Matiu 6:23 - Maləmce Məfele mala Ɓakuli: Kurcau Məbəshe

²³ Sǝ ɓǝ̀ amǝsǝ ɓwa ka amǝɓane na ka, pà nǝ̀ sǝn gir mana pakki ka ɗang. Sǝ ɓǝ̀ ɓwa kǝ sǝn gir mana pakki ka pepe raka, lǝmndǝ ama pǝndǝa mǝnana nda ɓālǝi ka mǝgule na kǝrkǝr.

Matiu 6:23 ပူးပေါင်းရင်းမြစ်များ

Matiu 20:15

Pa mǝ nǝ gandǝ pak gir mana ǝn earce ka nǝ boalo mem re? A kǝ pak mɓali ace ɓoaro mem le?”

Matiu 6:22

Mǝsǝu ka nda kǝla pitǝla mǝnana kǝ pe ɓwa tǎlaban ngga. Ɓǝ̀ amǝsǝ ɓwa ka amǝɓoarne na ka, nǝ̀ sǝn gir mana pakkiyi ka pepe.

Markus 7:22

nzumon, bwal ɓwa a bum, swarkiban, shamgir mala ɓwa, twal lullǝu, gusǝlǝ-muru andǝ ɓwaɓana.

Luka 11:34

Mǝsǝo nda pitǝla mala rǝo. Ɓǝ̀ mǝsǝo na bang ngga, rǝo kat ka nǝ̀ lumsǝ nǝ tǎlaban. Sǝ ɓǝ̀ amǝsǝo ɓoar raka, rǝo kat ka lumsǝna nǝ pǝndǝa.

Luka 8:10

Pǝlǝa nea wia ama: Wun ngga à pana wun surǝ gir ɓa sǝmbǝrǝa mala Domurǝm mala Ɓakuli. Sǝ mala acili aɓwana ka, ǝn nggǝ nea wia nǝ kanicau ace mǝnana ɓǝa lumsǝ cau ɓa Malǝmce mǝnana ama: “À nǝ̀ sǝnban, sǝ à pà nǝ̀ sǝn kǝgir ɗang; À nǝ̀ okban, sǝ ce pà nǝ̀ kpakia wia ɗang.”

Amǝ Roma 1:22

A ne malea ka, à nda ka amǝ'sǝle, sǝa ma yia ka, à kwar ɗang.

1 Amǝ Korinti 2:14

Sǝ ɓwa mǝnana pànǝ Bangŋo mala Ɓakuli raka, pà nǝ̀ gandǝ ak aɓoro mǝnana à pur aban Bangŋo mala Ɓakuli ka ɗang. Mǝno yì ɓwa ka pà nǝ̀ gandǝ surǝ amǝnia yì agir ka ɗang, acemǝnana agir mǝɓane na abani, sǝ pà nǝ̀ surǝia ɗang, acemǝnana agir ka nǝ bu Bangŋo mala Ɓakuli sǝ à nǝ̀ surǝia.

Amǝ Afisu 4:18

Ɓabumia ka lumsǝ nǝ pǝndǝa; à pa aɓa yilǝmu mǝnana Ɓakuli kǝ pa ka ɗang, ace ɗwanyi sǝlǝe andǝ murcandǝa malea.

Amǝ Afisu 5:8

Ɗiɗyal ka, wu nda aɓa pǝndǝa, sǝ a dyan ngga, wu kumǝna tǎlaban a bu Mǝtalabangŋo. Ace mani ka, wu dukdo mala aɓwana mǝnana à nda aɓa tǎlaban ngga.

1 Yohana 2:11

Sǝ ɓǝ̀ kǝɓwa ɓinǝ mǝsǝ mǝ'eambǝi ka, nda aɓa pǝndǝa; aɓa pǝndǝa sǝ kǝ gya, yale surǝ ban mǝnana kákiyi kam ngga ɗang, acemǝnana pǝndǝa dumsǝni a nte.