Matiu 6:9 - Maləmce Məfele mala Ɓakuli: Kurcau Məbəshe

⁹ Ani ka, sǝ wu nǝ̀ pak hiwi: “We Tár sǝm mǝnana a kuli ka, ɓǝ̀ lùllǝo kum gulo.

Matiu 6:9 ပူးပေါင်းရင်းမြစ်များ

Matiu 10:29

Amuna-nyal ɓari ka à kǝ mea kwapo mwashat re? Sǝ anggo ka kǝ ɓe pà kàm mwashat nǝ̀ kpa a nzali nǝ̀ wú sǝ pà nǝ́ sǝlǝe mala Tár wun raka.

Matiu 23:9

Sǝ wu kǝa tunǝ kǝɓwa akani a ɓanza ama “Tarrú” ɗang, acemǝnana kǝ Tar wun na mwashat ɓǝrɓǝr a kuli.

Matiu 26:29

Ən nggǝ bangga wun, pa mǝ nǝ nu mǝnia yì mur ɓǝlanggun anap ka ɗǝm ɗang she a mǝno yì pwari mǝnana mǝ nǝ nui bǝshe sǝnǝa wun a Domurǝm mala Tárram ka.”

Matiu 26:42

Nyar ɗǝm o kya pak ɓaria hiwi ama, “Dâ, ɓǝ̀ mǝnia yì tanni ka a pà nǝ́ twalami raka, she ɓǝ̀ ǝn nuni ka, kànì mo ɓǝ̀ pa.”

Matiu 5:16

Anggo sǝ wu nǝ̀ nying tǎlaban ma'wun ɓǝ ta a ɓadǝmbǝ aɓwana ace mǝnana ɓǝa sǝn aturo ɓoarna ma'wun, sǝ ɓǝa gusǝlǝ Tar wun mana a kuli ka.

Matiu 5:48

Ace mǝno ka wu lumsǝ nǝ cauɓoarna kǝla mǝnana Tar wun mana a kuli ka lumsǝ nǝ cauɓoarna ka.

Matiu 6:14

Ɓǝ̀ wu twali aɓwana ban acauɓikea mana à kǝ pakka wun ngga, Tár wun mǝnana a kuli ka nǝ̀ twala wun banì gbal.

Matiu 6:6

Sǝ we ka, ɓǝ̀ a wu nǝ pak hiwi ka, kuti a ndà mo, gir kun-nda sǝ pak hiwi aban Tarró mǝnana à sǝnggiyi raka. Sǝ Tarró mana kǝ sǝn gir mǝnana a kǝ pe aɓa sǝmbǝrǝa ka, nǝ̀ po tangnakusǝo.

Matiu 7:11

Kat andǝ ɓealɓikea ma'wun ngga wu sǝlǝ pe amuna ma'wun aɓoro mǝɓoarne, sǝ nǝ Tár wun mǝnana a kuli ka? Ndanǝ ɓabum mana ɓoaro kutibanì ka nǝ̀ pe aɓwana mǝnana à zǝmbǝi wi ka, agir mǝɓoarne!

Luka 15:18

Mǝ nǝ nyare, mǝ nǝ o aban tárram, mǝ nǝ ne wi ama, ‘Dâ, ǝn pangŋǝni Ɓakuli cauɓikea sǝ ǝn pangŋǝno cauɓikea.

Luka 15:21

Muni ne wi ama, “Dâ, ǝn pangŋǝni Ɓakuli cauɓikea, sǝ ǝn pangŋǝno. Ən kārǝa ɓǝa tunǝam ama munio ɗǝm ɗang.”

Luka 2:14

“Nokiban aban Ɓakuli akano a kuli, sǝ a ɓanza ka dorǝpwala aban aɓwana mǝnana à kǝ pwasǝ ɓabumi ka!”

Yohana 20:17

Yesu ne wi ama, “Ce a kúr a rǝam ɗang, acemǝnana ǝn malaká nyar aban Tárram a kuli peatu ɗang. Ado ka, kyane aban amǝ'eambǝam, alaggana mem, kya banggia wia ama, Mǝ ndo mǝ nǝ nyare aban Tárram, mǝnana nda Tárria ka, aban Ɓakuli mem, mǝnana nda Ɓakuli malea ka.”

Amǝ Roma 1:7

Ən nggǝ gilǝa wun, wun kat a Roma, mǝnana Ɓakuli earce wun sǝ tunǝ wun ɓǝ̀ wu duk amale ka. Ɓǝ̀ Ɓakuli Tar sǝm andǝ Mǝtalabangŋo Yesu Kǝrǝsti, pa wun ɓwamuru andǝ dorǝpwala.

Amǝ Roma 8:15

Bangŋo mǝnana à pa wun ngga, nda mǝnana nǝ̀ tsǝk wun a guro aban ká do ɓangciu ɗǝm ngga ɗang. Bangŋo mala pǝlǝ wun ɓǝ̀ wu duk amuna mala Ɓakuli na. Sǝ nǝ́ rǝcandǝa mala Bangŋo ka, ko yan ata sǝm ngga nǝ̀ ɓua aban Ɓakuli, nǝ̀ tunǝi ama, “Dâ!”

Amǝ Galati 1:1

Mǝnia yì cautera ka, pur a banam, mim Bulǝs mǝ'mishan. Twalban mem a turo mishan ngga pur nǝban ɓwapǝndǝa ɗang, pur nǝ bu Yesu Kǝrǝsti andǝ Ɓakuli Tarrû, mana loasǝi yì Kǝrǝsti a ɓembe ka.

Amǝ Galati 4:6

Sǝ acemǝnana sǝm nda ka amuni ka, Ɓakuli tasǝ Bangŋo mala Muni a ɓabum sǝm, mǝnana kǝ tsǝk sǝm, sǝm nggǝ tunǝi ama, “Dâ, Tárram.”

1 Timoti 6:16

Kǝ yì mwashat, nda mǝnana pà nǝ̀ wu raka, sǝ ban-do male ka, nda aɓa tǎlaban mǝcande mana kǝɓwa pà nǝ̀ gandǝ sungŋo abani raka. Kǝ mǝsǝu malaká sǝni ɗang, sǝ kǝ ɓe pà kàm nǝ̀ sǝni ɗang. Abani kat, sǝ gulo andǝ rǝcandǝa mǝnana málá male pà kàm raka, pa! Amin.

1 Bitǝrus 1:17

Wu ɗenyi ama, Tárru mǝnana a kuli, wu pakkiyi hiwi abani ka, kǝ lǝmndǝ tarban ɗang. Yì ka, nǝ̀ kasǝi ɓwa ɓashi, ko nǝ̀ pe wi tangnakusǝi mǝnana karǝ arǝ gir mǝnana pè ka. Ace mani ka, wu masǝlǝ do yilǝmu ma'wun kǝla abǝri akani a ɓanza, nǝ ɓanggi Ɓakuli.

Sǝna 4:11

“A karǝna, We Mǝtalabangŋo Ɓakuli ma'sǝm. A karǝna ɓǝa ɓwangsǝo, ɓǝa po gulo, sǝ wu ak rǝcandǝa. Acemǝnana a nda mana a pusǝ agir kat ka. Kani mala ɓabumo na sǝ a pusǝia, sǝ do malea gbal ka, kani mala ɓabumo na.”

Sǝna 5:12

À loasǝ gia a kuli à tu'nggyal ama: “Mǝgam mǝnana à pwanmeali ka, karǝna ɓǝ̀ ak garamurǝm, andǝ kume, andǝ sǝlǝe, andǝ rǝcandǝa, andǝ gusǝlǝban, andǝ ɓoarɓwa, andǝ ɓwangsǝban!”