Matiu 7:21 - Maləmce Məfele mala Ɓakuli: Kurcau Məbəshe

²¹ Aɓwana na kat mǝnana à kǝ tunǝam ama, “Mǝtalabangŋo, Mǝtalabangŋo” ka, sǝ à nǝ̀ kutio a Domurǝm mala kuli ka ɗang, she ɓwa mǝnana kǝ pak gir mana Tárram mana a kuli ka earkiyice ka.

Matiu 7:21 ပူးပေါင်းရင်းမြစ်များ

Matiu 12:50

Ɓwa mǝnana kat kǝ pak gir mǝnana Tárram mana a kuli ka earkiyice ka nda mǝ'eambǝam, andǝ mǝ'nggaulem, andǝ nggem.”

Matiu 16:17

Yesu ne wi ama: Tsǝkbu na muro, we Shiman muna mala Yunana, acemǝnana sure mala ɓwapǝndǝa na lǝmndǝo mǝnia yì gir ka ɗang. Tárram mǝnana a kuli ka nda.

Matiu 18:10

Wu tsǝk kir wun, wu kǝa burice mwashat ata amuna mǝkeke mǝnia ka ɗang. Ən nggǝ na wun mǝsǝcau amǝturonjar malea a koya pwari ka à nda a ɓadǝm Tárram mǝnana a kuli ka.

Matiu 18:19

Sǝ ǝn nggǝ na wun mǝsǝcau ama, ɓǝ̀ aɓwana ɓari ata wun akani a ɓanza à nǝ̀ eare amur koya gir mǝnana wu nǝ̀ zǝm ngga, Tárram mǝnana a kuli ka nǝ̀ pakka wuni.

Matiu 18:3

Sǝ na ama: Mǝsǝcau, ǝn nggǝ bangga wun, ɓǝ̀ wu nggaɗya wu do kǝla amuna mǝkeke raka, pa wu nǝ̀ kuti a Domurǝm mala kuli ɗang.

Matiu 18:35

Anggo gbal sǝ Tárram mǝnana a kuli ka nǝ̀ pang nǝ ko yana ka aɓalǝ wun, yi mǝnana ɓǝ̀ wu twali amǝ'eam wun ban acauɓikea malea nǝ ɓabum wun mwashat raka.

Matiu 19:24

Ən nggǝ bangga wun ɗǝm, pa ɓamuru mala mǝkume aɓata yalmuru mala Ɓakuli ka, kwano kuti kutio mala kalakadambi a tūli nlerǝman.”

Matiu 25:10

Lang à nda njar aban ká kur muru ka, bura-manfela yi tusǝo. Ansarina mana à do aɓa gilǝrǝu ka à kutio ata bura-manfela aban li girlina isǝban. Pǝlǝa à gir kunɓala.

Matiu 25:21

Ɓwamǝgule male ne wi ama, “À pangŋǝna pepe, a nda mǝturo-ɓala mǝɓoarne andǝ mǝ'mǝsǝcau nì! A lǝmndǝ mǝsǝcau arǝ agir bǝti. Mǝ nǝ nyinggo agir pas a buo. Yiu li banɓoarnado mala mǝtala-ɓala mo!”

Matiu 26:39

Tùr a dǝmbǝa bǝti ka, kya kumsǝ nǝ ɓamǝsǝi a nzali, pak hiwi ama, “Dâ, ɓǝ̀ a wu nǝ ear ka, twalam mǝnia yì tanni ka. Sǝa ma mani ka gir mǝnana bumo kànì ka nda, mem na ɗang.”

Matiu 26:42

Nyar ɗǝm o kya pak ɓaria hiwi ama, “Dâ, ɓǝ̀ mǝnia yì tanni ka a pà nǝ́ twalami raka, she ɓǝ̀ ǝn nuni ka, kànì mo ɓǝ̀ pa.”

Markus 3:35

Ɓwa mǝnana kat kǝ pak kàne mala Ɓakuli ka, nda mǝ'eambǝam, sǝ nggem.”

Markus 9:47

Sǝ ɓǝ̀ mǝsǝo na kǝ cio a kǝ pak cauɓikea, pusǝì turi! Nǝ̀ ɓoaribani wu kutio a domurǝm mala Ɓakuli nǝ mǝsǝu mwashat, amur mana a nǝ dum nǝ amǝsǝu ɓari sǝ à nǝ̀ turo aɓa lú-bǝsa ka.

Luka 11:28

Yesu pa eare ama, “E, ɓafo, sǝa ma, tsǝkbu pwala mala Ɓakuli ka nda amur aɓwana mǝnana à kǝ ok cau male, sǝ à kǝ kpate ka!”

Luka 13:25

Sǝ ɓǝ̀ mǝtala-ɓala longŋǝna sǝ girǝna kunɓala ka, wu nǝ̀ cam nǝ nza sǝ wu nǝ̀ nggǝ walki kunɓala aban zǝmbǝa ama, “Ɓwamǝgule, mǝnba sǝm kunɓala!” Sǝ yì ka, nǝ̀ eare ama, “Ən surǝ wun ɗang, sǝ ǝn surǝ ban mǝnana wu pur kam ngga ɗang!”

Luka 18:25

Ɓafo ka, kutio mala mǝgǝna a Domurǝm mala Ɓakuli ka kwano kuti kutio mala kalakadambi a tǝta nlerǝman.”

Luka 6:46

Ace mana sǝ wu kǝ tunǝam ama, “Mǝtalabangŋo, Mǝtalabangŋo,” sǝ wu kǝ pak gir mǝnana ǝn bangga wun ngga ɗang?

Yohana 14:7

Ɓǝ̀ wu surǝna rǝam ngga, wu surǝna rǝ Tárram. Sǝ twal ado aban ká a dǝmbǝa ka wu surǝna rǝì, sǝ wu sǝnǝ nǝi.”

Yohana 15:23

Ɓwa mǝnana kat ɓinǝ mǝsǝam ngga, ɓinǝna mǝsǝ Tárram gbal.

Yohana 3:5

Yesu ne wi ama, “Mǝ nda ban no mǝsǝcau, kǝɓwa pà nǝ̀ kuti aɓa domurǝm mala Ɓakuli ɗang, she ɓǝà ɓǝlǝni nǝ mur andǝ Bangŋo mala Ɓakuli ka.

Yohana 5:17

Yesu banggia wia ama, “Ko aya pwari ka Tárram na mur turo, ace mani ka dumǝna púp ama, mim gbal ka mǝ nǝ pak turo.”

Yohana 6:40

Gir mǝnana Tárram earkiyice ka, nda mǝnana ama ɓwa mana kat sǝn Muni sǝ paɓamuri abani ka, ɓǝ̀ kum yilǝmu mǝnana málá male pà kàm raka, sǝ mim gbal ka mǝ nǝ loasǝi nǝ yilǝmu a masǝlǝata apwari.”

Yohana 7:17

Ɓwa mǝnana kat earǝna ama nǝ̀ pak gir mǝnana Ɓakuli earkiyi ce ka, nǝ̀ sǝlǝa ko kanigir mem ngga pur nǝ ban Ɓakuli, ko mala ɓamuram na ǝn nggǝ na ka.

Amǝ Mishan 14:22

À camarǝ pe amǝkwaɗi rǝcandǝa, à kǝ kwarkiria ama, ɓǝa lidǝmbǝa nǝ paɓamuru malea. À kǝ kasǝ ɓalǝia nǝ mǝnia yì cau ka ama, “Dumǝna pup sǝm nǝ̀ nu tanni ɗàngɗáng, sǝ sǝm nǝ̀ kutio a Domurǝm mala Ɓakuli.”

Amǝ Roma 12:2

Wu kǝa kpata ɓealǝu andǝ kuncau mala mǝnia yì ɓanza ka ɗang. Wu ɗeki Ɓakuli ɓǝ̀ nggaɗi wun nǝ tsǝk ɗenyicau ma'wun ɓǝ̀ duk bǝshe. Anggo sǝ wu nǝ̀ gandǝ surǝ nê mala Ɓakuli, mǝnana mǝɓoarne na, andǝ mǝnana nǝ̀ duk gir-á abani, sǝ nda pepè ka.

Amǝ Roma 2:13

Sǝ pa ace ok Nggurcau nǝmurǝì sǝ ɓwa nǝ̀ duk mǝɓoarne aban Ɓakuli ɗang, nda a tarǝia andǝ pak agir mǝnana Nggurcau bang ngga.

Amǝ Afisu 6:6

Wu kǝ pwasǝ bumia a koya pwari ka, wu kǝa wu pe acemǝnana mǝsǝia na arǝ wun ngga ɗang. Wu kǝ pe acemǝnana wu ndaka aguro mala Kǝrǝsti, wun mǝnana wu kǝ pwasǝ bum Ɓakuli nǝ pakki wi turo nǝ ɓabum wun ngga.

Amǝ Kolosi 4:12

Abafǝras, mǝnana ɓi'wun na aɓa dotarǝu mala amǝ'eamrǝarǝu akana aban wun, sǝ ɗǝm ngga guro mala Kǝrǝsti Yesu na ka, kǝ makka wun kun. Ko aya pwari ka kǝ pak hiwi ace wun nǝ mǝsǝcau, kǝ zǝmbǝi Ɓakuli ɓǝ̀ pa wun rǝcandǝa, sǝ ɓǝ̀ wu lumsǝ nǝ mǝsǝ'kang'kangŋa, mǝnana wu nǝ̀ nggǝ kpata kani mala Ɓakuli kat ka.

1 Amǝ Tasalonika 4:3

Mǝnia ka nda kani mala Ɓakuli aban wun, ama ɓǝ̀ wu tàr ɓamur rǝ wun aɓa do aceì, wu ɓanggi ɓealǝu mala kìɗìkì mala nongginǝ rǝarǝu.

1 Amǝ Tasalonika 5:18

wu dumnǝ ɓabum yàwá aɓa ko man ngga; mǝnia ka nda kani mala Ɓakuli aban wun mǝnana wu ndaka mala Kǝrǝsti Yesu ka.

Titus 1:16

Amǝnia yia aɓwana ka, à kǝ bang nǝ mburkunia ama à surǝ Ɓakuli, sǝ pakkiagir malea ka lǝmndǝ ama à surǝ Ɓakuli ɗang. Aɓwana na à nǝ̀ ɓinǝia, amǝ ɗwanyi okiru na, à kārǝa à nǝ̀ pak kǝgir mǝɓoarne ɗang.

Amǝ Ibǝru 4:6

Njar nakam piu mǝnana aɓea ɓwana nǝ̀ kum kutio aɓa mǝno yì usǝlǝo ka, sǝ aɓwana mǝnana à ok Cau Amsǝban mǝnana à hamnǝi a nggea dǝmbe ka, à kutio ɗang ace mgbikiru malea.

Jemis 1:22

Wu duk aɓwana mǝnana à kǝ ok cau sǝ à kǝ ci aɓa turo ka, wu kǝa duk amǝ oe nǝ kiru nǝmurǝì ɗang. Mǝno ka wu nda ban swarki ɓamur rǝ wun. Wu pak gir mǝnana ceì bang ngga.

1 Bitǝrus 2:15

Ɓakuli ka, kane male na ama nǝ́ pakki aturo cauɓoarna ma'wun ngga, ɓǝ̀ wu gir kun amǝ'ɗwanyi-sǝle arǝ nakia acau mǝɓane.

1 Bitǝrus 4:2

Twal ado ka, cili do yilǝmu male a ɓanza ka pà nǝ̀ duk mala ɓangŋa ata anpel mala nggūrǝu ɗǝm ɗang. Nǝ̀ dukdo mala lumsǝ kani mala Ɓakuli.

Sǝna 2:27

“Nǝ̀ yalia nǝ gara bolo; sǝ aɓwana mǝnana à ɓinǝcau ka, nǝ̀ arkia, nǝ̀ mesǝkia mwashat-mwashat kǝla mgbakkǝra nkenye.”

Sǝna 22:14

Aɓwana mǝnana à kǝ lákkí anggea-daura malea, à do aɓa ɓoarnsari mala ɓabum ngga, à ndanǝ tsǝkbu. Ɓakuli nǝ̀ nyinggia wia ban arǝ kunɓala ɓǝa kutio aɓa yì nggeala sǝ ɓǝa li ɓǝlanggun mala nggun yilǝmu.

Sǝna 3:5

Ɓwa mǝnana limurǝm ngga mǝ nǝ oasǝi wi daura pwasǝa a rǝì kǝla mǝno, sǝ pà mǝ nǝ kasǝ lullǝi ɗang aɓa Malǝmce Yilǝmu. Mǝ nǝ bang ce a ɓadǝm Tárram andǝ amǝturonjar male ama yì ka, mem na.