Matiu 6:25 - Maləmce Məfele mala Ɓakuli: Kurcau Məbəshe

²⁵ Nda ǝn nggǝ na wun ama, wu kǝa pe rǝ wun tanni nǝ ɗenyicau ɓangciu amur do ma'wun, ace gir mǝnana wu nǝ̀ li andǝ mǝnana wu nǝ̀ nu ka ɗang; ko ace gir mǝnana wu nǝ̀ oasǝo arǝ wun ngga. Nggearǝì ka yilǝmu kuti girlina re, sǝ nggurǝu kuti agir-nggurǝu re?

Matiu 6:25 ပူးပေါင်းရင်းမြစ်များ

Matiu 10:19

Sǝ ɓǝ̀ à yì bwalkina wun ngga, ɓalǝ wun ɓǝ̀ kǝa kasǝkia arǝ cau mǝnana wu nǝ̀ na ko lang sǝ wu nǝ̀ na ce ka ɗang. Àkǝ̀ pwari mǝno Bangŋo mala Ɓakuli nǝ̀ pa wun cau mǝnana wu nǝ̀ na ka.

Matiu 13:22

Mǝnana kpa aɓalǝ azwe ka nda cam a kun ɓwa mana kǝ ok ce, sǝ bumpina arǝ alta agir mala ɓanza mǝnia andǝ swarkiban mala kume à yì marǝki sǝ à tsǝi pusǝ ɓǝle ɗang.

Matiu 6:31

Ce wu kǝa ɓuanǝbum wun ama, “Mana sǝm nǝ̀ li, ko mana sǝm nǝ̀ nu, ko mana sǝm nǝ̀ oasǝo” ka ɗang.

Matiu 6:34

Ɓǝ̀ ɓalǝ wun ɓǝ̀ kǝa kasǝkya amur cau mala li ɗang, acemǝnana pwari mala lí ka ndanǝ amale yì tanni. Ko ya pwari ka ndanǝ atanni male mǝnana à kārǝa rǝì ka.

Markus 13:11

Sǝ ɓǝa bwal wun, à warinǝ wun aɓa ɓashi ka, ɓǝ̀ ɓalǝ wun ɓǝ̀ kǝa akdǝmbǝa kasǝkya arǝ cau mǝnana wu nǝ̀ na ka ɗang. Kǝ cau mǝnana à nǝ̀ pa wun a ɓabum wun àkǝ̀ banì ka, nda wu nǝ̀ na ka. Acemǝnana wu nda wu nǝ̀ na ce ka ɗang, Bangŋo Mǝfele na.

Markus 4:19

sǝa ma bumpina mala pǝrta gir ɓanza andǝ earce kume, andǝ suno ace acili agir ɗàngɗáng, à shak ce kat, ko kǝ kina pusǝ ɓǝle ɗang.

Luka 12:11

Ɓǝà wari nǝ wun aɓalǝ andakpapi, a ɓadǝmbǝ amǝɓashi andǝ amurǝma ka, ɓǝ̀ ɓalǝ wun ɓǝ̀ kǝa kasǝkia arǝ pǝlǝcau, ko mana wu nǝ̀ na ka ɗang.

Luka 8:14

Amǝsǝɓeale mǝnana à kpa aɓalǝ azwe ka, à ndaka aɓwana mǝnana à ak cau mala Ɓakuli, sǝ nǝ nzǝmo ka aɗenyicau mala doɓanza andǝ alta kume, sǝ bumpina arǝ kum banɓoarnado mala gir ɓanza, yi tsǝa ko à ɓǝl ɗang.

Amǝ Roma 8:32

Ɓakuli ka girban nǝ Muni ɗang, pa Muni ace sǝm kat! Sǝ ɓǝ̀ pa Muni ace sǝm ngga, pà nǝ̀ gandǝ pa sǝm ɓoro nǝ agir gbal kat re?

1 Amǝ Korinti 7:32

Ən earce nǝma wu kǝa wu ɓuanǝbum wun amur agir mala do ɓanza ɗang. Ɓwa mǝnana dukɓala raka, ɗenyicau male ka nda amur turo mala Mǝtalabangŋo, ace mǝnana ɓǝ̀ pwasǝ bumi ka.

Amǝ Filipi 4:6

Ɓǝ̀ kǝgir ɓǝ̀ kǝa tsǝk wun a do-tiki nǝ muru ɗang. Aɓa koya gir ka, wu pak hiwi nǝ zǝmbǝa, wu lǝmndǝì Ɓakuli agir mǝnana wu earkiyi cea ka, sǝ wu kǝ pak yàwá.

2 Timoti 2:4

Kǝ soje pâ kàm mǝnana nǝ̀ oasǝ ɓamuri aɓa dukiado mala aɓwana mǝnana asoje na raka ɗang, acemǝnana kǝ earce nǝ̀ pwasǝbum ɓwa mǝnana twali a soje ka.

1 Bitǝrus 5:7

Gir mǝnana kat kǝ pisǝ bum wun ngga, wu nyinggi Ɓakuli a bui, acemǝnana yì ka, kǝ ɗenyi nǝ wun.