Matiu 7:7 - Maləmce Məfele mala Ɓakuli: Kurcau Məbəshe

⁷ Wu zǝmbǝa aban Ɓakuli, nǝ̀ pa wun; wu alte a bu Ɓakuli, wu nǝ̀ kumo; wu wali Ɓakuli kunkurǝm, nǝ̀ mǝnba wun.

Matiu 7:7 ပူးပေါင်းရင်းမြစ်များ

Matiu 18:19

Sǝ ǝn nggǝ na wun mǝsǝcau ama, ɓǝ̀ aɓwana ɓari ata wun akani a ɓanza à nǝ̀ eare amur koya gir mǝnana wu nǝ̀ zǝm ngga, Tárram mǝnana a kuli ka nǝ̀ pakka wuni.

Matiu 21:22

Gir mǝnana kat wu zǝmbǝa aɓa hiwi nǝ paɓamuru ka, wu nǝ̀ kumi.”

Matiu 6:33

Wu tsǝk alta Domurǝm mala Ɓakuli andǝ pakki agir mǝnana earkiyice ka a dǝmbǝa, sǝ amǝnia yì agir kat ka à nǝ̀ pa wun nia.

Matiu 7:11

Kat andǝ ɓealɓikea ma'wun ngga wu sǝlǝ pe amuna ma'wun aɓoro mǝɓoarne, sǝ nǝ Tár wun mǝnana a kuli ka? Ndanǝ ɓabum mana ɓoaro kutibanì ka nǝ̀ pe aɓwana mǝnana à zǝmbǝi wi ka, agir mǝɓoarne!

Matiu 7:8

Ɓwa mǝnana kat zǝm ngga à nǝ̀ pe wi; ɓwa mǝnana alte ka nǝ̀ kumo; sǝ ɓwa mǝnana wal kunkurǝm ngga, à nǝ̀ mǝnmbi wi.

Markus 11:24

Ace mani ka ǝn nggǝ bangga wun, ɓǝ̀ mana wu zǝmbǝa aɓa hiwi ka, wu ear ama wu kumǝni. Anggo ka sǝ nǝ̀ duk ma'wun.

Luka 13:25

Sǝ ɓǝ̀ mǝtala-ɓala longŋǝna sǝ girǝna kunɓala ka, wu nǝ̀ cam nǝ nza sǝ wu nǝ̀ nggǝ walki kunɓala aban zǝmbǝa ama, “Ɓwamǝgule, mǝnba sǝm kunɓala!” Sǝ yì ka, nǝ̀ eare ama, “Ən surǝ wun ɗang, sǝ ǝn surǝ ban mǝnana wu pur kam ngga ɗang!”

Luka 18:1

Yesu ne alaggana male ɓe kǝ kanicau mǝnana nǝ̀ lǝmndǝ ama yia ka ɓǝa kǝ pak hiwi cala rǝia wuki ɗang.

Yohana 15:16

Wun nǝ̀ taram ɗang, mǝ nǝ̀ tár wun, sǝ ǝn pa wun turo nǝma wu kya pâ ɓǝla wun, ulang ɓǝle mǝnana pà nǝ̀ kiɗiki raka. Anggo ka sǝ Tárram nǝ̀ pa wun gir mǝnana kat wu zǝmbǝi wi aɓa lullǝam ngga.

Yohana 15:7

Sǝ ɓǝ̀ wu do a ɓalǝam, sǝ cau mem do aɓalǝ wun ngga, wu zǝmbǝi Ɓakuli gir mǝnana kat wu earkiyice ka, sǝ nǝ̀ pa wun gir nî.

Yohana 4:10

Yesu eari wi ama, “Ɓǝ̀ a surǝna rǝ ɓoro mǝnana Ɓakuli ndanǝi aceo, andǝ ɓwa mǝnana zǝmnggiyio mùr nuna ka, ɓǝ a zǝmni wi mùr mǝnana pākiyi yilǝmu ka, sǝ yì ka, nǝ̀ po.”

Amǝ Roma 2:7

Aɓwana mǝnana à lidǝmbǝa nǝ pe mǝɓoarne sǝ à kǝ alta ɓoarɓwa, andǝ gulo, andǝ do api-lú nǝban Ɓakuli ka, Ɓakuli nǝ̀ pea wia yilǝmu mǝnana málá male pà kàm raka.

Amǝ Roma 3:11

Kǝɓwa pà kàm nǝ́ sǝlǝe ɗang, kǝɓwa pà kàm mwashat kǝ alta Ɓakuli ɗang.

Amǝ Ibǝru 11:6

Ɓǝ̀ paɓamuru pà kàm raka, kǝɓwa pà nǝ̀ gandǝ pwasǝ bum Ɓakuli ɗang, acemǝnana ɓwa mana nǝ̀ yiu abani ka, she nǝ̀ ear ama yì ka, ndakam, sǝ nda mǝnana kǝ pa tangnakusǝ aɓwana mǝnana à kǝ alte ka.

Jemis 5:15

Sǝ hiwi mǝnana à pe nǝ ɓabum mwashat ka, nǝ̀ amsǝ mǝrǝkwana ɓǝ̀ nggūrǝi ɓǝ̀ pwalo. Mǝtalabangŋo ka nǝ̀ loasǝi aɓa rǝpina male, sǝ ɓǝ̀ pak cauɓikea ka à nǝ̀ twali wi banì.

1 Yohana 3:22

Sǝ gir mǝnana kat sǝm zǝm abani ka nǝ̀ pa sǝmi, acemǝnana sǝm nggǝ kpata anzongcau male, sǝ sǝm nggǝ pak gir mǝnana pwasǝ bumi ka.