Matiu 6:5 - Maləmce Məfele mala Ɓakuli: Kurcau Məbəshe

⁵ Ɓǝ̀ wu nǝ̀ pak hiwi ka, wu kǝa pe a pě mala amǝ'kunɓarina ɗang, mǝnana à kǝ earce camnggi aɓalǝ andakpapi andǝ agauwata anjarɓala sǝ à nǝ̀ pak hiwi, ace mǝnana ɓǝ̀ aɓwana sǝnia ka. Ən nggǝ bangga wun mǝsǝcau à angŋǝna dǝmbǝa à kumǝna tangnakusǝia.

Matiu 6:5 ပူးပေါင်းရင်းမြစ်များ

Matiu 21:22

Gir mǝnana kat wu zǝmbǝa aɓa hiwi nǝ paɓamuru ka, wu nǝ̀ kumi.”

Matiu 23:13

Caukwanban nǝ wun amǝ Farisi andǝ amǝkani Nggurcau mala Musa, wun amǝ'kunɓarina! Wu gir kun njar kutio a Domurǝm mala kuli arǝ aɓwana. Wun nǝ ɓamur rǝ wun ngga wu kuti ɗang, sǝ aɓwana mǝnana à earce ama à nǝ̀ kuti ka wu earia wia ɗang.

Matiu 23:5

Ko man à kǝ pak le ka à kǝ lǝmndǝki ɓǝ̀ aɓwana sǝni. Pak ka amuna-luru malea mala tsǝk amǝ'mbu-malǝmce mala cau mala Ɓakuli ka à kǝ pea ɓǝa tanggî mala acili aɓwana sǝ à nǝ̀ kurkia a kundǝmbǝia andǝ amelbuia. Ankonggur kun adaura malea ka amǝsake na.

Matiu 23:6

Ɓǝ̀ aɓwana rambǝa aban pakiɗire ka à kǝ earce ɓǝa pea wia aban-do mǝɓoarne. Ɓǝ̀ nda aɓa Ndakpapi ka, à earce abuno mǝnana à tsǝia ace aɓwana-mǝgule ka.

Matiu 6:1

Wu tsǝk kir wun, wu kǝa pakki aturo-ɓoarna ma'wun a ɓamǝsǝ aɓwana ace mǝnana ɓǝa sǝn wun ngga ɗang. Ɓǝ̀ wu kǝ pa anggo ka, pa wu nǝ̀ kum ɓe kǝ tangnakusǝu aban Tár wun mana a kuli ka ɗang.

Matiu 6:16

Ɓǝ̀ a nǝ gilmur ka, ce a kur ɓamǝsǝo kǝla pé mala amǝ'kunɓarina ɗang. Pak ka à kǝ kiɗiki ɓamǝsǝia ace mǝnana ɓǝa lǝmndǝì aɓwana ama à ndarǝ gilmur ka. Ən nggǝ na wun mǝsǝcau à angŋa dǝmbǝa à kumǝna tangnakusǝia.

Matiu 6:2

Ɓǝ̀ wu nǝ̀ pe amǝtǝle ɓoro ka, wu kǝa ham nǝ ce, kǝla pě mala amǝ'kunɓarina aɓalǝ andakpapi mala amǝ Yahudi andǝ mur anjarɓala ka ɗang. À kǝ pa anggo ace mǝnana ɓǝ̀ aɓwana sǝn aturo-ɓoarna malea ɓǝa ɓwangsǝia. Ən nggǝ bangga wun mǝsǝcau, à angŋǝna tangnakusǝia cikcik.

Matiu 9:38

Wu zǝmbǝi Mǝtala-ɓaban ɓǝ̀ tasǝ amǝturo ɓǝa yiu a ɓaban male.”

Markus 11:25

“Ɓǝ̀ wu came aban pak hiwi, sǝ wu ndanǝ kǝgir a bum wun arǝ kǝɓwa ka, wu twalbani, ace mǝnana Tar wun mǝnana a kuli ka ɓǝ̀ twala wun ban acauɓikea ma'wun.

Markus 12:38

Yesu aɓa kanigir male ka, nea wia ama: Wu parkir wun arǝ amǝkani Nggurcau mala Musa! Acemǝnana yia ka, à earce gya aɓalǝ anggea daura aban ak makkun aɓa limo.

Luka 11:43

Caukwanban nǝ wun, amǝ Farisi! Acemǝnana wu kǝ earce aban-do mǝɓoarne aɓalǝ andakpapi andǝ makkun aɓalǝ alimo.

Luka 18:1

Yesu ne alaggana male ɓe kǝ kanicau mǝnana nǝ̀ lǝmndǝ ama yia ka ɓǝa kǝ pak hiwi cala rǝia wuki ɗang.

Luka 18:13

Sǝ mala mǝcemi ka cam kuko. Eare ama nǝ̀ loasǝ muri a kuli ɗang, wal kikili na ama, “Ɓakuli, sǝn mǝsǝswatǝr mem, mim ngga mǝ nda mǝ'cauɓikea!”

Luka 20:47

À kǝ ɓǝmbǝri aman-lú arǝ agirkuma malea, sǝ à kǝ ɓosǝki aɓwana nǝ pakki ahiwi mǝ'sake. A ulang yia ka à nǝ̀ pakkia wia ɓashi mǝcande.”

Luka 6:24

Sǝa ma caukwanban na nǝ wun, wun amǝkume, acemǝnana wu angŋa dǝmbǝa wu kumǝna ma'wun yì girikiban!

Yohana 16:24

Yale ado ka wu malaká zǝm kǝgir aɓa lullǝam ɗang: wu zǝmbǝa sǝ à nǝ̀ pà wun, sǝ bumpwasǝa ma'wun nǝ̀ lumsǝo.

Amǝ Afisu 6:18

Wu pak hiwi aɓa Bangŋo a koya pwari, nǝ ko ya ulang hiwi andǝ zǝmbǝa amur koya gir kat. Wu dum nǝ tsǝkiru, wu lidǝmbǝa nǝ hiwi ace amǝ kpata Ɓakuli mǝnana a koya ban ngga.

1 Amǝ Tasalonika 5:17

wu came arǝ hiwi,

Jemis 4:6

Sǝ Ɓakuli ka kǝ pa sǝm ɓwamuru kǝrkǝr. Nda gir mǝnana tsǝa sǝ Malǝmce na ama, “Ɓakuli kǝ ɓinǝ cau mala amǝ'twalɓamuru, sǝ kǝ ɓwamur amǝ'nongsǝmuru.”