Matiu 8:10 - Maləmce Məfele mala Ɓakuli: Kurcau Məbəshe

¹⁰ Lang Yesu ok cau mǝnia ka, ce nî pe wi ndali. Sǝ pǝlǝa ne amǝkpate ama, “Ən nggǝ na wun mǝsǝcau, ǝn malaká kum kǝɓwa aɓa nzali Isǝrayila nǝ guliarǝu mǝgule kǝla man ɗang.

Matiu 8:10 ပူးပေါင်းရင်းမြစ်များ

Matiu 15:28

Yesu pǝlǝa ne wi ama, “Mɓwama, paɓamuru mo ka nggea mǝgule na! Zǝmbǝa mo ka à ongŋǝni.” Kara àkǝ̀ banì rǝ muni mala.

Matiu 8:11

Mǝ ndarǝ bangga wun, a ɓwana pas nǝ̀ purkio arǝ aban ɗàngɗáng a bum ɓanza à nǝ̀ yia do a Domurǝm mala kuli, à nǝ̀ lili andǝa Ibǝrayim, andǝ Ishaku, andǝ Yakupu.

Matiu 8:9

Nggearǝ mim ngga mǝ nda aɓata ɓeɓwa sǝ mǝ ndanǝ asoje a ɓatam. Kani ɓǝ̀ ǝn ne mǝnia ama, ‘Kyane’ ka, nǝ̀ ká; sǝ ɓǝ̀ ǝn ne mǝno ama, ‘Yiu’ ka, nǝ̀ yiu. Ɓǝ̀ ǝn ne guro mem ama, ‘Pak ani’ ka, nǝ̀ pa.”

Markus 6:6

Ndali kǝrkǝr nǝ ɗwanyi pa ɓamuru malea abani. Pǝlǝa kutio arǝ amuna-là kǝ kanigir kam.

Luka 5:20

Lang Yesu sǝn guliarǝu malea ka, pǝlǝa ne mǝkwano ama, “Ɓiam, à twalǝno ban acauɓikea mo.”

Luka 7:50

Pǝlǝa Yesu ne mɓwama mǝno ama, “Paɓamuru mo amsǝno; o ata dorǝpwala mo.”

Luka 7:9

Lang Yesu ok man yì cau ka, ndali kǝrkǝr, pǝlǝ rǝì aban ɓwabunda mǝnana à kǝ yiu ate ka, nea wia ama, “Ən nggǝ na wun, ǝn malaká kum guliarǝu mǝgule ulang man aɓa nzali Isǝrayila ɗang!”

Amǝ Mishan 2:7

Gir nî pea wia ndali sǝ dupia wia gir-gyambǝliban kǝrkǝr, sǝ à kǝ na ama: Amǝnia yì aɓwana kat ka, amǝ Galili na re?