa Kǝrǝsti Yesu ka, Ɓakuli nǝ̀ pea wia agir mǝnana bangŋa ama nǝ̀ pa ka.

Amǝ Kolosi 3:11

Aɓa mǝnia yì bǝsa yilǝmu ka, gakitacau pà kàm ɗǝm ɗang ama mǝnia ka ɓwa Yahudi na, sǝ mǝnia ka ɓwa ɓe nzali na, mǝnia ka kasǝ ɓate sǝ mǝnia ka kasǝ ɓate ɗang. Kǝ cau pà kàm ɗǝm ama mǝnia ka surǝgir ɗang, ko mǝnia ka ɓwa kunɗangna na, ko man ngga guro na, ko mǝno ka ndanǝ do ɓamuri ka ɗang. Kǝrǝsti ka nda ko mana le ka, sǝ nda mǝnana do a ɓabum sǝm kat ka.

2 Amǝ Tasalonika 1:5

Amǝnia ka à lǝmndǝ ama Ɓakuli kǝ pak ɓashi male nǝ mǝsǝcau, sǝ a masǝlǝate ka nǝ̀ tsǝk wun wu nǝ̀ duk aɓwana mǝnana à karǝna à nǝ̀ kutia Domurǝm male mǝnana wu kǝ nu tanni ace ka.

Sǝna 7:6

Aɓa tau mala Asha ka aɓwana á-lum-nong-ɓari na. Aɓa tau mala Naftali ka aɓwana á-lum-nong-ɓari na. Aɓa tau mala Manasa ka aɓwana á-lum-nong-ɓari na.