Matiu 6:34 - Maləmce Məfele mala Ɓakuli: Kurcau Məbəshe

³⁴ Ɓǝ̀ ɓalǝ wun ɓǝ̀ kǝa kasǝkya amur cau mala li ɗang, acemǝnana pwari mala lí ka ndanǝ amale yì tanni. Ko ya pwari ka ndanǝ atanni male mǝnana à kārǝa rǝì ka.

Matiu 6:34 ပူးပေါင်းရင်းမြစ်များ

Matiu 6:11

Pa sǝm girlina mala yalung.

Matiu 6:25

Nda ǝn nggǝ na wun ama, wu kǝa pe rǝ wun tanni nǝ ɗenyicau ɓangciu amur do ma'wun, ace gir mǝnana wu nǝ̀ li andǝ mǝnana wu nǝ̀ nu ka ɗang; ko ace gir mǝnana wu nǝ̀ oasǝo arǝ wun ngga. Nggearǝì ka yilǝmu kuti girlina re, sǝ nggurǝu kuti agir-nggurǝu re?

Matiu 6:27

Yana ata wun nǝ̀ gandǝ tsǝk anonggeo mala yilǝmi ɓǝa yàl kam bǝti nǝ́ pe rǝì tanni aɓa ɗenyicau?

Luka 10:41

Mǝtalabangŋo Yesu ne wi ama, “Marta, Marta, ɓabumo pi sǝ a kǝ pe rǝo tanni arǝ agir pas.

Luka 11:3

Pà sǝm girlina mala yalung andǝ mala koya pwari ka.

Luka 12:11

Ɓǝà wari nǝ wun aɓalǝ andakpapi, a ɓadǝmbǝ amǝɓashi andǝ amurǝma ka, ɓǝ̀ ɓalǝ wun ɓǝ̀ kǝa kasǝkia arǝ pǝlǝcau, ko mana wu nǝ̀ na ka ɗang.

Luka 12:22

Yesu pǝlǝa ne alaggana male ama: Ən nggǝ na wun ama ɓabum wun ɓǝ̀ kǝa pi ace gir mǝnana wu nǝ̀ li ace do nǝ yilǝmu, andǝ mǝnana wu nǝ̀ oasǝo a rǝ wun ngga ɗang.

Yohana 14:27

Mǝ ndya ǝn nggǝ nying wun nǝ dorǝpwala ka. Sǝ mǝnia yì dorǝpwala ǝn pākiyi ka, ɓanza pànǝi nǝ̀ pà ɗang. Ace mani ka, ɓǝ̀ ɓabum wun ɓǝ̀ kǝa kiɗiki ɗang, sǝ ɓangciu ɓǝ̀ kǝa pakka wun ɗang.

Yohana 16:33

Ən bangga wun amǝnia yì acau ka, acemǝnana a ɓalǝam ngga wu nǝ̀ kum dorǝpwala. Aɓa mǝnia yì ɓanza ka, wu nǝ̀ kum patanni, Sǝa ma ɓabum wun ɓǝ̀ kǝa ɓunggi ɗang! Ən linamurǝm amur ɓanza!

Amǝ Mishan 14:22

À camarǝ pe amǝkwaɗi rǝcandǝa, à kǝ kwarkiria ama, ɓǝa lidǝmbǝa nǝ paɓamuru malea. À kǝ kasǝ ɓalǝia nǝ mǝnia yì cau ka ama, “Dumǝna pup sǝm nǝ̀ nu tanni ɗàngɗáng, sǝ sǝm nǝ̀ kutio a Domurǝm mala Ɓakuli.”

Amǝ Filipi 4:6

Ɓǝ̀ kǝgir ɓǝ̀ kǝa tsǝk wun a do-tiki nǝ muru ɗang. Aɓa koya gir ka, wu pak hiwi nǝ zǝmbǝa, wu lǝmndǝì Ɓakuli agir mǝnana wu earkiyi cea ka, sǝ wu kǝ pak yàwá.

1 Bitǝrus 5:7

Gir mǝnana kat kǝ pisǝ bum wun ngga, wu nyinggi Ɓakuli a bui, acemǝnana yì ka, kǝ ɗenyi nǝ wun.