Matiu 7:11 - Maləmce Məfele mala Ɓakuli: Kurcau Məbəshe

¹¹ Kat andǝ ɓealɓikea ma'wun ngga wu sǝlǝ pe amuna ma'wun aɓoro mǝɓoarne, sǝ nǝ Tár wun mǝnana a kuli ka? Ndanǝ ɓabum mana ɓoaro kutibanì ka nǝ̀ pe aɓwana mǝnana à zǝmbǝi wi ka, agir mǝɓoarne!

Matiu 7:11 ပူးပေါင်းရင်းမြစ်များ

Matiu 23:9

Sǝ wu kǝa tunǝ kǝɓwa akani a ɓanza ama “Tarrú” ɗang, acemǝnana kǝ Tar wun na mwashat ɓǝrɓǝr a kuli.

Matiu 7:10

Ko ɓǝ̀ zǝmbǝi nji ka, nǝ̀ pe wi n'yau ka?

Yohana 3:16

“Ɓakuli ka earce ɓanza kǝrkǝr, sǝ yi pâ kǝ̀ Muna male mwashat ace mǝnana ɓwa mana kat pà ɓamuri abani ka ɓǝ̀ kǝa kiɗiki ɓǝ̀ ueɓà ɗang, ɓǝ̀ kum yilǝmu mǝnana málá male pà kàm raka.

Amǝ Roma 3:19

Sǝm sǝlǝna ama gir mǝnana kat Nggurcau na ka, nda aban ne aɓwana mǝnana à nda aɓata Nggurcau ka, ace mǝnana ɓǝ̀ ɓwa ɓǝ̀ kǝa kum kún nacau ɗang, sǝ ɓanza kat ka à nǝ̀ yinǝi a ɓadǝm ɓashi mala Ɓakuli.

Amǝ Roma 3:9

Sǝm amǝ Yahudi ado ka, sǝm nǝ̀ ne ɓamur rǝ sǝm ama sǝm kuti acili aɓwana le? Awo, sǝm kutia ɗang ko bǝti! Acemǝnana sǝm angŋǝna dǝmbǝa sǝm lǝmndǝna ama ɓwapǝndǝa kat, amǝ Yahudi andǝ aɓwana mǝnana amǝ Yahudi na raka, à nda aɓata rǝcandǝa mala cauɓikea.

Amǝ Roma 8:32

Ɓakuli ka girban nǝ Muni ɗang, pa Muni ace sǝm kat! Sǝ ɓǝ̀ pa Muni ace sǝm ngga, pà nǝ̀ gandǝ pa sǝm ɓoro nǝ agir gbal kat re?

Amǝ Galati 3:22

Sǝ Malǝmce ka, bangŋa ama sǝm kat ka, sǝm nda aɓata kùrban mala cauɓikea. Kǝ njargula mǝnana sǝm nǝ̀ kum panzǝban nǝi, mǝnana Ɓakuli pacau ace ka, nda mǝnana ama ɓǝ̀ sǝm pa ɓamur sǝm aban Yesu Kǝrǝsti ka.

Jemis 1:17

Koya ɓoro mǝɓoarne, mǝɓafoe ka, sulǝ nǝ kuli, nǝban Ɓakuli Tarrû mǝnana pak atalaban ngga, mǝnana ɓǝ̀ pǝlǝa aya bui ka kǝ nggaɗi ɗang sǝ kǝ tur pǝndǝa raka.

1 Yohana 3:1

Wu sǝn ulang earcearǝu mǝnana Tár sǝm nani arǝ sǝm, mǝnana à nǝ̀ tunǝ sǝm ama, amuna mala Ɓakuli ka! Sǝ anggo sǝ sǝm pa! Sǝ aɓwana mǝnana amǝ ɓanza na ka, à pànǝ sǝlǝ ama sǝm ndaka muna mala Ɓakuli ɗang, acemǝnana à surǝì ɗang.

1 Yohana 4:10

Mǝnia ka, nda nggearǝ earcearǝu: Sǝm nda mǝnana sǝm earce Ɓakuli ka ɗang, yì nǝ̀ earce sǝm, sǝ tur Muni ɓǝ̀ yi duk gir'nkila ace twal acauɓikea ma'sǝm.